1 Corintios 10:25 - Chayahuita (Shahui)

²⁵ Nosha mircatoquë yaꞌhuëhuachin, paꞌanatomaꞌ, caꞌcoꞌ. Ama mantaꞌ natantapomarahuëꞌ, caꞌcoꞌ. “¿Mamanshi chinotopiso pëiquë maꞌpatëran?” ama itocosohuëꞌ. Ama nisha nisha yonquiapomarahuëꞌ, caꞌcoꞌ.

1 Corintios 10:25 ပူးပေါင်းရင်းမြစ်များ

Hechos 10:15

—Noya capacasoꞌ, itëranquën niꞌton, ama quëmari “sopai” itëquësohuëꞌ. Co huachi tananpitacasoꞌ yaꞌhuërinhuëꞌ, itërin.

Romanos 13:5

Napoaton huaꞌanoꞌsaꞌ natëcoꞌ anaꞌintochinënquëmaꞌ. Isontaꞌ yonquicasoꞌ yaꞌhuërin: “Yosëri acorin natëcaso marëꞌ,” taꞌtomaꞌ, natëcoꞌ.

Romanos 14:14

Yaꞌipi cosharoꞌ noya capacasoꞌ. Co mantaꞌ aꞌpocasoꞌ yaꞌhuërinhuëꞌ. Sinioro Quisoso imato, naporahuë. Napoaton nitotërahuë. Aꞌnaquënso nipirinhuëꞌ: “Co Yosë nohuantërinhuëꞌ nosha capacasoꞌ,” taponaraihuëꞌ, caꞌpachinaꞌ, tëhuënchachin oshahuanpi.

1 Corintios 8:7

Napoaponahuëꞌ, aꞌnaquënsoꞌ co ina nitochátërapihuëꞌ. Iráca mamanshi chinotopirinahuëꞌ, Quisocristo imapachinara, mamanshi aꞌpopi. Aꞌpopirinahuëꞌ, ipora huantaꞌ co cancanëna quëran natëyátërapihuëꞌ. “Nosha mamanshi marëꞌ tëpapisoꞌ caꞌpatëhuaꞌ, mamanshi chachin chinotarëhuaꞌ,” taponaraihuëꞌ caꞌpachinaꞌ: “Oshahuanëhuaꞌ,” taꞌtonaꞌ, co huachi noyápiachin cancantopihuëꞌ.

1 Timoteo 4:4

Yaꞌipi maꞌsha Yosëri ninin. Napoaton nóya. Co mantaꞌ aꞌpocasoꞌ yaꞌhuërinhuëꞌ. “Yosparinquën, Sinioro,” itatëhuaꞌ, yaꞌipiya noya caparihuaꞌ.

Tito 1:15

Noyápiachin cancantohuatëhuaꞌ, yaꞌipiya noya yonquiarëhuaꞌ. Aꞌnaquënso nipirinhuëꞌ co yaimapihuëꞌ. Taparosáchin yonquipi. Co noyahuëꞌ cancantohuachinara, nisha nisha yonquipi. Noꞌtën nanan nitotaponaraihuëꞌ, co yanatëpihuëꞌ. Napoaton co huachi noꞌtëquën yonquipihuëꞌ. Nitapicancanatonaꞌ, co huachi nanitopihuëꞌ noya yonquicaisoꞌ.