1 Corintios 1:31 - Chayahuita (Shahui)

³¹ “ ‘Ma noyacha Yosësoꞌ niꞌton, anoyacancantërinpoa paya,’ nitahuaꞌ. ‘Quiyasoꞌ noya noyacoi,’ ama tocosohuëꞌ,” tënin Yosë quiricanënquë.

1 Corintios 1:31 ပူးပေါင်းရင်းမြစ်များ

Salmos 105:3

Inasoꞌ, noyasáchin ninin. Ina imarëhua niꞌton, nipaꞌyatahuaꞌ. Yaꞌipi Sinioro chinotërëhuasopita, capa cancantahuaꞌ.

Salmos 34:2

Sinioro imato: “¡Ma noyacha ninahuë paya!” tënahuë. Sano piyapiroꞌsa natanpachinara, capa cancanchinaꞌ.

Isaías 41:16

Trico pintiarëso pochin nitohuatamaꞌ, panca ihuani quiquirinso pochin yaꞌipi inimiconëmapita ataꞌhuantapomaꞌ. Canpitaso napoaponahuëꞌ, Sinioro yonquiatoma capa cancantaramaꞌ. Naporahuatomaꞌ: ‘Ma noyacha Sinioro imarai paya,’ tosaramaꞌ. Caso noyasáchin ninahuë niꞌton, Israiro chinotërinco.

Isaías 45:25

Israiroꞌsasoꞌ cari catahuarahuë niꞌton, noꞌtëquën yonquiaponaꞌ: ‘¡Ma noyacha Sinioro imatëhua naporëhua paya!’ tëcaponaꞌ,” tënin.

Romanos 4:2

Apraan inaora co nanitërinhuëꞌ noꞌtëquën Yosë natëcasoꞌ. Inaora nanitërin naporini, “Casoꞌ noyaco. Noꞌtëquën natërahuë,” chitonhuëꞌ. Napoaponahuëꞌ, co ina pochin Yosëri niꞌninhuëꞌ.

1 Corintios 4:6

Aꞌchintohuatëinquëmara iyaroꞌsaꞌ, Yosëíchin yonquirai. Aporosërëꞌcoi aꞌchintërainquëmasoꞌ ninshitëranquëmaꞌ canpitantaꞌ quiya pochin yonquicamaso marëꞌ. Yosë quiricanënáchin natëcasoꞌ yaꞌhuërin. Aꞌna quëmapi noya noya aꞌchintohuachinquëmaꞌ, ama inasáchin paꞌyatocosohuëꞌ.

2 Corintios 10:17

Yosë quiricanënquë naporin: “ ‘Noya noya ninahuë,’ co taꞌcasoꞌ yaꞌhuërinhuëꞌ. ‘Ma noyacha Yosë catahuarinco paya,’ taꞌcasoꞌ yaꞌhuërin,” tënin.

Filipenses 3:3

Yosë marcanën co nonënpoaquë niacotërëhuahuëꞌ. Cancanënpoaꞌ Yosë anoyacancantërinpoaꞌ. Cancanënpoa quëran ina chinotarëhuaꞌ. Ispirito Santo chachin catahuarinpoaꞌ noya chinotacaso marëꞌ. Co canpoara nanitërëhuahuëꞌ noya cancantacasoꞌ. Quisocristoíchin anoyacancantohuachinpoaꞌ, nichaꞌësarinpoaꞌ, tënëhuaꞌ. Napoaton canpoasoꞌ Yosë piyapinënpita ninëhuaꞌ.