1 Corintios 14:1 - Chayahuita (Shahui)

¹ Napoaton iyaroꞌsaꞌ, noya ninosorocoꞌ. Ina quëran Yosë nontocoꞌ Ispirito Santo catahuainquëmaꞌ maꞌsona nohuantërinsoꞌ nicacamasoꞌ. Yosë nanamën shaꞌhuicasoꞌ naꞌcon naꞌcon nohuantocoꞌ.

1 Corintios 14:1 ပူးပေါင်းရင်းမြစ်များ

Proverbios 15:9

Co noyahuëꞌ nipisopita napopisoꞌ, co Siniorori ahuantërinhuëꞌ. Noyasáchin nipisopitaso nipirinhuëꞌ, nosororin.

Romanos 12:6

Yosë nosoroatonpoaꞌ, acorinpoaꞌ nisha nisha nicacasoꞌ. Maꞌmarësona acohuachinpoaꞌ, noya niahuaꞌ. Aꞌnaquën, yonquirinso chachin anitotërin shaꞌhuicaiso marëꞌ. Anitotohuachinquëmaꞌ, yaꞌipiya noꞌtëquën shaꞌhuicoꞌ.

Romanos 14:19

Napoaton noya ninicatëhuaꞌ, yaꞌhuaꞌahuaꞌ. Nicatahuahuaꞌ noya noya imacaso marëꞌ.

Romanos 9:30

Napoahuarëꞌ ¿maꞌtaꞌ tëcarihuaꞌ? tënahuë yonquiato. Nisha piyapiꞌsaꞌ huaꞌquiꞌ co Yosë yonquipirinahuëꞌ, inari anoyacancantërin. “Yosë noꞌtëquën nonin,” taꞌtonaꞌ natëpi. Napoaton noya niꞌnin.

1 Corintios 12:1

Apira Ispirito Santo naporinsoꞌ iyaroꞌsaꞌ, aꞌchinchinquëmaꞌ noꞌtëquën nitotacamaso marëꞌ. Ina tëhuënchachin catahuarinpoaꞌ nohuantërinsoꞌ nicacasoꞌ. Aꞌnaya aꞌnayanpoaꞌ catahuarinpoaꞌ.

1 Corintios 12:31

Yosë nontocoꞌ Ispirito Santo catahuainquëmaꞌ noya noya nininsopita nitotatomaꞌ aꞌnapita catahuacaso marëꞌ. Napoaponahuëꞌ, piyapi nosorocasoꞌ noya nóya tënahuë. Ina aꞌchinchinquëmaꞌ.

1 Corintios 13:13

Cancanënpoa quëran huarëꞌ Yosë natëcasoꞌ yaꞌhuërin. “Co onporontaꞌ nonpintarinpoahuëꞌ,” taꞌtëhuaꞌ, inasáchin ninacasoꞌ yaꞌhuërin. Ninosorocasontaꞌ yaꞌhuërin. Yosësoꞌ naꞌcon naꞌcon nohuantërin ninosorocasoꞌ.

1 Corintios 13:2

Aꞌnaquënpoaꞌ Yosë yonquirinso chachin nitotatëhuaꞌ, shaꞌhuitarëhuaꞌ. Yaꞌipi nitotarihuarahuëꞌ, co piyapiꞌsaꞌ nosorohuatëhuahuëꞌ, topinan quëran nitotarihuaꞌ, co Yosë noya niꞌsarinpoahuëꞌ. Yosë chiníquën natëtëhuaꞌ, nontohuatëhuaꞌ, motopi chiꞌhuincacaso pochin nanitapapirëhuahuëꞌ, co piyapiꞌsaꞌ nosorohuatëhuahuëꞌ, topinan quëran natërëhuaꞌ, co Yosë noya niꞌsarinpoahuëꞌ.

1 Corintios 14:22

Aꞌnaquën nisha nananquë nonpiso pochin nonpi. Co imapisopitasohuëꞌ ayonquicaiso marëꞌ napopi. “Yosë nohuanton, naporin,” taꞌtonaꞌ, yonquiaponaꞌ nimara. Imarëhuasopitaso nipirinhuëꞌ, canpoara nanamënpoaquë chachin Yosë nanamën shaꞌhuitohuachinënpoaꞌ, noya cancantarihuaꞌ: “Ma noyacha catahuarinpoa paya,” tarihuaꞌ.

1 Corintios 14:37

Yosë nanamën chachin noꞌtëquën aꞌchintëranquëmaꞌ. Noꞌtëquën ninshitëranquëmaꞌ. Insosona yapënëntohuachin, natëinco. Ispirito Santo tëhuënchachin catahuahuachinquëmaꞌ, ina nanan chachin natëaramaꞌ.

1 Corintios 14:39

Napoaton iyaroꞌsaꞌ, Yosë anitotërinquëmasoꞌ shaꞌhuicamasoꞌ naꞌcon naꞌcon nohuantocoꞌ. Aꞌnaquën nisha nananquë nonpiso pochin yanonpachina, tananpitocoꞌ noin.

