Santiago 2:14 - Kaxinawá Bíblia (BR)

¹⁴ Ẽ betsabu inũ ẽ puibuũ, tsuabura eska hãtxamisbuki. “Ẽ Deus hiweshũkĩ pe txibãkĩ ẽ ikũwaiĩ”, ibiamisbu hakia haska Deusũ yununi ashũkĩ benimawatirubumaki, hamẽ hawẽ hãtxa bestiwẽ yuirã, hawa hawẽ ikũwaĩ kayabi shabakabi hawẽ hatu uĩmakĩ ashũamabiarã. Haska Deus ikũwaĩkiri besti hãtxamisburã, Deus anu mekei pashati hawẽ ikũwaĩ hayamaki.

Kashinawa : Diosun Jesúswen taexun yuba bena yiniki

¹⁴ En betsabu inun en puibuun, tsuabuda eska janchamisbuki. “En Dios jiwexunkin pe chibankin en ikunwaiin”, ibiamisbu jakia jaska Diosun yununi axunkin benimawatidubumaki, jamen jawen jancha bestiwen yuidan, jawa jawen ikunwain kayabi xabakabi jawen jatu uinmakin axuanmabiadan. Jaska Dios ikunwainkidi besti janchamisbudan, Dios anu mekei paxati jawen ikunwain jayamaki.

Santiago 2:14 ပူးပေါင်းရင်းမြစ်များ

Jeremias 7:8

Hamẽ parã hãtxa hawamabiakẽ hatu ikũwãkĩ mã nĩkakubaĩmisbuki,

Mateus 5:20

Haskawẽ taea Deus benimawakatsi iki fariseubu inũ Deusũ hãtxa kenenibu yusĩnanãmisbu hiwekubainaibu keska ikama pe hiwekĩ Deus benimawakĩ mã hatu binuama nai anu Deus shanẽ ibuai anu maturi mã hikitirubumaki— iwanã,

Lucas 3:11

Joãonẽ hatu yuikĩ: —Deus daewakinã, mĩ tari dabeyarã, ha nuitapai tariuma mã betsa inãtiruki. Ha inũ, mĩ pitiyarã, yura betsa piti hayama mã betsa inãtiruki— iwanã, hatu yuikubainaya

Lucas 6:49

Hamẽ hawara ẽ yuiai ea danãkĩ akama ishanaibukiri matu yuinũ nĩkakãwẽ. Tsuãra mixki hiwe wanũ, iwanã, hene kesha mai basãkĩ kini keyatapawama beshãtu bestiwatã mixki tsamabirãkĩ habebis watã hiwe warã, ea danaĩburã, ha hiwe wanikabia unaĩsmapabu keskaki. Hanua bai matahairabirãkĩ hawẽ hiwe atxia mixkiki tsamiamawẽ taea hawaira tsibuskei di imiski. Haratu mã haskamẽkaĩ? Uĩrakãwẽ— akĩ Jesusũ hatu yusĩnikiaki.

Hechos 15:9

Nukunã, nũ Jesus ikũwaĩbu Deusũ nukũ huĩti pepawamis keska wakĩ habũri Jesus ikũwaĩbu Deusũ hawa hatu danãma hawa nuku pashkakĩ betsa wama habiaskas xinã hatube nuku waikiki.

Hechos 8:13

hanushũ Simãonẽ dikabi ikũwãyã naxima Filipebe kakũkaũkĩ haska tsuã atiruma dami atimaska betsa betsapa akai uĩ Simão e ikũkainaya

Hechos 8:21

Haska inũ, mianã, mĩ xinãtxakai Deusũ unaĩwẽ taeshũ hawẽ kuxipa mĩ bitirumahairaki.

Romanos 2:25

Haska inũ, dasibi hawara Deusũ Moisés judeubũ shenipabu hatu yusĩmani habũ txibãkĩ yuikĩ: “Hawara Deusũ abuai dasibi nũ txibãkubainaii”, ikĩ matũ hina kubitxi mã meshteairã, ha txanima mã pewaii. Hakia habũ matũ hina kubitxi meshtebiatã hawara Deusũ judeubũ shenipabu yusĩni habũ mã txibãma matũ hina kubitxi hamẽ meshtekeyabia mã hawenabu kayabimaki, mã hawẽ hãtxa txibãmawẽ taearã.

1 Coríntios 16:22

Tsuabũra nukũ Shanẽ Ibu abuamarã, hau Deusũ yupunũwẽ. Nukũ Shanẽ Ibu nũ manai hawaira hau ana menã hurinũwẽ.

Gálatas 5:13

Ẽ betsabu inũ ẽ puibuũ, mã judeubũ beyauma hawama mã hiwekubainũbũ Deusũ matu katuniki. Haskai hiwekĩ matũ yura meke txakabuwama nukunabube duanamei hatube nui merabenamekubaĩkãwẽ.

Gálatas 5:6

Haska inũ, Jesus ikũwãkĩ hina kubitxi meshteaibu inũ meshteabuma hamẽ ikanikiki. Hakia Jesus Cristo ha besti ikũwaĩ nui benimai nũ haki txiti ikubainaibu besti nũ hawenabuki.

