1 Corintios 10:1 - Chayahuita (Shahui)

¹ Iráca napopisopita iyaroꞌsaꞌ, yonquicoꞌ. Iráca cotio mashocoroꞌsaꞌ Iquipito quëran pipirahuatonaꞌ, Moisësë imapi. Yosë nohuanton, chitoroꞌ yaꞌnorin imacaiso marëꞌ. Naporahuatonaꞌ, Quëhuaiꞌ marë pëntonahuatonaꞌ, yaꞌipiya chaꞌëpi.

1 Corintios 10:1 ပူးပေါင်းရင်းမြစ်များ

Salmos 105:39

Panca chitoroquë yaꞌcopiatë pochin Yosëri piyapinënpita nitërin. Tashinta aꞌpintacaso marëꞌ ina chitoro chachin pën pochin acorin. Nosha nohuantohuachinara, ocoron pochin nininsoꞌ, huaꞌhuayátërahuë aꞌpatiirin.

Salmos 66:6

Marë pancaiꞌ nipirinhuëꞌ, ayanirin. Iinta ayanipachina, noꞌpaꞌ paꞌtatonaꞌ, shimashonënpoapita pëntonpi. Inaquëpita Yosë yonquiatona capa cancantopi.

Éxodo 14:29

Israiroꞌsaso nipirinhuëꞌ, noya pëntonpi. Ahuënan quëran inchinan quëran iꞌ paira pochin ninin niꞌton, inataquëchin noya pëntonpi.

Éxodo 40:34

Nani yaꞌipi tënihuachinara, chitorori Yosë chinotacaso marëꞌ nëꞌmëtë pëi ótënpisoꞌ, imotërin huachi. Yosë huënaratërinsontaꞌ, ina acoana noyá aꞌpintërin.

Números 14:14

Ina nitotatonaꞌ, Canaan parti yaꞌhuëꞌpisopita shaꞌhuitaponaꞌ. Inahua chachionta nani natantopi yaꞌhuërai huáncana yaꞌhuëransoꞌ. Piyapi capini ninontopiso pochin ninontërësontaꞌ, nitotopi. Paꞌpatoira naporopi chitoroquë quëchitëransonta nani nitotopi. Tashinta nipachina, ina chitoro chachin pën pochin huënaratërinsoꞌ, inanta nitotopi.

Juan 4:20

Shimashonëhuëipita paso motopiquë Yosë chinotopi. Yaꞌhuërë cotioroꞌsanquëmasoꞌ: “Quirosarinquëráchin Yosë chinotacasoꞌ yaꞌhuërin,” tënamaꞌ, itërin.

Romanos 1:13

Tëhuënchachin iyaroꞌsaꞌ, iráca quëran huarëꞌ nicapënquëmaꞌ yapaꞌpirahuëꞌ. Ipora huantaꞌ co nanitërahuëꞌ pacaꞌhuasoꞌ. Nisha nisha parti aꞌchinpatëra, piyapiꞌsaꞌ natëtonaꞌ, Quisocristo imasapi. Canpitantaꞌ yaaꞌchintëranquëmaꞌ noya noya imacamaso marëꞌ.

Romanos 11:21

Israiroꞌsaꞌton piyapinënpita pochin niꞌpirinhuëꞌ, anaꞌintërin. Quisocristo naniantohuatamaꞌ, anaꞌintarinquëmaꞌ canpitantaꞌ.

Romanos 4:11

Yosë natërin niꞌton, inari noya niꞌnin. Coꞌhuara marca niacochatërasohuëꞌ, piyapinën pochachin niꞌnin. Ina piquëran marca niacotërin imarinsoꞌ anitotacaso marëꞌ. “Noꞌtëquën nontërinco,” topachina, noya niꞌnin. Nisha piyapiꞌsantaꞌ ina pochachin natëtohuachinara, Apraan pochin cancantopi. Co marca niacotopirinahuëꞌ, Apraan huiꞌninpita pochin nipi.

1 Corintios 12:1

Apira Ispirito Santo naporinsoꞌ iyaroꞌsaꞌ, aꞌchinchinquëmaꞌ noꞌtëquën nitotacamaso marëꞌ. Ina tëhuënchachin catahuarinpoaꞌ nohuantërinsoꞌ nicacasoꞌ. Aꞌnaya aꞌnayanpoaꞌ catahuarinpoaꞌ.

1 Corintios 14:38

Nisha aꞌchintohuachinënquëmaꞌ, ama natëtocosohuëꞌ, tënahuë.

Gálatas 3:29

Quisocristo imapatëhuaꞌ, Apraan shinpitanpoaꞌ ninëhuaꞌ canpoantaꞌ. Apraan shaꞌhuitërinso pochachin naꞌcon catahuarinpoaꞌ.

Hebreos 11:29

Ina quëran yaꞌipi israiroꞌsaꞌ Yosë natëtonaꞌ, noya pipipi. “Yosë catahuarinpoaꞌ,” taꞌtonaꞌ, Quëhuai marë aquëtëran paꞌpi. Pancaiꞌ niponahuëꞌ, Yosë nohuanton, aꞌnaroáchin nipatomairin niꞌton, panca ira pochin yaniro yaꞌnorin. Ina paꞌtatona pëntonpi. Iquipito sontaroꞌsaso nipirinhuëꞌ co nanitopihuëꞌ pëntonacaisoꞌ. Imatapirinahuëꞌ, iiri imotërin niꞌton, chimiitopi.