1 Corintios 1:29 - Chayahuita (Shahui)

²⁹ Co insontaꞌ inaora chaꞌëponhuëꞌ. Yosëꞌpaꞌ huanihuatëhuaꞌ, co inquënpoa tërantaꞌ nanitarihuahuëꞌ: “Casoꞌ noyaco,” taꞌcasoꞌ.

1 Corintios 1:29 ပူးပေါင်းရင်းမြစ်များ

Jeremías 9:23

Sinioro chachin ina pochin shaꞌhuitërinpoaꞌ. Naquëranchin Sinioro taantapon: “Aꞌnaquëma nani maꞌsha nitotëramaꞌ. Napoapomarahuëꞌ: ‘Ma noyacha caso nitotërahuë paya,’ ama tocosohuëꞌ. Chiníquënquëma nipatamantaꞌ: ‘Ma noyacha caso chinirahuë paya,’ ama tocosohuëꞌ. Nani maꞌsha yaꞌhuëtohuachinquëmantaꞌ: ‘Ma noyacha caso nani maꞌsha yaꞌhuëtërinco paya,’ ama tocosohuëꞌ.

Romanos 15:17

Quisocristo catahuarinco niꞌton, nóya aꞌchinahuë. Napoaton noya cancantërahuë.

Romanos 3:19

Tëhuënchachin co noyahuëꞌ nicatëhuaꞌ, yaꞌipinpoaꞌ oshahuanëhuaꞌ. Yosë pënëntërinsoꞌ nitotopirëhuahuëꞌ, co natërëhuahuëꞌ niꞌton, anaꞌintinpoasoꞌ yaꞌhuërin.

Romanos 3:27

Napoaton co inso tëranta nocanacasoꞌ yaꞌhuërinhuëꞌ, tënahuë. Co pënëntërinsoꞌ natërëhuaso marëꞌ Yosë noya niꞌninpoahuëꞌ. Quisocristo naporinsoꞌ natërëhuaso marëꞌ nichaꞌërinpoaꞌ niꞌton, co aꞌnapita nocanacasoꞌ yaꞌhuërinhuëꞌ.

Romanos 4:2

Apraan inaora co nanitërinhuëꞌ noꞌtëquën Yosë natëcasoꞌ. Inaora nanitërin naporini, “Casoꞌ noyaco. Noꞌtëquën natërahuë,” chitonhuëꞌ. Napoaponahuëꞌ, co ina pochin Yosëri niꞌninhuëꞌ.

1 Corintios 1:31

“ ‘Ma noyacha Yosësoꞌ niꞌton, anoyacancantërinpoa paya,’ nitahuaꞌ. ‘Quiyasoꞌ noya noyacoi,’ ama tocosohuëꞌ,” tënin Yosë quiricanënquë.

1 Corintios 4:7

Yosë nohuanton, nisha nisha nitotërëhuaꞌ. Co canpoara nohuanton, nitotërëhuahuëꞌ. Yosëíchin catahuarinpoaꞌ noya noya nicacasoꞌ. Co catahuarinpoahuëꞌ naporini, co mantaꞌ nitochitërihuahuëꞌ. Napoaton co nocantacasoꞌ yaꞌhuërinhuëꞌ.

1 Corintios 5:6

Iporaso nipirinhuëꞌ “Nóya imarai,” topiramahuëꞌ, co yaꞌipinquëmaꞌ noya ninamahuëꞌ. Co noꞌtëquën yonquiramahuëꞌ. Niꞌcoꞌ. “Pan nipatëra, piꞌpian ahuëpocatërinsoꞌ acohuachina, yaꞌipi sëꞌcotërin,” topi. Nani ina nitotëramaꞌ. Inapochachin aꞌnayanquëma tërantaꞌ co noyahuëꞌ yonquihuatamaꞌ, yaꞌipinquëmaꞌ nitapicancanaramaꞌ.

Efesios 2:9

Co canpoara nanitërëhuahuëꞌ chaꞌëcasoꞌ. Napoaton co nocantacasoꞌ yaꞌhuërinhuëꞌ. “Casoꞌ noyaco niꞌto, Yosëꞌpaꞌ paꞌsarahuë,” co taꞌcasoꞌ yaꞌhuërinhuëꞌ.