Santiago 1:17 - Kaxinawá Bíblia (BR)

¹⁷ Nukũ Epa Deusũ bari inũ ushe inũ bixi damiwanitũ hawẽ xinã betsa betsapa waisma inũ hakiri hawa huneamawẽ taea haska tibi hawa txakabuma pepa besti hanua huai nuku inãkubainikiki.

Kashinawa : Diosun Jesúswen taexun yuba bena yiniki

¹⁷ Nukun Epa Diosun badi inun uxe inun bishi damiwanitun jawen shinan betsa betsapa waisma inun jakidi jawa juneamawen taea jaska tibi jawa chakabuma pepa besti janua juai nuku inankubainikiki.

Santiago 1:17 ပူးပေါင်းရင်းမြစ်များ

Gênesis 41:16

José kemakĩ: —Peki, haska mĩ ea yuiairã. Emebi ẽ unãmatirumaki. Hakia mĩ nukũ shanẽ ibuhaira ẽ mia yuinũ ẽ mekenika Deus kushipa dasibi binuatũ ea unãma ẽ miki txanitiruki, ewẽ taeshũ hau mia merabewanunã. Mĩ haskara uĩ namashini ikimẽkaĩ ea yuiwe— aka

Salmos 84:11

Senhor Deusũ hawẽ bĩ nuku peshashũkĩ hawẽ nuku mekekubaĩmiski. Tsuabura hawa txakabuuma hiweabu Senhor Deusũ hatu betxipaikĩ hatu duawakubaĩmiski, hawa hawẽ pepa yaushiamarã.

Provérbios 2:6

Senhor Deusũ yusiã tsuãra pe tapĩkubaĩkinã, haska unanepatiru inũ haska betsa betsapakiri tapĩhairatiru Senhor Deusũ yusĩkĩ hatu inãshanikiki.

Isaías 45:7

Bari txashati inũ, meshu inũ, benimai hiweti inũ, hamapaiwẽ bika teneti sharabu pawakĩ ẽ dami waniki. Na haska tibi dami wakinã, ea Senhor Deusũ anishũ ẽ akubaĩmiski”, iwanã,

Isaías 46:10

Ẽ dami wakĩ taewani keyui kai yui ẽ txaniniki, earã. Haska tashniriamahaira haskanũbariai yui ẽ txaniniki. Haska wakatsi ikĩ yubakatã eã ẽ tashnimamiski. Haska tibi hau inũwẽ, akĩ eã ẽ yunua imiski.

Isaías 60:19

Ha haskaitiã ea ẽ matũ Senhor Deus ẽ txasha ikibi ishanaiwẽ taea ana hawa bari txashai inũ ushe meshu merã txasha hayamabiakẽ mã manuama ishanaii.

Malaquias 3:6

“Ea ẽ Senhor Deus maei ẽ hawa betsaismaki. Mã Jacó enabuwẽ taeshũ ẽ matu yamawakatsi ismaki.

Números 11:17

Uiaĩbu bututã ẽ mibe hãtxai kaii. Hau habuã mia merabewakĩ ha yubabu mibetã hau mekekubaĩshanũbũ ẽ yushĩ mĩ hayarã, pashkashũ hatu tibi ẽ inãbaũshanaii, mawaira ana mimesti bika teneama hatube mĩ merabenãshanunã, minabu hatu merabewakĩ iyuirã.

Números 11:25

hanua nai kuĩwẽ Senhor Deus bututã Moisésbe hãtxai menetã hanushũ ha Yushĩ Moisés inaĩma haya pashkatã ha 70 shanẽ ibubuki inãbaunaya ha Yushĩ hatu merã hikikĩ hatu atxia Deusũ hãtxa yuishunikabu keska hatu hãtxamatã ana haska hatu hãtxamama inikiaki.

Números 23:19

Yurabu hiwebia mawamisbu keskama Deus txanitxakaismaki. Ha inũ, hawẽ shinã betsa waismaki. Hawara yuishũ amiski. Hawara yubakashũ akĩ keyumiski.

