1 Corintios 11:11 - Chayahuita (Shahui)

¹¹ Napoaponahuëꞌ, Yosë napopináchin nosororinpoaꞌ. Co quëmapiꞌsaráchin nohuantërinhuëꞌ. Sanapiꞌsantaꞌ nohuantërin. Quisocristo imapatëhuaꞌ, napopináchin niꞌninpoaꞌ.

1 Corintios 11:11 ပူးပေါင်းရင်းမြစ်များ

1 Corintios 11:10

Napoaton quëmapiꞌsaꞌ chini chiníquën nanantopi. Sanapiꞌsasoꞌ soꞌinaꞌ natëinaꞌ. Natëtonaꞌ, motënaꞌ niimomotochinaꞌ. Napohuachinaꞌ, soꞌinaꞌ natëpi niꞌton, anquëniroꞌsarintaꞌ noya niꞌsapi.

1 Corintios 11:12

Yaꞌipinpoaꞌ Yosë nininpoaꞌ. Quëmapiꞌton nisahuaton, quëmapi nininpitën quëran sanapi ninin. Naporo quëran huarëꞌ quëmapinpoantaꞌ sanapiꞌsa quëran nasitërëhuaꞌ. Yosë nohuanton naporin.

Gálatas 3:28

Yosësoꞌ co nisha nisha yonquirinpoahuëꞌ. Aꞌnaquënpoaꞌ cotio piyapinpoaꞌ, aꞌnaquëontaꞌ nisha piyapiꞌsaꞌ. Aꞌnaquëontaꞌ patronoꞌsaꞌ, aꞌnaquënsoꞌ piyapinënpita. Aꞌnaquën sanapiꞌsaꞌ, aꞌnaquënpoaꞌ quëmapinpoaꞌ nipirëhuahuëꞌ, yaꞌipinpoaꞌ Quisocristo imapatëhuaꞌ, aꞌna huëntoínchin pochin ninëhuaꞌ.