1 Corintios 11:10 - Chayahuita (Shahui)

¹⁰ Napoaton quëmapiꞌsaꞌ chini chiníquën nanantopi. Sanapiꞌsasoꞌ soꞌinaꞌ natëinaꞌ. Natëtonaꞌ, motënaꞌ niimomotochinaꞌ. Napohuachinaꞌ, soꞌinaꞌ natëpi niꞌton, anquëniroꞌsarintaꞌ noya niꞌsapi.

1 Corintios 11:10 ပူးပေါင်းရင်းမြစ်များ

Génesis 20:16

Sarantaꞌ, itapon: —Niꞌquë imoya, yoꞌyo masho huaranca coriqui prata quëran nininsoꞌ quëtërahuë. Yaꞌipiya quëran co tëhuëransohuëꞌ nitotacaiso marëꞌ ina nápo quëtarahuë. Co insonta pinoinquënso yaꞌhuërinhuëꞌ.

Mateo 18:10

Ina quëran Quisosori itaantarin: “Ama aꞌna huaꞌhuasha tërantaꞌ nocancosohuëꞌ. Inahuantaꞌ Yosëri nosororin. Nani anquëniroꞌsaꞌ shaꞌhuitërin aꞌnaya aꞌnaya aꞌpaicaiso marëꞌ. Tata Yosëꞌpaꞌ yaꞌhuatonaꞌ, Yosë nontapi. [

1 Corintios 11:11

Napoaponahuëꞌ, Yosë napopináchin nosororinpoaꞌ. Co quëmapiꞌsaráchin nohuantërinhuëꞌ. Sanapiꞌsantaꞌ nohuantërin. Quisocristo imapatëhuaꞌ, napopináchin niꞌninpoaꞌ.

1 Corintios 11:9

Quëmapiꞌton ninin. Ina piquëran sanapi ninin soꞌin catahuacaso marëꞌ.

Hebreos 1:14

Inapitasoꞌ inpriatonënpita pochin niꞌton, Yosëri camairin. Aꞌpaimarin imarëhuasopita catahuainpoaso marëꞌ. Yosë chachin nichaꞌësarinpoaꞌ. Nani ina nitotëramaꞌ.