Mateus 7:11

Haskakẽ matũ xinã pepamabia matũ bakebu mã duawamis mã unaiĩ. Hamẽ tsuãra Epa Deus nai anua ea akĩ mã yukarã, hawara pepa yauxiama matu inãtiruki.

Lucas 11:13

Haskakẽ mã pepamabia matũ bakebu mã duawamis mã unaiĩ. Hamẽ haska binumakĩ Epa Deus nai anuatũ mã tsuabũra yukai nĩkatã hawẽ Yushĩ Pepa matu inãmiski— hatu wanikiaki.

João 1:9

Hanushũ shaba keskatũ hiwekuĩakiri yusĩ hatu unãmai

João 3:27

Joãonẽ hatu yuikĩ: —Huni betsa Deusũ yunuama shanẽ ibu kayabi itirumaki.

João 3:3

Jesusũ ana yuikĩ: —Ikũkĩ ẽ mia yuiaii. Tsuara ana kaĩ benama Deus shanẽ ibuai anu ka hiwetirumaki. Hakia ana kaĩ benatã Deus shanẽ ibuaibe hiweshãkanikiki— aka

João 8:12

Templo hemaĩtĩ anushũ Jesusũ yurabu uĩkĩ mapuabu hatu yuikĩ: —Earã, mai hirabi ẽ bĩ txashahaira keskaki, hatu tapĩmanikarã. Tsuabũra ea nĩkatã txibaĩburã, ha bĩki nukui hiwea bena hayakanikiki. Haskawẽ taea hawa mexu merã ana biũma niama keska ishãkanikiki— hatu waya

Hechos 11:18

Deusũ hatu haska waxina Jerusalém anua ikũwaĩbũ nĩkatã ana Pedro ha akama nesetã Deus kẽwãkĩ yuikĩ: —Judeubuma dikabiwẽ nuikĩ hatu xinã betsa wamakĩ txanima Deusũ hatu hiwekuĩa inãriaikiki, ikibi imakinã. Pehairaki— anibukiaki.

Hechos 5:31

Deusũ haska watã nai anu ainitã hawẽ yusiuri nuku tsaũshunimakẽ ha nukũ mekenã inũ nukũ yusĩnã nũ ma hayaki. Haskawẽ taea nũ Israelbu shukua tibi tsuabũra nukũ txakabu henetã Deus anu txĩtuĩ nũ xinã betsaibu nuku hawenabu wakĩ Deusũ nukũ txakabu buatã ana xinãmaki.

Romanos 6:23

Haskakẽ tsuabũra txakabuwakubaĩmisbu hatũ kupitirã, Deusũ meketi hayama mawa kayabi bishãkanikiki. Hakia nukũ Shanẽ Ibu Jesus Cristo nũ ikũwaĩ nũ haki dasikẽ hawẽ taeshũ Deusũ nukũ hiwekuĩti pepa inã nukũ Shanẽ Ibube dasitã nũ habe hiwei ikibi ishanaii.

1 Coríntios 4:7

Matũmebi xinã txakakĩ: “Ikũwaĩbu betsabu nũ hatu binuaki”, ikĩ mã kaneaii. Mã tsua binuamawẽ taea haskayamakubaĩkãwẽ.

Efésios 1:18

Deus matu yukashũkinã, Deusũ hau matũ xinã hunemawatã shabakabi nĩkamakĩ manakamanũ inũ, hau tsuabura hawenabu kayabi katutã hawẽ pepawẽ duahairawakĩ matu unãmashanũ ẽ matu yukashũmiski.

Efésios 2:8

Hiwekuĩa bikinã, nũ hawawẽ ibubis nukũ kupiti bi pashatirumabiakẽ Jesus nuku mawashuni nũ ha ikũwãkubainaiwẽ taeshũ Deus pepahairatũ nuku duawakĩ nuku inãni ikũwaĩ nũ ma mekeaki.

Deuteronômio 4:19

Ha dikabi naiuri uĩkĩ bari inũ ushe inũ bishi inũ bishi kauani txashakainai betxitã haki mesei ‘Habaa!’ iki datekĩ haska kẽwãyamakubaĩshãkãwẽ. Yurabu dasibi merabewakĩ hawara sharabu nai anua uĩtirubu Senhor Deusũ hatu damiwashuniki.

