Romanos 9:30 - Kaxinawá Bíblia (BR)

³⁰ Haskakẽ Deusũ yunuti judeubumã txibãkĩ Deusũ pashati benamabia habũ Jesus Cristo hatũ xinãnẽ besti ikũwaĩbu hatũ txakabu Deusũ ma hatu buashũtã ana hatukiri txakabu xinãma ikũkainikiki.

Kashinawa : Diosun Jesúswen taexun yuba bena yiniki

³⁰ Jaskaken Diosun yunuti judiobuman chibankin Diosun paxati benamabia jabun Jesucristo jatun shinanen besti ikunwainbu jatun chakabu Diosun ma jatu buaxuntan ana jatukidi chakabu shinanma ikunkainikiki.

Romanos 9:30 ပူးပေါင်းရင်းမြစ်များ

Provérbios 15:9

Haska huni txakabubũ shinã pewama hiwekubainaibu Senhor Deusũ hatu danãkĩ betxipaismaki. Hakia huni pepabũ pepa txibaĩ hiwei pekubainaibu Senhor Deusũ hatu betxipaimiski.

Provérbios 21:21

Tsuara hiwei pekaini ana txakabukatsi ikama pepa bestikĩ hatu uĩmaiwẽ taea hakiri hãtxa peaibu nĩkai haska hiwea betxipaimis hayashanikiki.

Romanos 10:10

Hanushũ Jesus txibãkĩ matũ huĩti merã ikũwãkĩ xinaĩ Deusũ matu ma pepawaya dateama haska shabakabi tashnimakĩ yuikĩ: “Txanima kayabi Jesus Cristõ ẽ txakabu buaniwẽ taea ẽ Shanẽ Ibuki”, ikaibu Deusũ matu hawenabu wakĩ niti akama habe matu hiwemariashanikiki.

Romanos 10:20

Hanua bari itxapa kakẽ hãtxa kuxipawẽ yura betsabukiri Deusũ Isaías yuimakĩ: “Tsuabũra ea benabuma haska ẽ hatuwẽ nuimis hatu shabakabi ẽ uĩmaya habũ ea ikũwãshãkanikiki. Habũ ea benamabia eki nukushãkanikiki. Ekiri hawa yuka ikabumabiakẽ ẽ kuxipa ẽ hatu uĩmashanaii”, iwanã,

Romanos 10:6

Haskakẽ tsuabũra xinã betsa washũ Jesus ikũwãkatsis ikĩ yuikĩ: “Nai anu mapeketã hau nuku mekeyunũ Messias Cristo hauria nekeriri butekĩ i bunãkãwẽ”, iwanã, hau haska xinãkĩ yuiyamakubainũbũwẽ.

Romanos 3:5

Yura betsã xinã txakai hãtxatiru keska matu xinãmanũ nĩkakãwẽ. Yura betsã ea yukakĩ: “Nũ txakabu betsa betsapa wamiswẽ taeshũ Deusũ hawẽ yubakawẽ nukuwẽ nuibiai haskai Deus pepama ikaskĩ nuku kupimismẽ? Haskakenã Deusrã, txakaburaka”, ikaya

Romanos 4:11

Hanushũ Abraãonẽ Deusũ hãtxa ikũwaĩwẽ taeshũ unãti wakĩ hawẽ xinãmati wakĩ hawẽ hina kubitxi meshtenibuki, haska ikai tsuabũra shabakabi hau unãnũbunã. Deusũ haska wanikẽ dasibibũ Deusũ hãtxa ikũwaĩbu Abraão hatũ epa ikũkaĩtiwaniki, habũ hatũ hina kubitxi meshtemisbu inũ habũ meshteabumarã. Haska tibibu Deusũ haturi unãti wakĩ: “Yura pepabuki”, hatu washanikiki.

Romanos 4:13

Haska inũ, hawẽ yunuti inũ hawẽ nemati Deusũ Moisés kenemariama Deusũ hãtxa Abraãonẽ ikũwãkubainaya Deusũ Abraãokiri xinãkĩ: “Huni pepaki”, aniwẽ taea hatiritũ ha keskakĩ hawẽ bababũ Deusũ hãtxa ikũwãkubainaibu mai hirabi hatu ibu wamakĩ yunushanũ, iwanã, Deusũ Abraão hatukiri yubaniki.

Romanos 4:22

haskai Deusũ uĩkĩ xinãkĩ: “Abraãonẽ ea ikũwaĩnã, huni pepaki”, anikiaki.

Romanos 4:9

Na Davĩ eska kenekinã, judeubũ hatũ beya txibãkĩ hatũ hina kubitxi meshtemisbukiri besti animẽ? Habu judeubuma dikabiki akama iniraka? Matu yuinũ nĩkakãwẽ. Abraãonẽ Deusũ hãtxa nĩkatã ikũwãkubainaiwẽ taeshũ Deusũ unãti watã yuikĩ: “Huni pepaki”, anikiri kenekĩ ẽ matu xinãmashuki.

Romanos 5:1

Hawẽ hãtxa nũ ikũwaĩwẽ taeshũ Deusũ nuku pepa wakĩ xinãkubainikiki. Nukũ Shanẽ Ibu Jesus Cristõ Deusbe nuku haibunamemaya unãnuma hiwei nũ benimakũkainaii.

