Romanos 9:22 - Kaxinawá Bíblia (BR)

²² Haska yurabũ hatũ txakabuwẽ Deus danaĩbu Deus hatuki sinatakĩ mawa kayabiwẽ hatu kupishanai inũ, ha besti kuxipahaira Deusũ yurabu unãmakatsi ikĩ haska hawẽ kuxipawẽ hawaira akama teneshũ manayukubainikiki.

Kashinawa : Diosun Jesúswen taexun yuba bena yiniki

²² Jaska yudabun jatun chakabuwen Dios danainbu Dios jatuki sinatakin mawa kayabiwen jatu kupixanai inun, ja besti kushipajaida Diosun yudabu unanmakatsi ikin jaska jawen kushipawen jawaida akama tenexun manayukubainikiki.

Romanos 9:22 ပူးပေါင်းရင်းမြစ်များ

Gênesis 15:16

Hakia ha mai pakea anu minabu hikitã hatũ ibuwẽ 4 shenipabu pakea tibi hiwekubainaibutiã habũ bakewakubainaibu ewatã habiatiãri 400 ano binukainaya minabu hari hiwea hatu itxakawabu ẽ hatu pashawa minabu Canaã anu nenu habianuri ana hiwei txĩtũbirani benũbarikanikiki. Hanua Amorreu nawabu na nenu hiweaburã, hatũ txakabu pikuhairariabumakẽ ẽ hatu kupinũbariai ẽ manayukubaĩshanaii— aka

Êxodo 9:16

Hakia mai hirabi anushũ ẽ kushipa inũ ẽ kena hau unãbaũshanũbũ ẽ kushipa mia uĩmakĩ ẽ mia tenãma ishiãki.

Provérbios 16:4

Haska betxipaiai txibãkĩ Senhor Deusũ dasibi dami betsa betsapa wakĩ keyuniki, huni txakabubũ nĩkaisbumari hanu hatu kupiaitiã hatu kupikubaĩti wakinã.

Números 14:11

Senhor Deusũ Moisés besti ana yuikĩ: —Ea danãkubaĩkĩ henekatsi ikabumaki. Hawẽ unãmati dami itxapa ẽ hatu uĩmabiakubirana ea ikũwãkatsi ikabumariki.

Romanos 1:18

Yura hirabi hiwebaunabu hatũ txakabuwẽ txakabukubaĩkĩ hãtxa txanimawẽ hiwekatsi ikabumawẽ taeshũ betsabũ ikũwãtirubũ hau nĩkayamanũbũ txanima hãtxa hunekĩ nemamisbuki. Habũ hatu nemamisbu Deus nai anu hiwea hatuki sinatakĩ natiã hatu kupikĩ habu tenemaikiki.

Romanos 9:17

Haska inũ, txipu Deusũ shanẽ ibu Faraó kupikatsi xinãbiakĩ yuikĩ: “Faraónẽ, ẽ kuxipa miwẽ hatu unãmakatsis ikĩ mia katukĩ dasibi Egito nawabũ shanẽ ibu ẽ mia waniki, hau miwẽ taeshũ ẽ kuxipa inũ ẽ kena mai hirabi anu hiweabũ hau unãshanũbũ”, ikĩ hakiri Deusũ Moisés hãtxamai Moisés nĩkatã hakiri

Romanos 9:20

Ha inũ, matunã, haskakĩ Deusũ hamapai wamis hawẽ xinã unãmabia haska hawara wamiskiri txitekĩ mã yukatirumẽ? Na keskairã, mai kẽti hãtxakĩ mai mabu dami wanika yukakĩ yuikĩ: “Haskakĩ mĩ ea haska waimamẽ?” itirumaki.

Romanos 9:21

Hakia haska aĩbũ mai mabu wakĩ habias mai kẽti dabe wakatsi ikĩ betsa haki hamapai wati xumu hawẽrua meribi wakĩ inũ betsa kẽti kayabi hawẽrua beshmas dasibituna hatu washũmis tsuã nematirumaki. Haska keskari wakĩ Deusũ hatu akeakemiski.

