1 Corintios 11:3 - Chayahuita (Shahui)

³ Isontaꞌ iyaroꞌsaꞌ aꞌchinchinquëmaꞌ nitotocoꞌ. Co insontaꞌ inaora nohuanton yaꞌhuërinhuëꞌ. Tëhuënchachin natëcasoꞌ yaꞌhuërin, tënahuë. Sanapiꞌsasoꞌ soꞌinaꞌ natëinaꞌ. Quëmapiꞌsantaꞌ Quisocristo natëinaꞌ. Quisocristosoꞌ Tata Yosë natërin.

1 Corintios 11:3 ပူးပေါင်းရင်းမြစ်များ

Génesis 3:16

Ina quëran sanapi yaꞌhuërëꞌ itapon: —Co natërancoso marëhuëꞌ, huaꞌhuanpatan paꞌpi iquin quëran huaiaran. Napoaponahuëꞌ, soꞌyan yaꞌcariantaran. Naporahuaton, soꞌyan camaiinquënso yaꞌhuërin, itërin.

Isaías 52:13

Sinioro chachin naporin: “Niꞌcoꞌ. Piyapinëhuë maꞌpitaso nipachin, noya pipitarin. Cari chachin noya nicato, noya noya acoarahuë.

Isaías 55:4

Nisha nisha piyapiroꞌsa naporahuësoꞌ shaꞌhuitacaso marëꞌ, cari ina acorahuë. Nisha nisha parti yaꞌhuëpisopita huaꞌanëntaton aꞌchintacaso marëꞌ acorahuë.

Mateo 28:18

Quisosori yaꞌcarirahuaton, itapon: —Tata Yosë nohuanton, chini chiníquën nanantërahuë. Inápaquë yaꞌhuërinsopita, isoroꞌpaquë yaꞌhuërinsopita, yaꞌipiya huaꞌanëntarahuë.

Juan 14:28

Nani shaꞌhuitëranquëmaꞌ. Inápaquë pantaporahuëꞌ, yaꞌcoancantimaranquëmaꞌ. Tëhuënchachin nosororamaco naporini, Tatahuëtaquë panantarahuëso marëꞌ noya cancanchitomahuëꞌ. Inasoꞌ chini chiníquën nanantërin.

1 Corintios 3:23

Quisocristo anoyacancantërinpoaꞌ niꞌton, inasáchin imacasoꞌ yaꞌhuërin. Inasoꞌ huaꞌanëntërinpoaꞌ. Tata Yosëri chachin aꞌpaimarin.

Efesios 4:15

Quisocristo nanamënso nipirinhuëꞌ noꞌtën nanan. Noya ninosoroatëhuaꞌ, inasáchin niaꞌchintahuaꞌ. Inapohuatëhuaꞌ, oshaquëran Quisocristo pochin cancantarihuaꞌ. Inasoꞌ naꞌcon nosoroatonpoaꞌ, huaꞌanëntarinpoaꞌ. Inaora nonën pochachin niꞌninpoaꞌ. Inasoꞌ motënpoa pochin niꞌton, natëcasoꞌ yaꞌhuërin.

Colosenses 1:18

Yaꞌipi imarëhuasopita aꞌna huënton pochin ninëhuaꞌ. Inaora nonën pochachin Quisocristo niꞌninpoaꞌ. Inasoꞌ motënpoa pochin nicaton, huaꞌanëntërinpoaꞌ. Inaꞌton chiminaponahuëꞌ, nanpiantarin. Napoaton yaꞌipinpoaꞌ inasáchin natëcasoꞌ yaꞌhuërin huachi.

Colosenses 2:10

Canpoantaꞌ ina imapatëhuaꞌ, co mantaꞌ pahuantarinpoahuëꞌ noya noya cancantacaso marëꞌ. Yosë chachin nohuitarëhuaꞌ. Huaꞌanoꞌsaꞌ, anquëniroꞌsaꞌ, sopairoꞌsaꞌ, inapita chiníquën nanantopirinahuëꞌ, Quisocristosoꞌ chini chiníquën nanantërin. Co ina nohuantohuachinhuëꞌ, co mantaꞌ nanitapihuëꞌ nicacaisoꞌ.

Colosenses 2:19

Inapitasoꞌ co tëhuënchachin Quisocristo imapihuëꞌ. Inasáchin motënpoaꞌ pochin nicaton, huaꞌanëntarinpoaꞌ. Niꞌcoꞌ. Nonënpoaꞌ nisha nisha yaꞌhuëtërin. Motënpoari yaꞌipi camairin noya sacatacaiso marëꞌ. Inapochachin imarëhuasopitantaꞌ Quisocristoíchin noya camairinpoaꞌ. Achinirinpoaꞌ soꞌsorëso pochin nicacaso marëꞌ. Ina pochin nicacasoꞌ Yosë nohuantërin.

Colosenses 3:18

Canpitasoꞌ imoyaroꞌsaꞌ, soꞌyamaꞌ natëcoꞌ. Sinioro Quisocristo imaramaꞌ niꞌton, natëcasoꞌ yaꞌhuërin.

1 Pedro 3:1

Sanapiꞌsantaꞌ soꞌyahuachinaꞌ, soꞌinaꞌ natëinaꞌ. Aꞌnaquën quëmapiꞌsaꞌ co Yosë nanamën natëyátërapihuëꞌ. Inahuantaꞌ imacaiso marëꞌ soꞌinaꞌ noya natëinaꞌ. Noya nocomaꞌinaꞌ. Ama aꞌna quëmapi tëhuainasohuëꞌ. Yosë yonquiatonaꞌ, noya niinaꞌ. Noyasáchin nipachin, ina nicaton, soꞌiontaꞌ oshaquëran imapon nimara. Co saꞌini pënënpirinhuëꞌ, noya nininso marëꞌ: “Noya nanan imasarin,” tapon inantaꞌ.