Romanos 9:14

Haska inũ, Deusũ Moisés yuikĩ: “Haraturawẽ ẽ nuikatsis ikai hatuwẽ nuikĩ haratura ẽ duawakatsis ikai ẽ hatu duawakubaĩmiski”, ikĩ haratura dukũ kaini xinãma ha dabetã huĩti unãkĩ bestitxai katukĩ Deusũ kanenimẽkaĩ, pepa wamarã? Haskamaki. Hawẽ xinãnẽ besti akubainiki.

Romanos 9:31

Hamẽ Israelbu ikirã, habu Deusũ yunuti inũ hawẽ nemati Moisés hawenabu yununiwẽ hatũ txakabu hatu buashũtã pewatirubu dabanẽ haska xinãkĩ Jesus Cristo ikũwãbumawẽ taeshũ Deusũ hatũ txakabu buashũtirumaki.

Gálatas 2:16

Habiaskabiakẽ Moisés yunuti inũ hawẽ nemati txibaĩbuwẽ taeama tsuabũra Jesus Cristo ikũwaĩbuwẽ taeshũ Deusũ hatũ txakabu buatã ana xinãma nũ unaiĩ. Nukũri judeubũ beya nũ txibaĩwẽ taeama Jesus nũ ikũwãyã nukũ txakabu Deusũ buashũ nuku ma pepawani nũ unãriaii. Jesus haibuwama judeubũ beya besti txibaĩbũ tsuabũra txakabuwai Deusũ buashũkĩ pepa waismaki.

Gálatas 3:24

Haska inũ, Cristokiri unãkĩ ikũwãkĩ nũ txibaĩbu nukũ txakabu buatã hau pepabu keska Deusũ nuku washanũ, iwanã, hawẽ yunuti inũ hawẽ nematiwẽ nuku mekeyukubainiki.

Gálatas 3:8

Hanua judeubuma dikabibũ hatũ xinã betsa watã hatũ txakabu henetã Jesus ikũwãshanaibuwẽ taeshũ Deusũ unãkĩ hawẽ hãtxa yuishunika Deusũ Yushĩ Pepatũ Abraão kenemashũkĩ yuikĩ: “Deus mĩ ikũwaĩwẽ taeshũ yura shukua tibibu dasibibũ hawẽ bake ikũwaĩbu hiwekuĩmakĩ Deusũ miwẽ taeshũ hatu duawashanikiki”, aniki.

Gálatas 5:5

Hanua nukunã, Jesuski dasitã nũ ikũwaĩwẽ taeshũ Deusũ Yushĩ Pepatũ nuku merabewaya Deus kaneismatũ nukũ txakabu nuku buashuniwẽ pepai nũ habe hiwekuĩshanai hawa teama nũ manayukubainaii.

Efésios 2:12

Uatiã matu hiwearã, Cristouma inũ, Israelbube danãnanaĩ inũ, hawa Deusũ hatu yubakĩ matu yubama iniki. Haska mã hiwea iyuniki, xinãkãwẽ. Haskawẽ taea Deus unãma inũ hawa manakati pepa hayama na mai anu mã hiwepauniki.

Filipenses 3:9

haki nukutã haki dasirã. Haska inũ, Moisés hãtxa txibaĩ hawẽ nuku ibubis nũ pepahairakũkaĩkatsis ikaiwẽ en dayamiswẽ ea akama Cristo ewẽ nui eki nukutã ea xinã betsa wama ẽ ikũwãniwẽ taeshũ Deusũ hawena ea wakĩ ẽ txakabu ea buashunikẽ Jesus besti ẽ txibãkubainaii.

1 Timóteo 6:11

Hakia miarã, Deusũ ma mia hawena wakĩ katuniwẽ taeshũ hawara txakabu betsa betsapa betxitã danaĩ ana hari kayamawe. Mĩ pe dayai hiwekatsi ikairã, mĩ daya bikabiakẽ Deusũ mia unaĩwẽ taea ikũwaĩ nui abunamei kuxipai huĩti kuxiama babutã hatu uĩmai hatube hiwekũkaĩwẽ.

Hebreus 11:7

Ha inũ, nukũ shenipabu Noẽ Deus ikũwãyã Deusũ bebũkiri haska washanai iriama uĩyamabia huni pepakĩ Deusũ yunuti txibãkĩ hawẽ hawenabu pashawakatsi nunuti ewapa wanikiaki. Haska Deus ikũwaĩwẽ taeshũ Deusũ mekekĩ hawẽ pewẽ manakukĩ pashawanikiaki. Habias hãtxa ikũwãkĩ txibaĩwẽ pashakĩ yurabu mai hirabi anuabu Noẽ hatu kupinikiaki.

1 Pedro 4:3

Hamẽ Deus mã ikũwãriama ha ikũwãbuma keska mã iriapaunibuki. Hawara hakimatixara kemuti txibaĩnã, ha inũ, kemui aĩbu tibibe menamei inũ, piti mirimawẽ kemutapai inũ, nawai beyusi paeĩ inũ, dami yushĩ kẽwaĩ mã txakabuhairai keyurianibuki.