1 Corintios 13:1 - Chayahuita (Shahui)

¹ Nisha nananquë nonpiso pochin nitononarihuarahuëꞌ, co piyapiꞌsaꞌ nosorohuatëhuahuëꞌ, topinan quëran nonarihuaꞌ. Anquëni pochachin nonarihuarahuëntaꞌ, co nosorohuatëhuahuëꞌ, huaꞌna, canpana inapita irininso pochin Yosë nataninpoaꞌ.

1 Corintios 13:1 ပူးပေါင်းရင်းမြစ်များ

Salmos 150:5

Pinca pinca taꞌtëhuaꞌ, Yosë yonquiaꞌahuaꞌ. Shari shari taꞌtëhuaꞌ, “Yosparinquën,” itahuaꞌ.

Mateo 25:45

‘Coꞌta imarinacosopita parisitopirinahuëꞌ, co catahuaramahuëꞌ. Saꞌahuaroꞌsaꞌ maꞌsha pahuantopirinahuëꞌ, co quëtëramahuëꞌ. Co inapita nosororamahuëꞌ niꞌton, co cantaꞌ nosororamacohuëꞌ,’ itarahuë. Itahuato, aꞌpararahuë huachi.

Marcos 16:17

Natëhuatamaꞌ, nani maꞌsha nisaramaꞌ piyapiꞌsaꞌ nitotacaiso marëꞌ. Chiníquën nanan quëchinquëmaꞌ sopairoꞌsaꞌ aꞌpacamaso marëꞌ. Nisha nisha nananquë nonsaramaꞌ.

Romanos 14:15

Isontaꞌ yonquicoꞌ. Aꞌnaquëmaꞌ yaꞌipi cosharoꞌ noya caꞌnamaꞌ. Aꞌnaquënso nipirinhuëꞌ co nosha caꞌpihuëꞌ. “Huëcoꞌ ina caꞌahuaꞌ,” itohuatamaꞌ, co noyahuëꞌ cancantaponaꞌ nimara. “Co noyahuëꞌ capacasoꞌ,” taponaraihuëꞌ, caꞌpachinaꞌ, co huachi noyahuëꞌ cancantapi. Napoaton inapita nosoroatomaꞌ, ama napotocosohuëꞌ. Ama cosharoachin yonquiatomaꞌ, aꞌnapita anishacancantocosohuëꞌ. Inapita marëntaꞌ Quisocristo chiminin.

1 Corintios 12:10

Ispirito Santo nohuanton, aꞌnaquëontaꞌ nanitërin sacai nininsoꞌ nicacasoꞌ. Aꞌnaquën Yosë yonquirinso chachin cancanën quëran anitotërin aꞌnapita shaꞌhuitacaso marëꞌ. Aꞌnaquëontaꞌ Ispirito Santo nohuanton, macarisona catahuarinsoꞌ nitoninorin. Co Ispirito Santoachin yacatahuarinpoahuëꞌ. Sopairintaꞌ piyapiꞌsaꞌ catahuarin nonpintinpoaso marëꞌ. Napoaton aꞌnapita pënënpachinpoaꞌ, ninocasoꞌ yaꞌhuërin. Nonpin nanan nipachina, shaꞌhuitërinpoaꞌ ama natëcaso marëhuëꞌ. Aꞌnaquëontaꞌ Ispirito Santo nohuanton, nisha nananquë nonpiso pochin nonpi. Aꞌnapitantaꞌ catahuarin maꞌsona nisha nananquë topisoꞌ shaꞌhuicaisoꞌ.

1 Corintios 12:16

Huëratëhuëntaꞌ nontërinco naporini, “Casoꞌ quëma huëratënco. Co yaꞌpirancohuëꞌ. Napoaton co nohuantancosoꞌ yaꞌhuërinhuëꞌ,” itërinco naporini, co noꞌtëquën nonchitoncohuëꞌ. Huëratëhuëntaꞌ nohuantërahuë.

1 Corintios 12:8

Ispirito Santo nohuanton, aꞌnaquën noyá nitotërin pënëntacasoꞌ. Noꞌtëquën yonquiaton, pënëntarin. Aꞌnaquëontaꞌ noya noya nitotaton, aꞌchinarin.

1 Corintios 13:8

Ipora quëran huarëꞌ ninosoromiatacasoꞌ yaꞌhuërin. Aꞌnaquën ipora Yosë yonquirinso chachin piyapiꞌsaꞌ shaꞌhuitapirinahuëꞌ, aꞌna tahuërisoꞌ co huachi ina shaꞌhuitacasoꞌ yaꞌhuaponhuëꞌ. Aꞌnaquëontaꞌ nisha nananquë nonpiso pochin nonpi. Aꞌna tahuëriso nipirinhuëꞌ co huachi ina pochin nonacasoꞌ yaꞌhuaponhuëꞌ. Iporasoꞌ aꞌnaquën nitotërin aꞌchinacasoꞌ. Aꞌna tahuëri co huachi maꞌsha anitotacasoꞌ yaꞌhuaponhuëꞌ. Inapitasoꞌ co yaꞌhuëmiatarinhuëꞌ. Nipirinhuëꞌ, ninosorocasosoꞌ yaꞌhuëmiatarin.

1 Corintios 14:2

Aꞌnaquën Ispirito Santo nohuanton, nisha nananquë nonpiso pochin nonpi. Co natanchináchinhuëꞌ nonpi niꞌton, co piyapiꞌsaꞌ natanpihuëꞌ. Yosëíchin natanin. Yosëri ayonquirinsoꞌ nonsapirinahuëꞌ, co aꞌnapitari natanpihuëꞌ.

