Salmos 69:20 - Kaxinawá Bíblia (BR)

²⁰ Ẽ txakabukiri tsuãra ea yuikĩ ea huĩti meteshmiski. Ea haska wabu benima hayama ẽ punu nukahairaki. Ewẽ nuikĩ tsuã ea daewakĩ benimawatirubu hamẽ ẽ benakubainaii.

Salmos 69:20 ပူးပေါင်းရင်းမြစ်များ

Salmos 42:10

Habu eki sinataibũ ea itxakahairawabu tenei ẽ shau dikabis ea isĩ tenemakĩ hora tibi habu eki sinataibũ hawẽtsaĩs ea bikawakĩ yukamisbuki: ‘Hanimẽ, mĩ mekenika Deusrã?’ ” akinã.

Salmos 42:6

Ikis ẽ punu nuka shinã txãkãmahairaki. Haska Hene Jordão anu ẽ mibe nikũkaini inũ, Mati Hermom inũ Mati Mizar anua ẽ haskakũkaini hakimama ẽ mikiri shinãhairaii.

Isaías 63:5

Ẽ hatu uĩbauna hanu tsuã ea merabewatirumakẽ ea e itã ana: “Tsuaĩra ea merabewawa”, ibiatã ẽ mekẽnẽ ẽ hatu dete keyushinaki. Ẽ sinatahairaiwẽ taea ẽ kushipawẽ ẽ hatu maemashinaki.

Mateus 26:56

Eskawẽ taea mã ikaii. Deusũ hãtxa bebũkiri ekiri kenenibu haska yuiniwẽ taeshũ mã ea atxiaii— hatu waya hanua dasibi nũ hawẽ tsumabu datekĩ Jesus besti henebaini pashai nũ hunei keyubainaibũ

Marcos 14:37

hanua hawẽ tsuma dabe inũ besti anu txĩtũkirã ushabuki nukutã hatu datekĩ Pedro yuikĩ: —Simãoneẽ, mĩ ushamẽ? Haskai hora bestitxai beru mestẽwãtã mã ea manatirumamẽ?

Marcos 14:50

hanua dasibi hawẽ tsumabu datekĩ Jesus besti henebaini pashai hunei keyubainaibũ

João 12:27

haskai nũ nĩkaya Jesusũ hawẽ Epa yuikĩ: —Ikis hawẽtxaĩs huĩti meteshekei ẽ punu nixmahairaii. Hawa yuipa?— itã —Epaã, na ẽ yura hatu mepamatã ẽ pashanũ ea nitxĩwẽ, akĩ ẽ mia yuitirubia hakia habiaskatanũ ika ẽ huai mĩ ea yubaniki— atã

João 16:32

Mã ea haska wabiai hanu mã datei pashairã, ma kemakanikiki. Uĩrakãwẽ, hanu dasibi sa ikĩ mã bestibu ea dapashkabaĩkĩ mã ea henebiabaina earã, ẽ emestimaki. Ẽ Epa ebe ketashameshũ ea heneamaki.

Hebreus 11:36

Ha inũ, betsabũ Deusũ hãtxa ikũwãmisbu nuitapawakĩ hatu kashewakĩ betsabu kuxa kuxa akĩ betsabu mane dispiwẽ neshatã hatu bitximapaunibukiaki.