1 Corintios 10:27 - Chayahuita (Shahui)

²⁷ Aꞌna tahuëri coshatapataramaꞌ. Co imarinsohuëꞌ amatohuachinquëmaꞌ, nohuantohuatamaꞌ pacoꞌ. Nosha acotohuachinënquëmaꞌ, “Mamanshi marëꞌ acopisoꞌ nimara,” ama tapomarahuëꞌ, caꞌcoꞌ.

1 Corintios 10:27 ပူးပေါင်းရင်းမြစ်များ

Lucas 15:23

Ina quëran toroaꞌhua amoshin nininsoꞌ maꞌtomaꞌ, tëpacoꞌ caꞌahuaꞌ. Capa cancantatëhuaꞌ, pita niahuaꞌ.

Lucas 19:7

Piyapiꞌsari quënanahuatonaꞌ, ninontapi. “¿Onpoatontaꞌ oshahuan pëinënquë yacahuatonin?” nitopi.

1 Corintios 10:25

Nosha mircatoquë yaꞌhuëhuachin, paꞌanatomaꞌ, caꞌcoꞌ. Ama mantaꞌ natantapomarahuëꞌ, caꞌcoꞌ. “¿Mamanshi chinotopiso pëiquë maꞌpatëran?” ama itocosohuëꞌ. Ama nisha nisha yonquiapomarahuëꞌ, caꞌcoꞌ.

2 Corintios 1:13

Noꞌtëquënáchin ninshitërainquëmaꞌ. Co nisha nisha yonquiraihuëꞌ. Co yanonpintërainquëmahuëꞌ. Iso quirica nontohuatamaꞌ, yonquiraiso chachin nitotaramaꞌ. Oshaquëran yaꞌipi nitotarama huachi, tënahuë.

2 Corintios 4:2

Aꞌnaquënsoꞌ co noyahuëꞌ yonquiatonaꞌ, aꞌchinapi. Noyasha nonpirinahuëꞌ, nonpinacaiso marëꞌ napopi. Quiyaso nipirinhuëꞌ co mantaꞌ poꞌoana quëran ninaihuëꞌ niꞌton, co tapanaꞌhuaisoꞌ yaꞌhuërinhuëꞌ. Co nisha nisha aꞌchinaihuëꞌ. Yaꞌipi Yosë nanamën noꞌtëquën aꞌchintarainquëmaꞌ. Yosë niꞌsárincoi niꞌton, inasáchin aꞌchinarai. Aꞌninquëchin aꞌchinai yaꞌipi piyapiꞌsaꞌ yonquicaiso marëꞌ.

2 Corintios 5:11

Napoaton Yosë tëꞌhuatacasoꞌ yaꞌhuërin. Ina yonquiatoi, yaꞌipi piyapiꞌsaꞌ pënënárai. Co piꞌpian tërantaꞌ nonpintërainquëmahuëꞌ. Yosë niꞌsárincoi niꞌtoi, noꞌtëquën nontërainquëmaꞌ. Noya ninaisoꞌ canpitantaꞌ nitotëramaꞌ, topiraihuëꞌ.