1 Corintios 11:17 - Chayahuita (Shahui)

¹⁷ Niyontonpatamaꞌ iyaroꞌsaꞌ, noya nicacasoꞌ yaꞌhuëpirinhuëꞌ, aꞌnaquëmaꞌ co noyahuëꞌ ninamaꞌ. Co ina marëꞌ noya niꞌnanquëmahuëꞌ. Napoaton pënënaranquëmaꞌ.

1 Corintios 11:17 ပူးပေါင်းရင်းမြစ်များ

Proverbios 27:5

Tëhuënchachin nosorohuachinquënsoꞌ, pënënatënquën co canitarinquënhuëꞌ.

Levítico 19:17

Aꞌna piyapi tëhuëtohuachinquën, ama cancanën quëran noꞌhuiráquësohuëꞌ. Aꞌna piyapi tëhuëhuachin, noꞌtëquën pënënamaso yaꞌhuërin. Co pënënpatanhuëꞌ, quëmarinta catahuaran oshahuanacasoꞌ.

Romanos 13:3

Noya nipatamaꞌ, co huaꞌanoꞌsaꞌ noꞌhuiarinënquëmahuëꞌ. Co natëhuatamahuëꞌ, noꞌhuiarinënquëmaꞌ niꞌton, tëꞌhuatacasoꞌ yaꞌhuërin. ¿Nohuantëramaꞌ huaꞌanoꞌsaꞌ noya nicainënquëmasoꞌ? Noya nicoꞌ nipachin noya niꞌinënquëmaꞌ.

1 Corintios 11:2

Ma noyanquëmaꞌ iyaroꞌsaꞌ niꞌton, naꞌcon yonquiramaco. Yosë nanamën aꞌchintohuatënquëmara, noya natëramaco.

1 Corintios 11:20

Quisocristo yonquicaso marëꞌ niyontonatomaꞌ, coshatapomarahuëꞌ, co tëhuënchachin chimininsoꞌ yonquiramahuëꞌ.

1 Corintios 11:22

¿Coꞌna pëinëmaꞌ yaꞌhuëtërinquëmahuëꞌ inaquë coshatamasoꞌ, oꞌocamasoꞌ? ¿Onpoatontaꞌ corto pëiquë chachin pahuantërinsopita atapanaramaꞌ? ¿Maꞌtaꞌ ina marëꞌ ichinquëmaꞌ? Co ina marëꞌ noya niꞌnanquëmahuëꞌ.

1 Corintios 11:34

Aꞌnaquën tanahuachinaꞌ, inahuara pëinënaquë coshachinaꞌ. Ina quëran noya niyontonpatamaꞌ, co Yosë anaꞌintarinquëmahuëꞌ. Aꞌna tahuëri paꞌsarahuë nicaponquëmaꞌ. Naporoꞌ naꞌcon naꞌcon aꞌchinchinquëmaꞌ.

1 Corintios 14:23

Yosë chinotacaso marëꞌ niyontonëhuaquë, aꞌnaquën co Yosë imanaꞌpiroꞌsahuëntaꞌ yaꞌconpi. Nisha nananquërachin nonpatamaꞌ, co natanatonaraihuëꞌ: “Huaꞌyantomaraiꞌ,” taponaꞌ.

1 Corintios 14:26

Napoaton iyaroꞌsaꞌ niyontonpatamaꞌ, noyasáchin yonquicoꞌ. Aꞌnaquëmaꞌ cantaramaꞌ. Aꞌnaquëmaꞌ Yosë nanamën aꞌchinaramaꞌ. Aꞌnaquëmaꞌ Yosë anitotërinquëmasoꞌ shaꞌhuitaramaꞌ. Aꞌnaquëmantaꞌ nisha nananquë nonpiso pochin nonsaramaꞌ. Ina piquëran aꞌnaquëmasoꞌ maꞌsona tapon nonamasoꞌ canpita nananquë shaꞌhuitaramaꞌ. Maꞌsona tërantaꞌ nipatamaꞌ, nicatahuacoꞌ yaꞌipinquëmaꞌ noya noya imacamaso marëꞌ.

Hebreos 10:25

Aꞌnaquën co huachi niyontonpihuëꞌ Yosë chinotacaiso marëꞌ. Ama inapita pochin cancantahuasohuëꞌ. Sinioro oꞌmacasoꞌ tahuëri naniriarin niꞌton, niyontonatëhuaꞌ, naꞌcon naꞌcon nicatahuahuaꞌ chiníquën cancantacaso marëꞌ.

1 Pedro 2:14

Ninano huaꞌanoꞌsaꞌ, chirinchiroꞌsaꞌ, sontaroꞌsaꞌ, ponisiaroꞌsaꞌ, inapita acorin piyapiꞌsaꞌ aꞌpaicaiso marëꞌ. Co noyahuëꞌ nipachinaꞌ, anaꞌintapi. Noya nipachinaꞌ, noya niꞌsapi. Inapitantaꞌ natëcoꞌ.