1 Corintios 11:34 - Chayahuita (Shahui)

³⁴ Aꞌnaquën tanahuachinaꞌ, inahuara pëinënaquë coshachinaꞌ. Ina quëran noya niyontonpatamaꞌ, co Yosë anaꞌintarinquëmahuëꞌ. Aꞌna tahuëri paꞌsarahuë nicaponquëmaꞌ. Naporoꞌ naꞌcon naꞌcon aꞌchinchinquëmaꞌ.

1 Corintios 11:34 ပူးပေါင်းရင်းမြစ်များ

1 Corintios 11:33

Napoaton iyaroꞌsaꞌ noyápiachin cancantatomaꞌ, Quisocristo chimininsoꞌ yonquicaso marëꞌ niyontoncoꞌ. Ina marëꞌ niyontonpatamaꞌ, ama aꞌnaroáchin caꞌcosohuëꞌ. Nininacoꞌ. Yaꞌipi nanihuatamaꞌ, napopináchin caꞌcoꞌ.

1 Corintios 16:1

Aꞌnantaꞌ shaꞌhuichinquëmaꞌ, yonquicoꞌ. Aꞌnaquën imapisopita maꞌsha pahuantarin niꞌton, parisitapi. Inapita catahuacaso marëꞌ coriqui yaaꞌparamaꞌ. Carasiaquë imapisopitantaꞌ coriqui aꞌparapi. Inapita nani shaꞌhuitërahuë coriqui yontonacaiso marëꞌ. Inapochachin canpitantaꞌ shaꞌhuitaranquëmaꞌ.

1 Corintios 16:2

Nani Tomio tahuëri niyontonpatamaꞌ, coriqui acocoꞌ. Nanitëramasoꞌ acocoꞌ. Naꞌcon canahuatamaꞌ, naꞌcon quëtocoꞌ. Piꞌpian canahuatamaꞌ, piꞌpian quëtocoꞌ. Nani simana inapohuatamaꞌ, nicaponquëmaꞌ paꞌpato, coriqui yontonamasoꞌ quënanconarahuë.

1 Corintios 16:5

Nicaponquëmaꞌ yapaꞌpirahuëꞌ, iporasoꞌ co nanitërahuëꞌ. Masitonia parti pacaꞌhuasoꞌ yaꞌhuërin. Nani niꞌtontahuato, yaꞌhuëramaquë paꞌsarahuë.

1 Corintios 4:17

Ina marëꞌ Timotio aꞌpatëranquëmaꞌ. Inasoꞌ noya niꞌnahuë. Aꞌchintohuatëra, Quisocristo imarin niꞌton, huiꞌnahuë pochin niꞌnahuë. Nóya Sinioro imarin. Yaꞌipi naporahuësoꞌ ayonquiarinquëmaꞌ noya noya imacamaso marëꞌ. Insëquësona paꞌpatëra, Quisocristo nanamënsáchin aꞌchinahuë. Imapisopita niyontonpachinara, aꞌchintërahuë.

1 Corintios 4:19

Tëhuënchachin nicaponquëmaꞌ yapaꞌsarahuë. Yosë nohuanton, co huaꞌquiya quëranhuëꞌ paꞌsarahuë. Naporoꞌ nocaninacosopita niꞌsarahuë. Naꞌcon nonpirinahuëꞌ, co nimara nanitapapihuëꞌ Yosë marëꞌ noya sacatacaisoꞌ.

1 Corintios 7:17

Yosë nohuanton, nisha nisha ninëhuaꞌ. Co napopináchin ninëhuahuëꞌ. Onpopinsona nicasëhuaꞌ Yosë imapatëhuaꞌ, inachachin niahuaꞌ. Yaꞌhuërëhuaquë chachin sano yonquiatëhuaꞌ, imahuaꞌ. Paato, yaꞌipi imapisopita inachachin pënënarahuë.

Tito 1:5

Crita parti yaꞌhuarihuaꞌ, aꞌnaya aꞌnaya ninanoquë aꞌchintopirëhuahuëꞌ, pahuanarin yaꞌipi aꞌchinacasoꞌ niꞌton, inaquë huëshiranquën: “Imapisopita yaꞌipi aꞌchintacaso yaꞌhuërinso aꞌchintëquëꞌ. Naporahuaton, yaꞌipi ninanoroꞌsaquë ansianoꞌsaꞌ acoraꞌpiaquëꞌ,” itëranquën.