1 Corintios 14:4

Nisha nananquë nonpiso pochin nonpachinaꞌ, inahuara Yosë yonquiatonaꞌ, chiníquën cancantapi. Nipirinhuëꞌ, Yosë nanamën shaꞌhuitohuachinënpoaꞌ, yaꞌipi imarëhuasopita natanpatëhuaꞌ, chini chiníquën cancantarihuaꞌ.

1 Corintios 14:5

Nisha nananquë pochin nonacasoꞌ noya nipirinhuëꞌ, Yosë nanamën shaꞌhuicasoꞌ noya noya, tënahuë. Ina naꞌcon naꞌcon Yosë nohuantërin. Nisha nananquë nonpachina, ina piquëran maꞌsona tapon naporinsoꞌ shaꞌhuichinënquëmaꞌ. Imaramasopita natanatomaꞌ, noya yonquicamaso marëꞌ shaꞌhuichinënquëmaꞌ.

1 Corintios 8:1

Aꞌnaquën maꞌsha tëparahuatonaꞌ, nosha acopi mamanshi chinotacaiso marëꞌ. “¿Noya ipora ina nosha paꞌanatëꞌ capacasoꞌ ti?” itëramaco niꞌton, shaꞌhuichinquëmaꞌ. Tëhuënchachin iyaroꞌsaꞌ co mamanshisoꞌ nanpirinhuëꞌ, nitotërëhuaꞌ. Nani naꞌcon nitotarihuarahuëꞌ, co aꞌnapita nosorohuatëhuahuëꞌ, topinan quëran nitotatëhuaꞌ, ninocanarihuaꞌ. Nipirinhuëꞌ, piyapi nosorohuatëhuaꞌ, catahuarëhuaꞌ noya noya Yosë imacaiso marëꞌ.

2 Corintios 12:4

Yosëꞌpaꞌ yaꞌhuasoco, naꞌcon natanpirahuëꞌ, co nanitërahuëꞌ shaꞌhuicaꞌhuasoꞌ. Co Yosë nohuantërinhuëꞌ.

Gálatas 5:22

Nipirinhuëꞌ, Ispirito Santo natëhuatëhuaꞌ, catahuarinpoaꞌ ninosorocasoꞌ. Catahuahuachinpoaꞌ, Yosë nohuitatëhuaꞌ, capa cancantarihuaꞌ. “Yosë noya niꞌsarinco,” taꞌtëhuaꞌ, sano cancantarihuaꞌ niꞌton, noya ninicatëhuaꞌ yaꞌhuarihuaꞌ. Piyapiꞌsaꞌ noꞌhuipirinpoahuëntaꞌ, co yanoꞌhuirihuahuëꞌ. Maꞌsha onpohuatëhuantaꞌ, ahuantarihuaꞌ. Nosoroatëhuaꞌ, nóya nontarihuaꞌ. Ispirito Santo catahuahuachinpoaꞌ, noya nicarihuaꞌ. Noꞌtëquën nontarihuaꞌ; co piꞌpisha tërantaꞌ nonpintarihuahuëꞌ.

Gálatas 5:6

Quisocristo imapatëhuaꞌ, co marca yonquiarihuahuëꞌ. Aꞌnaquënsoꞌ nani niacotopi. Aꞌnaquënso nipirinhuëꞌ co niacotopihuëꞌ. Co ina yonquicasoꞌ yaꞌhuërinhuëꞌ. Cancanënpoa quëran huarëꞌ imacasoꞌ yaꞌhuërin. “Quisocristo catahuarinpoaꞌ. Co nonpintarinpoahuëꞌ,” taꞌtëhuaꞌ, yaꞌipi cancanënpoa quëran natëahuaꞌ. Ina natëhuatëhuaꞌ, catahuarinpoaꞌ nóya ninosorocasoꞌ. Ina pochin cancantohuatëhuaꞌ, Yosë noya niꞌsarinpoaꞌ.

1 Timoteo 1:5

Noꞌtën nanansáchin imapatëhuaꞌ, catahuarinpoaꞌ noya ninosorocasoꞌ. Noyápiachin cancantohuatëhuaꞌ, co nisha nisha yonquiarihuahuëꞌ. Ina quëran cancanënpoa quëran huarëꞌ natëarihuaꞌ. Ina pochin cancantohuatëhuaꞌ, noya nosoroarihuaꞌ. Ina Yosësoꞌ nohuantërin.

1 Pedro 4:8

Yaꞌipi cancanëma quëran noya ninosorocoꞌ. Ina naꞌcon naꞌcon Yosë nohuantërin. Piyapi nosorohuatamaꞌ, co noyahuëꞌ nipirinahuëntaꞌ, aꞌnaroáchin nanan anoyataramaꞌ. Co noyahuëꞌ nipisopita naniantatomaꞌ, co huachi yonquiaramahuëꞌ.

2 Pedro 2:18

Inahuara nipaꞌyatatonaꞌ, topinan quëran nontarinënquëmaꞌ. Nisha nisha yonquipi. Nasha yaꞌconpisopita aꞌnaroáchin nonpintopi. Ipora huarëꞌ co noyahuëꞌ yonquipisopita naniantapirinahuëꞌ. “Huëcoꞌ noꞌpiahuaꞌ. Noya noꞌpicasoꞌ. Noya monshihuanacasoꞌ,” itopi nonpintatonaꞌ.

Apocalipsis 14:2

Ina quëran inápaquë chiníquën tënëntërinsoꞌ natanahuë. Panca soꞌpora pochin tënëntarin. Chiníquën huira pochin natanpirahuëꞌ, arparoꞌsaꞌ piꞌniatonaꞌ, naporapi.