1 Corintios 11:28 - Chayahuita (Shahui)

²⁸ Napoaton canpitaora yonquinëma quëran noꞌtëquën yonquicoꞌ. Piꞌpisha tërantaꞌ co noyahuëꞌ yonquihuatamaꞌ, naniantocoꞌ. Noyapiachinsáchin cancantatomaꞌ, caꞌcoꞌ, oꞌocoꞌ.

1 Corintios 11:28 ပူးပေါင်းရင်းမြစ်များ

Mateo 26:22

Natanahuatonaꞌ, sëtopi. Sëtatonaꞌ, aꞌnaya aꞌnayari Quisoso natanpi. —¿Incoitaꞌ Sinioro, yashaꞌhuirapirainquën? ¿Co cahuëꞌ nimara ti? itopi aꞌnaya aꞌnayari.

1 Corintios 11:29

Quisoso chimininsoꞌ noꞌtëquën yonquicasoꞌ yaꞌhuërin. Topinan quëran caꞌpatamaꞌ, topinan quëran oꞌopatamaꞌ, naꞌcon oshahuanaramaꞌ. Ina marëꞌ Yosë anaꞌintarinquëmaꞌ.

1 Corintios 11:31

Yaꞌipi cancanënpoa quëran huarëꞌ nitantiacasoꞌ yaꞌhuërin niꞌton, yonquiaꞌahuaꞌ. Co noyahuëꞌ yonquirëhuasopita naniantohuatëhuaꞌ, co Yosë anaꞌintarinpoahuëꞌ.

2 Corintios 13:5

Canpitaso nipirinhuëꞌ nitantiacoꞌ. Canpitaora yonquinëma quëran yonquicoꞌ. Aꞌnaquëmaꞌ co cancanëma quëran huarëꞌ imashatëraramahuëꞌ nimara. Yaꞌipi cancanëma quëran imapatamaꞌ, Quisocristo yaꞌcoancantërinquëmaꞌ. ¿Co ina nitotëramahuëꞌ ti? Aꞌnaquëmaso nipirinhuëꞌ co tëhuënchachin imamaranquëmahuëꞌ.

Gálatas 6:4

Ama aꞌnapita napopisoꞌ nicatomaꞌ, nitantiacosohuëꞌ. Quëmaora naporanso yonquiaton, nitantiaquëꞌ. Noya cancantohuatan, Yosë noya niꞌsarinquën. Ina quëran “Yosë noya niꞌsarinco,” taꞌton, capa cancantaran.