1 Corintios 16:14

Maꞌsona tërantaꞌ nipatamaꞌ, noya ninosoroatomaꞌ, nicoꞌ.

Efesios 1:3

Ma noyacha Tata Yosëso paya. Sinioro Quisocristo paꞌpin inasoꞌ. Inápa quëran noya noya yonquirinpoaꞌ. Quisocristo imarëhuaꞌ niꞌton, naꞌcon catahuarinpoaꞌ noya noya cancantacaso marëꞌ. Oshanënpoaꞌ inquitatonpoaꞌ, anoyacancantërinpoaꞌ. Ina quëran nani tahuëri catahuarinpoaꞌ nohuantërinso chachin nicacasoꞌ. Co inápaquë yaꞌhuëyatërarihuarahuëꞌ, inatohuaꞌ yaꞌhuëarëhuaso pochin Yosë nohuitërëhuaꞌ. Ina yonquiatëhuaꞌ, “Yosparinquën Sinioro,” itahuaꞌ.

1 Tesalonicenses 5:20

“Yosë anitotërincoso shaꞌhuichinquëma,” itohuachinënquëmaꞌ, noya natancoꞌ.

1 Timoteo 4:14

Iráca ansianoꞌsaꞌ niyontonahuatonaꞌ, acorinënquën Yosë nanamën aꞌchinamaso marëꞌ. Sëꞌhuamotorahuatënënquën, nanan quëtërinënquën aꞌchinamaso marëꞌ. Ina quëran Yosë catahuarinquën nóya aꞌchinamasoꞌ. Ama ina naniantaton, topinan yaꞌhuëquësohuëꞌ.

1 Timoteo 5:10

Noya nininsoráchin acoꞌinaꞌ. Iso pochin nipisopita: Huaꞌhuinpita noya asoꞌsorinsoꞌ. Niꞌtoroꞌsaꞌ huëꞌpachinara, oꞌshitërinsoꞌ. Co mantaꞌ apirarinsohuëꞌ. Piyapinën pochin cancantaton, imapisopita catahuarinsoꞌ. Parisitopisopita nosororinsoꞌ. Noyasáchin nininsoꞌ. Ina pochin nipisopita acoꞌinaꞌ.

1 Timoteo 6:11

Quëmaso nipirinhuëꞌ api Yosë imaran niꞌton, ama coriquiráchin yonquiquësohuëꞌ. Noya nicacasoáchin yonquiquëꞌ. Cancanën quëran huarëꞌ Yosë chinotëquëꞌ. “Inasoꞌ nosoroatonco, catahuarinco,” taꞌton, noya natëquëꞌ. Naporahuaton, yaꞌipi piyapi nosoroquëꞌ. Maꞌsha onpoaponahuëꞌ, chiníquën cancantëquëꞌ. Sano piyapi niquëꞌ.

2 Timoteo 2:22

Aꞌnaquën huiꞌnapiꞌsasoꞌ nisha nisha yonquiatonaꞌ, paꞌsápi. Ama ina pochin yonquiquësohuëꞌ. Noyasáchin nicacasoꞌ yonquiquëꞌ. Yaꞌipi cancanën quëran Quisocristo natëquëꞌ. Yaꞌipi piyapi nosoroquëꞌ. Yaꞌipi imarëhuaso capininpoaꞌ noya niniꞌtëhuaꞌ, yaꞌhuaꞌahuaꞌ. Noyápiachin cancantatëhuaꞌ, Sinioro nontërëhuaꞌ catahuainpoaso marëꞌ.

Hebreos 12:14

Ama piꞌpian tërantaꞌ ninoꞌhuicosohuëꞌ. Naporahuaton, noya nicoꞌ. Co noya nipatamahuëꞌ, co mantaꞌ Yosë nohuitaramahuëꞌ.

2 Pedro 1:7

Noyasha chinotatomaꞌ, imaramasopita capini noya ninosorocoꞌ. Naporahuatomaꞌ, yaꞌipi piyapi nosorocoꞌ.

3 Juan 1:11

Ama iya co noyahuëꞌ nipisopita nonanquësohuëꞌ. Noya nipisopita nonanquëꞌ. Noya nipatëhuaꞌ, tëhuënchachin Yosë imarihuaꞌ. Co noyahuëꞌ nipatëhuaꞌ, co Yosë nohuitarihuahuëꞌ.

1 Samuel 10:5

Ina quëran paꞌsahuaton Yosë Quipianën itopisoꞌ ninanoquë cansaran. Inaquë panca huënton huiristino sontaroꞌsa yaꞌhuërin. Ina ninanoquë yaꞌconpatamaꞌ, aꞌna huëntonaca pënëntonaꞌpiroꞌsa nacapiaramaꞌ. Yosë yonquirinso shaꞌhuirëꞌnachin huëꞌsapi, nacapiaran. Inahuasoꞌ, inahuara nohuanton artaro acopi quëran nohuaramarapi. Aꞌnaquën quëchitatona nisha nisha piꞌníriapi. Nisha quitara, pantirita, arpa, inapita piꞌníriapi. Pirinanoꞌsanta pihuiriapi nacapiaran.