1 Tesalonicenses 5:9

Txanima nukuwẽ taea Jesus Cristo nuku mawashuniwẽ taeshũ Deusũ nuku hawẽ kupikatsi ikama nũ hiweabu inũ nũ mawabu nukũ Shanẽ Ibu Jesus Cristowẽ nuku meketã nuku habe hiwemashanai nũ unaiĩ.

2 Timóteo 2:20

Haska inũ, huni mabuyatũ hiwe ewapa merã hawẽ mabu tibirã, ouro inũ prata hawẽrua besti hayamaki. Hakia ha dikabi hi mabu inũ mai mabu pepa beshmas hayariki. Ha mabu dabe haska keska dabes hayamaki. Betsa hawa husiama hawẽ pepahaira besti atiki. Hanua betsa hawẽ hamapai wakĩ pepa beshmas dasibibũ metirubu hayariki.

1 Pedro 2:8

Ha dikabi Deusũ na eskakiri Isaías yuikĩ: “Haki huti itã tĩ iti mixkiki, hawẽ hatu sinatamatirã”, ani keskariai tsuabũra ha hãtxa hakiri kakape nĩkatã txibãkatsi ikama danaĩ haki huti itã haki sinatai keskabu Deusũ habu kupishanikiki.

1 Pedro 3:20

Hamẽ nukũ shenipabu Noẽ hawẽ nunuti waya habias habu yushĩ patapanibu nitxĩriama hau Deusũ hãtxa nĩkanũbũ hĩ hĩ, iwanã, hawaira hatu kupikatsi ikama Deusũ hatu manayuaya hawẽ hãtxa danãnibukiaki. Ha inũ, ui heneama hene ewa wakĩ yura betsa betsapabu hatũ txakabuwẽ taeshũ ha henewẽ hatu kupikĩ Deusũ dasibi yamawanikiaki. Hanushũ yura eskarabes oito besti nunuti merã Deusũ hatu kupiama Noéwẽ besti pashai mekenibukiaki.

2 Pedro 2:3

Habunã, matũ pei itxapa binũ ishũ txani hãtxa yusĩkĩ matu parãkĩ itxakawashãkanikiki. Haskanũbariaibu ma bebũkiri Deusũ hatu kupini hawa betsa waismawẽ taeshũ tsuã Deus hatu daewashũtirumawẽ taeshũ Deusũ hatu kupikatsi manayuikiki.

2 Pedro 2:9

Noé inũ Ló Deusũ pashawanishũ tsuabura hawenabu ikatsis ikĩ hatũ hiwea Deus inãmisburã, hawẽ taeshũ hawara bika tibi hatu memabiaibũ nukũ Shanẽ Ibũ unãkĩ hatu txakabu binumariakubaĩtiruki. Hamẽ habu txakabumisburã, hanu bari hawẽ heneaitiã hatu unãti watã hatu kupishanai unãriaikiki.

2 Pedro 3:15

Xinaĩrakãwẽ. Nukũ Shanẽ Ibu nukuwẽ nui hĩ hĩ ikama pewẽ nuku pashawakatsi nuku merabewaikiki. Habiaskiri nukũ betsa Paulõ matu keneakeakeshũyamaki, Deusũ merabewaya unãnepakinã.

Judas 1:4

Ha inũ, ha bebũkiri ha yurabukiri Deusũ hawẽ hãtxa hatu kenemani habu parananãmisbu kupinũbariai habias yuini keska na habiatiã yurabu betsa betsapa hune txakabu hayabia matube itxai unãtinãtã hatũ txakabu henekatsi ikama habũ xinãwẽ matu parãkĩ yuikĩ: “Deus pepatunã, hawara txakabu mã wabiaya matũ txakabu buatã kupiama ishanikiki”, akĩ hamapai atimapa matu yusĩ hatũ hiwea pewai beshtekekatsi ikama Jesus Cristo besti nukũ Shanẽ Ibubiakẽ hawẽ kuxipa danãkanikiki.