1 Corintios 13:5 - Chayahuita (Shahui)

⁵ Piyapiꞌsaꞌ nosorohuatëhuaꞌ, co piꞌpisha tërantaꞌ atapanarihuahuëꞌ. Co canpoara nohuantërëhuasoachin yonquiarihuahuëꞌ. Tëhuënchachin nosorohuatëhuaꞌ, noꞌhuipirinënpoahuëntaꞌ co noꞌhuirihuahuëꞌ. Pinopirinënpoahuëntaꞌ, co ina yonquiarihuahuëꞌ, naniantarihuaꞌ.

1 Corintios 13:5 ပူးပေါင်းရင်းမြစ်များ

Números 12:3

Moisësësoꞌ, yaꞌipi piyapiꞌsa quëran sano sano quëmapi ninin.

Mateo 5:22

Co tëpatërëso marëáchin anaꞌintinpoasoꞌ yaꞌhuërinhuëꞌ, tënahuë. Aꞌna piyapi noꞌhuihuatamaꞌ, anaꞌintarinquëmaꞌ. Pinotohuatamantaꞌ, cotio ansianoꞌsaꞌ anaꞌinchinquëmaꞌ. Cancanëma quëran huarëꞌ noꞌhuitomaꞌ, ‘Quëmasoꞌ sopainquën,’ itohuatamaꞌ, pënquë chachin parisitacasoꞌ yaꞌhuërin, tënahuë.

Mateo 9:4

Topinan yonquinëna quëran napoápirinahuëꞌ, Quisosori nitotaton. —¿Onpoatomataꞌ co noyahuëꞌ yonquirapiramaco?

Marcos 3:5

Co aꞌpanitohuachinarahuëꞌ, aꞌnaya aꞌnaya niꞌsarin. Co natantochináchinhuëꞌ cancantopi niꞌton, noꞌhuirë pochin cancantaton, co noyahuëꞌ niꞌnin. “Co nosoropihuëꞌ,” taꞌton, paꞌpi sëtërin. —Imiran iyasha ihuëquëꞌ, itërin. Ihuëhuachina, aꞌnaroáchin noyatërin.

Lucas 7:39

Ina niꞌsahuaton, pëiꞌ huaꞌanëni co noyahuëꞌ niꞌnin. Inaora yonquinën quëran yonquirarin. “Quisoso pënëntonaꞌpi naporini, iso sanapi nohuichitonhuëꞌ. Oshahuan niꞌton, co sëꞌhuacasoꞌ nohuanchitonhuëꞌ,” tënin yonquiaton.

1 Corintios 10:24

Napoaton aꞌnapitantaꞌ noya noya imacaiso marëꞌ catahuacoꞌ. Canpitaora costaramasoꞌ ama aquëtëꞌ yonquicosohuëꞌ. Aꞌnapita naꞌcon naꞌcon yonquicoꞌ.

1 Corintios 10:33

Casoꞌ yaꞌipi piyapiꞌsaꞌ yonquirahuë. Catahuarahuë noya Yosë imacaiso marëꞌ. Co caora costarahuësoꞌ yonquirahuëꞌ. Aꞌnapitantaꞌ yacatahuarahuë inahuantaꞌ Quisocristori anoyacancantacaso marëꞌ.

1 Corintios 11:18

Yosë chinotacaso marëꞌ niyontonpatamara, aꞌna huënton aꞌna huënton nicatomaꞌ, ninoꞌhuiramaꞌ, natantërahuë. Noꞌtëquën shaꞌhuitërinaco, topirahuëꞌ.

1 Corintios 12:25

Nonënpoaꞌ aꞌnaíchin nipirinhuëꞌ, nisha nisha yaꞌhuëtërin. Co ninoꞌhuitonahuëꞌ, nicatahuapi.

1 Corintios 7:36

Huiꞌnamaꞌ nani nanontohuachin, quëmapiri nohuantohuachin, ama apiratocosohuëꞌ. Noya macacasoꞌ nipachinaꞌ, “Maquëꞌ,” itocoꞌ. Noya soꞌyain. Co ina marëꞌ oshahuaninhuëꞌ.

