1 Corintios 12:7 - Chayahuita (Shahui)

⁷ Co canpoara nanitopirëhuahuëꞌ, Ispirito Santo ananitërinpoaꞌ maꞌsona ina nohuantërinsoꞌ nicacasoꞌ. Catahuarinpoaꞌ niꞌton, aꞌnapitantaꞌ catahuarihuaꞌ noya noya imacaiso marëꞌ.

1 Corintios 12:7 ပူးပေါင်းရင်းမြစ်များ

1 Corintios 12:12

Nonënpoaꞌ aꞌnaíchin nipirinhuëꞌ, nisha nisha yaꞌhuëtërin. Yaꞌpiranpoaꞌ, nantënpoaꞌ, imiranpoaꞌ, inapita yaꞌhuëtërinpoaꞌ. Inapochachin Quisocristo imarëhuasopita nisha nisha nirihuarahuëꞌ, aꞌna huëntoínchin ninëhuaꞌ. Nonën pochin Quisocristo niꞌninpoaꞌ.

1 Corintios 14:12

Naꞌcon nohuantëramaꞌ Ispirito Santo catahuainquëmasoꞌ. Nisha nisha nicacamasoꞌ nohuantëramaꞌ niꞌquëhuarëꞌ maꞌsona tërantaꞌ nipatamaꞌ, aꞌnapita imapisopita catahuacoꞌ noya noya cancantacaiso marëꞌ.

1 Corintios 14:17

Noya Yosë nontopiramahuëꞌ, aꞌnapitasoꞌ topinan quëran natanpi niꞌton, co catahuaramahuëꞌ.

1 Corintios 14:19

Napoaponahuëꞌ, Yosë chinotacaso marëꞌ niyontonpatëhuaꞌ, aꞌchinacasoꞌ noya noya tënahuë. Nisha nananquë pochin nonato, shonca huaranca nanan nonahuë naporini, topinan quëran nointohuëꞌ. Canpoaꞌ nananquë cara nanaínchin tërantaꞌ nonpato, natanamaꞌ niꞌton, noya noya ninin, tënahuë.

1 Corintios 14:5

Nisha nananquë pochin nonacasoꞌ noya nipirinhuëꞌ, Yosë nanamën shaꞌhuicasoꞌ noya noya, tënahuë. Ina naꞌcon naꞌcon Yosë nohuantërin. Nisha nananquë nonpachina, ina piquëran maꞌsona tapon naporinsoꞌ shaꞌhuichinënquëmaꞌ. Imaramasopita natanatomaꞌ, noya yonquicamaso marëꞌ shaꞌhuichinënquëmaꞌ.