1 Corintios 10:18 - Chayahuita (Shahui)

¹⁸ Israiroꞌsaꞌ napopisontaꞌ yonquicoꞌ. Maꞌsha Yosë chinotacaso marëꞌ tëparahuatonaꞌ, ahuiquitopi. Piꞌpian nosha acopisoꞌ caꞌpi. Yosë yonquiatonaꞌ, coshatopi. Inapoatonaꞌ, Yosë chinotopi.

1 Corintios 10:18 ပူးပေါင်းရင်းမြစ်များ

Romanos 1:3

“Huiꞌnahuë aꞌpaimarahuë,” tënin Yosë. Napoaton Quisocristo isoroꞌpaquë oꞌmarahuaton, piyapi chachin nasitimarin. Tapi shiin inasoꞌ.

Romanos 4:1

Apraan naporinsoꞌ shaꞌhuichinquëmaꞌ. Inasoꞌ shimashonënpoaꞌ. ¿Onporahuatontaꞌ Yosëri noya niꞌnin?

Romanos 4:12

Cotioroꞌsantaꞌ Apraan pochin natëtohuachinara, huiꞌninpita pochin nipi antaꞌ. Co marca niacotopiso marëꞌ noya cancantopihuëꞌ. Coꞌhuara marca niacochatërasohuëꞌ, Apraansoꞌ natëtërin. Aꞌnapitantaꞌ ina pochin cancantohuachinara, Yosëri noya niꞌsarin.

1 Corintios 9:13

Iráca aꞌnaquën Yosë chinotopiso pëiquë sacatohuachinara, inaquë chachin coshatopi. Maꞌsha Yosë chinotacaiso marëꞌ tëpahuachinara, patoma caꞌpi. Topinan quëtohuachinara, noya caꞌpi. Nani ina nitotëramaꞌ.

Gálatas 6:16

Nani noꞌtëquën aꞌchintëranquëmaꞌ. Ina imapatamaꞌ, Yosë piyapinën chachin nisaramaꞌ. Yosë nosoroatënquëmaꞌ, noya catahuainquëmaꞌ. Asanocancainquëmaꞌ, tënahuë.

Deuteronomio 12:17

Trico, huino, tomaꞌ, inapita quëran diesmo ocoicoꞌ. Ohuacaꞌ, ohuica, inapitanta yaꞌnan huaꞌhuatopisoꞌ, inapotocoꞌ. Maꞌsona tëranta Sinioro quëtamasoꞌ shaꞌhuitohuatamaꞌ, ocoicoꞌ. Canpitaora nohuanton yaquëtëramasonta inapotocoꞌ. Inapita ocoiramasoꞌ, co yaꞌhuëramaquë capamaso yaꞌhuërinhuëꞌ.

Hebreos 13:10

Quisocristo corosëquë chiminaton, oshanënpoaꞌ inquitërinpoaꞌ. Iráca pënëntërinso imapisopitaso nipirinhuëꞌ, co ina natëpihuëꞌ niꞌton, co oshanënaꞌ inquitërinhuëꞌ. Iráca corto huaꞌanoꞌsaꞌ piyapiꞌsaꞌ oshanëna marëꞌ maꞌsha tëpapi. Tëpahuachinara, corto huaꞌan chini chiníquën nanantërinsoari maꞌsha tëpapisoꞌ huënainën manin. Masahuaton, Yosë yaꞌnorinsoꞌ patoanaquë quëparin oshanëna marëꞌ. Noshinënso nipirinhuëꞌ co caꞌpihuëꞌ. Ninanoꞌ intonquë quëpapi ahuiquitacaiso marëꞌ.