1 Tesalonicenses 1:3

Mã eskai hiwea ikũwaĩ Jesuski txiti itã, ikũwaĩ betsabube merabenaĩ bika tenebiai hawa txĩtuãma nukũ Shanẽ Ibu Jesus Cristo mã manaya nukũ Epa Deusbe hãtxakĩ matu dayuishũkĩ matukiri xinãkĩ nũ heneama ikũkainaii.

1 Timóteo 1:5

Na haskakiri xinãkĩ ẽ mia yunuairã, tsuabura hatũ huĩti detsisma pepawẽ xinãkĩ dakeama Jesus Cristo ikũ kayabi waibu hau hatuwẽ nui nũ habube abunamekubainũbũ haskabu besti ikũwaĩbu txanima hatu yusĩkubaĩwẽ.

1 Timóteo 4:8

Hunĩ hawẽ yura kuxipa wai pebiakẽ Deus hiweakiri yubakani hãtxa unãkĩ txibãkĩ hawẽ huĩti kuxipa wairã, ha binua pehairaki, natiã nũ hiwea inũ txipu uatiã Deusbe nũ hiweshanai nũ manakairã.

Tito 1:16

Haskawẽ taeshũ habũ yuikĩ: “Deus ẽ ikũwaiĩ”, ibiakĩ hamapai txakabu betsa betsapa akĩ Deusũ haska abumis akama danãmisbuki. Habunã, eska tibi wakinã, hatuki sinatakĩ tsua abuama inũ, huĩti kuxi sinarãwã hawa hatũ xinã pepamawẽ taeshũ hawara pepa wakĩ Deus ashũtirubumaki.

Tito 3:8

Na haskakiri yusĩanã, txanima kayabiki. Henekĩ betsa wama hakiri hatu yusĩkubaĩwẽ, habũ Deus ikũwaĩbu duapai hau hawẽri hamapai pepa akubainũbunã. Na hãtxa haska tibiwenã, haska hayatã dasibibube pepatirubuki.

Hebreus 11:17

Ha inũ, Abraãonẽ Deus ikũwãniwẽ taeshũ Deusũ hawẽ bake Isaquekiri yubakĩ yuikĩ: “Isaquewẽ mĩ bababu itxapa mia washũshanikiki”, abianishũ hanushũ haska ikũ ea txibaĩmẽkaĩ? ishũ unãti wa hawẽ bake Isaque Abraãonẽ Deus inãkĩ kua keyushunũ, iwanã, hawa yauxi hawẽ nuiama hawẽ bake bestitxai iyui kanikiaki.

Hebreus 13:9

Haskakẽ yusĩa betsa betsapa benawakĩ matu yusĩaĩbu hatu hawa nĩkayamakubaĩshãkãwẽ. Hamẽ nũ Deus xinãkubainaibu nukuwẽ nuikĩ merabewakĩ nuku kuxipa wamiski. Hakia habu parananãkĩ betsa kaya hatũ beya pitikiri matu yusĩkĩ bikawaibu hatu nĩkayamakãwẽ, piti beya betsakiri txibãkĩ matũ huĩti tsuã ana kuxipa watirumakirã.

Santiago 1:16

Ẽ betsabu inũ ẽ puibuũ, ẽ matuwẽ nuiairã, hau ibubis mã parananãyamanũbũ matu shabakabi yuinũ nĩkakãwẽ.

Santiago 2:16

tsuãra tari inũ piti hatu inãkĩ merabewayukatsi ikama hawa hatu merabewatikiri hawẽ xinãnẽ merabenã besũmai hatũ kesha bestiwẽ yuikĩ: “Tari pe sawetã hawara piti mã pikatsis ikai pikĩ yaniwatã unãnuma hiwekũkaĩwẽ”, iwanã, hãtxa pepa yuibiakĩ haska hatu uĩmakĩ ashũamabia matũ hãtxa hamẽki.

Santiago 2:18

Haskai tsuãra ikũwã kayabi wariamabe hãtxai eskai mã unãtinãtirubuki. Matu yuinũ nĩkakãwẽ. Tsuabubera hãtxakĩ yuikĩ: “Mianã, Cristo mĩ ikũwãyã eãnã, yura betsabu ẽ merabewakubainaii, ikĩ ẽ yuiaiwẽ taeshũ haska yura betsa betsapa merabewai ẽ pe hiwemis mia uĩmakĩ haska Cristo ẽ ikũwaĩ ẽ mia uĩmatiruki. Ẽ akaya hakia miã tsuara merabewama haskara Cristo mĩ ikũwaĩ shabakabi mĩ ea uĩmatirumaki. Hãtxawẽs besti ikũwãkĩ mĩ hawara mĩ ea uĩmatirumaki”, akĩ mã hatu dakematiruki.

Santiago 2:26

Ha inũ, yura yushĩyãbia hawẽ yushĩ kaĩkainaya mawamiski. Haska keskariai ikũwã bestikĩ haska Deusũ yunua txibãkĩ dayashunama hawẽ akarã, hamẽki, hatũ xinã pewama mawa keskarã.

2 Pedro 1:5

Haskawẽ taea mã ikũwaĩ kuxipakĩ eska tibiwẽ ana matsãkĩ binumakubaĩkãwẽ. Jesus Cristo ikũwaĩ matũ xinãwẽ pe hiwekubaĩkãwẽ. Ana Deusũ kakape nĩka pehairawatã