Filipenses 1:29

Deusũ hawẽ pepawẽ matu kenakĩ katushũ ikũwãmanirã, ha besti ikũwaĩ pepa bestitimaki. Habiaskariai Cristowẽ bika mei nuitapariatiki.

1 Timóteo 6:16

Ha ibubis mawatiruma inũ, ha besti hiwemis shaba txashakapa hiweaki tsua hari haki kematirumarã, tsuã uĩtiruma inũ tsuã uĩnakama hiweaki. Haskakẽ hawẽ kuxipa pae nukaisma duawakĩ hau kẽwãpakenũbũwẽ, niti ikamarã. Haskakirã.

Hebreus 13:8

Ha inũ, Jesus Cristorã, hawa maei betsaisma habiaskaski, uatiã inũ, natiã ikai inũ, ipakeshanairã.

Santiago 1:5

Tsuara hatiri mã unãnepariamarã, Deus yukakubaĩkãwẽ. Hawẽ unãneparã, hatũ matu inaĩkiki, hawa yauxiamarã. Mã haska Deuskiri xinãkĩ dasibi hawara akatsis ikai matu ashũtiru hayaki, hawẽ unãnepa keyutiruma haya inũ hatũ hawa matukiri txakabu xinãkĩ metuismarã.

Santiago 3:15

Haskakĩ kanei ibubis unãnepapaikĩ haska Deusũ xinaĩ anua huai akama hakia haska Deus ikũwãbuma inũ Satanásã xinãmis haska keskarianũ ika mã ikaii, yura betsabu tibi binunũ, ikirã.

Santiago 3:17

Hakia haska Deus anua huai haya hawẽ unãnepakĩ akirã, mã eskatirubuki. Matũ yura mã shanẽ ibubia matũ xinãwẽ shanẽ ibukiri xinãma hatu binukatsi ikama pe besti ikũkaini shabakabi mã hatu uĩmatirubuki. Ha dikabi duapai inũ, hatuwẽ nuikĩ betsabu hãtxai nemama nĩkamis inũ, daewanika inũ, betsabuwẽ nui merabenã bestimis inũ, beparameama dasibi hatu merabewamis inũ, txanima yui kayabimis inũ, yurabu paraĩsma inũ, Deus txibaĩ txĩtuãma inũ, pepas besti katui unãnepabu mã hiwetirubuki.

1 João 1:5

Deus dasibi shaba keska pepahairaki, hawa parananãti txakabu hayamarã. Jesus Cristõ na kaka pepa haskakiri nuku yusĩaĩ nũ nĩkani hanushũ habiasri yusĩ nũ matuki txanikũkainaii.

1 João 4:10

Nuku abuai haska uĩmakinã, nukũ dukũ nũ Deus abuama iniki. Hakia nukuwẽ nuikĩ nuku abukinã, hawẽ bake yununiki, hau ha mawakĩ daewaiwẽ nukũ txakabu buatã ana xinãyamakubaĩshanunã.

Apocalipse 21:23

Ha inũ, ha maewã anurã, Epa Deus hawẽ kuxipawẽ txashahairamis inũ txashuwã bake bĩ keskai txashai hi imiskẽ ana bari inũ ushe hawẽ txasha ana habu hayamaki.

Apocalipse 22:5

Hari hiweabu anu ana yame hayama inũ hanu hiweshũ nukũ Shanẽ Ibu Deus hatu hiwemakĩ hatu shabawashũkẽ habu habe shanẽ ibui heneama ipapakeshãkanikiki. Haskawẽ taea ana barĩ txasha inũ bĩmã txasha hayama ishãkanikiki.

1 Samuel 15:29

Txanima Deusũ hawẽ kushipawẽ Israelĩ enabu hatu duawakubaĩmis txanitxakaisma inũ hawẽ shinã betsa waismaki, huni betsa betsapabũ hatũ shinã betsa wamisbu keskamarã— aka