1 Corintios 10:12 - Chayahuita (Shahui)

¹² Aꞌnaya aꞌnayanquëmaꞌ niꞌcona oshahuantamaꞌ. “Casoꞌ noya piyapico. Co onporontaꞌ Yosë aꞌpoarahuëꞌ,” ama tocosohuëꞌ.

1 Corintios 10:12 ပူးပေါင်းရင်းမြစ်များ

Lucas 8:18

Napoaton noya natancoꞌ. Noya natëhuatamaꞌ, naꞌcon naꞌcon nitotarama. Aꞌnaquënso nipirinhuëꞌ, ‘Nani nitotërahuë,’ topirinahuëꞌ, co yanatëpihuëꞌ niꞌton, piꞌpian tërantaꞌ nitotopisoꞌ Yosëri ananiantarin,” itërin.

Romanos 11:20

Yosëri tananpitërin mini. Nipirinhuëꞌ, co ina marëꞌ tananpitërinhuëꞌ. Co Quisocristo nohuantopihuëꞌ niꞌton, tananpitërin. Canpitantaꞌ imaramaꞌ niꞌton, noya niꞌninquëmaꞌ. Napoaton ama inapita nocancosohuëꞌ. Niꞌcona canpitantaꞌ Quisocristo naniantotamaꞌ.

1 Corintios 8:2

Aꞌnaquënsoꞌ: “Yaꞌipi nitotërai” topirinahuëꞌ, naꞌcon pahuantarin noꞌtëquën yonquicaisoꞌ.

Colosenses 2:8

Aꞌnaquënso nipirinhuëꞌ nisha aꞌchinpi. Niꞌcona oshaquëran anishacancantochinquëmaꞌ. Nonpin nanan inahuara yonquipisoꞌ aꞌchinapi. Piyapiꞌsaꞌ yonquipisoráchin imasapi. Quisocristo aꞌchininsoꞌ co imapihuëꞌ. Nisha nisha isoroꞌpaquë chiníquën nanantopisopita yonquiatonaꞌ, nisha pënëntapi. Yaocoirinënquëmaꞌ. Canpitaso nipirinhuëꞌ ama inapita natëcosohuëꞌ.

2 Pedro 3:17

Napoaton iyaroꞌsaꞌ nani pënënanquëmaꞌ niꞌton, niꞌcona nonpintochinënquëmaꞌ. Iporasoꞌ noya yonquipiramahuëꞌ. Co noyahuëꞌ nipisopita yanonpintarinënquëmaꞌ inapita pochin nisha nisha cancantacamaso marëꞌ.