1 Corintios 11:22 - Chayahuita (Shahui)

²² ¿Coꞌna pëinëmaꞌ yaꞌhuëtërinquëmahuëꞌ inaquë coshatamasoꞌ, oꞌocamasoꞌ? ¿Onpoatontaꞌ corto pëiquë chachin pahuantërinsopita atapanaramaꞌ? ¿Maꞌtaꞌ ina marëꞌ ichinquëmaꞌ? Co ina marëꞌ noya niꞌnanquëmahuëꞌ.

1 Corintios 11:22 ပူးပေါင်းရင်းမြစ်များ

Hechos 20:28

Canpitantaꞌ niꞌcona piꞌpian tërantaꞌ Yosë naniantotamaꞌ. Quisoso imapisopitantaꞌ noya niꞌcoꞌ. Ispirito Santo nani acorinquëmaꞌ huaꞌanën pochin nicacamaso marëꞌ. Inapitantaꞌ Yosë huëntonënquë yaꞌconpi. Quisoso chiminaton, ayaꞌconinpoaꞌ.

1 Corintios 10:32

Ama insontaꞌ anishacancantocosohuëꞌ. Cotioroꞌsaꞌ, nisha piyapiꞌsaꞌ, Quisocristo imapisopita, yaꞌipiya nosorocasoꞌ yaꞌhuërin.

1 Corintios 11:17

Niyontonpatamaꞌ iyaroꞌsaꞌ, noya nicacasoꞌ yaꞌhuëpirinhuëꞌ, aꞌnaquëmaꞌ co noyahuëꞌ ninamaꞌ. Co ina marëꞌ noya niꞌnanquëmahuëꞌ. Napoaton pënënaranquëmaꞌ.

1 Corintios 11:2

Ma noyanquëmaꞌ iyaroꞌsaꞌ niꞌton, naꞌcon yonquiramaco. Yosë nanamën aꞌchintohuatënquëmara, noya natëramaco.

1 Corintios 11:34

Aꞌnaquën tanahuachinaꞌ, inahuara pëinënaquë coshachinaꞌ. Ina quëran noya niyontonpatamaꞌ, co Yosë anaꞌintarinquëmahuëꞌ. Aꞌna tahuëri paꞌsarahuë nicaponquëmaꞌ. Naporoꞌ naꞌcon naꞌcon aꞌchinchinquëmaꞌ.

1 Corintios 15:9

Imapisopita aparisitërahuë niꞌton, co acoincosoꞌ yaꞌhuërinhuëꞌ, topirahuëꞌ. Paꞌpi co noyahuëꞌ cancantopirahuëꞌ, anoyacancantatonco, acorinco paato aꞌchinaꞌhuaso marëꞌ.

1 Timoteo 3:5

Co huiꞌninpita tërantaꞌ pënënpachinhuëꞌ, aꞌnapitarinta co yanatëponhuëꞌ. Napoaton co nanitërinhuë Yosë imapisopita noya catahuacasoꞌ.