1 Corintios 10:28 - Chayahuita (Shahui)

²⁸ Nipirinhuëꞌ, aꞌna piyapi shaꞌhuitohuachinquëmaꞌ, “Iso nosha mamanshi chinotacaso marëꞌ acopisoꞌ,” itohuachinquëmaꞌ, ama caꞌcosohuëꞌ. Shaꞌhuitërinquëmasoꞌ nosoroatomaꞌ, ama caꞌcosohuëꞌ.

1 Corintios 10:28 ပူးပေါင်းရင်းမြစ်များ

Salmos 115:16

Siniorosoꞌ, piꞌiroꞌtë huaꞌanëntërin. Isoroꞌpaso nipirinhuëꞌ, piyapinpoa ahuaꞌanëntërinpoaꞌ.

Salmos 24:1

Yaꞌipi isoroꞌpasoꞌ, Siniorori huaꞌanëntërin. Yaꞌipi yaꞌhuërinsopitarë chachin huaꞌanëntërin.

Romanos 14:15

Isontaꞌ yonquicoꞌ. Aꞌnaquëmaꞌ yaꞌipi cosharoꞌ noya caꞌnamaꞌ. Aꞌnaquënso nipirinhuëꞌ co nosha caꞌpihuëꞌ. “Huëcoꞌ ina caꞌahuaꞌ,” itohuatamaꞌ, co noyahuëꞌ cancantaponaꞌ nimara. “Co noyahuëꞌ capacasoꞌ,” taponaraihuëꞌ, caꞌpachinaꞌ, co huachi noyahuëꞌ cancantapi. Napoaton inapita nosoroatomaꞌ, ama napotocosohuëꞌ. Ama cosharoachin yonquiatomaꞌ, aꞌnapita anishacancantocosohuëꞌ. Inapita marëntaꞌ Quisocristo chiminin.

1 Corintios 10:26

Tata Yosëri yaꞌipiroꞌpaꞌ ninin. Yaꞌipi maꞌsharoꞌsantaꞌ noya ninin.

1 Corintios 8:7

Napoaponahuëꞌ, aꞌnaquënsoꞌ co ina nitochátërapihuëꞌ. Iráca mamanshi chinotopirinahuëꞌ, Quisocristo imapachinara, mamanshi aꞌpopi. Aꞌpopirinahuëꞌ, ipora huantaꞌ co cancanëna quëran natëyátërapihuëꞌ. “Nosha mamanshi marëꞌ tëpapisoꞌ caꞌpatëhuaꞌ, mamanshi chachin chinotarëhuaꞌ,” taponaraihuëꞌ caꞌpachinaꞌ: “Oshahuanëhuaꞌ,” taꞌtonaꞌ, co huachi noyápiachin cancantopihuëꞌ.

1 Corintios 8:9

Nipirinhuëꞌ, yaꞌipi nosha caꞌpatamaꞌ, niꞌcona aꞌnapita anishacancantotamaꞌ. Aꞌnaquën imasapirinahuëꞌ, co Quisocristoíchin natëyátërapihuëꞌ. Nisha nisha tëꞌhuatapi.

Deuteronomio 10:14

Sinioronënpoasoꞌ Yosë niꞌton, yaꞌipi piꞌiroꞌtë huaꞌanëntërin. Yaꞌipi inaquë yaꞌhuërinsopitanta huaꞌanëntërin. Isoroꞌpanta nisahuaton, yaꞌipi yaꞌhuërinsopitarë chachin huaꞌanëntërin.