2 Corintios 5:19

Yosë nohuanton, huiꞌnin chiminin anoyacancantinpoaso marëꞌ. Anoyacancantohuachinpoaꞌ, co huachi oshanënpoaꞌ yonquirinhuëꞌ, inquitërinpoa huachi. Nani nanan anoyatohuachinpoara, quiyantaꞌ acorincoi paatoi aꞌnapita shaꞌhuitaꞌhuaiso marëꞌ.

Gálatas 5:13

Ina pochin, iyaroꞌsaꞌ, nontaranquëmaꞌ. Canpitasoꞌ Quisocristo nohuantërinquëmaꞌ. Nichaꞌërinquëmaꞌ ama huachi tëꞌhuarëꞌquëmaꞌ yaꞌhuëcamaso marëhuëꞌ. Co huachi yaꞌipi iráca pënëntërinsoꞌ imacasoꞌ yaꞌhuëpirinhuëꞌ, co Yosë nohuantërinhuëꞌ oshahuanacamasoꞌ. Quisocristo imapatamaꞌ, co noyahuëꞌ yonquiramasoꞌ naniantacasoꞌ yaꞌhuërin. Ninosoroatomaꞌ, nicatahuacoꞌ noya cancantacamaso marëꞌ. Aꞌnapita naꞌcon naꞌcon yonquicoꞌ.

Filipenses 2:21

Aꞌnapitasoꞌ inahuara nohuantopisoráchin yonquipi. Co Quisocristo naꞌcon yonquipihuëꞌ.

Filipenses 4:8

Isoíchin iyaroꞌsaꞌ pënënaranquëmaꞌ. Noꞌtën nanansáchin yonquicoꞌ. Noya imatonaꞌ, noya nipisopita yonquicoꞌ. Ama nonpin nananoꞌsaꞌ natëtocosohuëꞌ. Noyápiachin cancantocoꞌ. Aꞌnapita noyasáchin yonquirapicoꞌ. Noya nahuininsoráchin yonquicoꞌ. Aꞌnapita noya nipisoꞌ yonquiatomaꞌ: “Ma noyacha Yosëri catahuarin paya,” itocoꞌ. Ina pochin yonquihuatamaꞌ, Yosë noya niꞌsarinquëmaꞌ.

2 Tesalonicenses 3:7

Nani nitotëramaꞌ noya nicacamasoꞌ. “Nonancoi,” itërainquëmaꞌ. Canpitataquë yaꞌhuasocoi, co quiyasoꞌ topinan yaꞌhuëraihuëꞌ. Co chiroraihuëꞌ.

2 Timoteo 2:10

“Yosë nohuanton, huayoninsopita oshaquëran imasapi,” taꞌto, yaꞌipiya ahuantërahuë. Quisocristo imapachinaꞌ, nichaꞌësarin. Oshanënaꞌ inquitahuaton, anoyacancantarin niꞌton, aꞌna tahuëri Yosëꞌpaꞌ nanpiantarapi. Inatohuaꞌ noya noya yaꞌhuëcontapi. Co onporontaꞌ pipiapihuëꞌ.

2 Timoteo 4:16

Yaꞌnan coisëquë shaꞌhuirapiponaco, co insontaꞌ catahuarincohuëꞌ. Yaꞌipiya tëꞌhuatonaꞌ, taꞌananpirinaco. Nipirinhuëꞌ, co noꞌhuirahuëꞌ. “Ama ina marëꞌ Sinioro anaꞌintëquësohuëꞌ,” itërahuë Yosë nontato.

Santiago 1:19

Napoaton iyaroꞌsaꞌ, ama topinan nonacamasoáchin yonquicosohuëꞌ. Yosë nanamën naꞌcon naꞌcon natancoꞌ. Naporahuaton, ama yanoꞌhuitocosohuëꞌ.