1 Corintios 13:11 - Chayahuita (Shahui)

¹¹ Iráca huaꞌhuatarihuaꞌ, huaꞌhuasha pochin nonëhuaꞌ, huaꞌhuasha pochin yonquirëhuaꞌ. Iporaso nipirinhuëꞌ nani mashotërëhuaꞌ. Co huachi huaꞌhuasha pochin nonëhuahuëꞌ. Co huachi huaꞌhuasha pochin ninëhuahuëꞌ.

1 Corintios 13:11 ပူးပေါင်းရင်းမြစ်များ

Mateo 16:7

Natanahuatonaꞌ, caꞌtanoꞌsanënpita capini ninontopi. —¿Onpoatontaꞌ naporin? tënin aꞌnasoꞌ. —Ahuën. Capa pan. Co quënëhuahuëꞌ niꞌton, napotërinpoaꞌ nimara, tënin aꞌnantaꞌ.

1 Corintios 13:10

Aꞌna tahuëriso nipirinhuëꞌ Yosëꞌpaꞌ yaꞌipi nitotarihuaꞌ. Naporoꞌ co aꞌchinacasoꞌ yaꞌhuaponhuëꞌ. Co huachi nipënënacasoꞌ yaꞌhuaponhuëꞌ. Yaꞌipi noya nisapi.

1 Corintios 13:12

Huaꞌna huënaratërinquë sacóshin huaꞌyanënpoꞌ quënanëꞌ. Inapochachin iporasoꞌ piꞌpisha Yosë nohuitërëhuaꞌ. Yosëꞌpaso nipirinhuëꞌ aꞌninquëchin Yosë nohuitarihuaꞌ. Iporasoꞌ co Yosë pochin yaꞌipi nitotarihuahuëꞌ. Inatohuaso nipirinhuëꞌ yaꞌipiya nitotarihuaꞌ. Yosë noyá nohuitërinpoaꞌ. Aꞌna tahuëri canpoantaꞌ inapochachin ina noya nohuitontarihuaꞌ.

1 Corintios 14:20

Canpitasoꞌ iyaroꞌsaꞌ chinotonoꞌsa pochin yonquicoꞌ. Ama huaꞌhuaroꞌsa pochin yonquicosohuëꞌ. Napoaponahuëꞌ, huaꞌhuaroꞌsa pochin noyápiachin cancantatomaꞌ, noyasáchin nicoꞌ. Inapitasoꞌ co yonquiyatërapihuëꞌ oshahuanacaisoꞌ.

Gálatas 4:1

Niꞌcochi. Maꞌhuan chiminpachina, yaꞌipi maꞌshanënpita, coriqui, inapita ayananpirin. Huiꞌnin mashotohuachina, inari yaꞌhuërëtërin. Huaꞌhuataponso nipirinhuëꞌ, co aꞌnaroáchin maninhuëꞌ. Inaora maꞌshanënpita nipirinhuëꞌ, piyapinën pochin nicaton, co aꞌnaroáchin huaꞌanëntërinhuëꞌ.

1 Samuel 3:7

Samoiroso Yosë yaꞌhuërinso nitotaponahuëꞌ, co nohuichátërarinhuëꞌ. Napoaton nontopirinhuëꞌ, “Iri nontarinco,” tënin.