Romanos 7:3 - Kaxinawá Bíblia (BR)

³ Haska inũ, hawẽ bene mawariama ha aĩbu huni betsabe uĩnanaĩ atiyai txakabumisbuki. Hakia tsuara hawẽ bene ma mawakẽ hanu huni betsabe shabakabi ana hiwekatsi ikai hawa txakabumaki.

Kashinawa : Diosun Jesúswen taexun yuba bena yiniki

³ Jaska inun, jawen bene mawadiama ja ainbu juni betsabe uinanain atiyai chakabumisbuki. Jakia tsuada jawen bene ma mawaken janu juni betsabe xabakabi ana jiwekatsi ikai jawa chakabumaki.

Romanos 7:3 ပူးပေါင်းရင်းမြစ်များ

Êxodo 20:14

Ha inũ, betsarã, kemui aĩyã inũ beneyabia betsabe txutanameyamashãkãwẽ.

Mateus 5:32

Hanua huni betsã hawẽ aĩ huni betsabe txutanameamabiakẽ henekatsis ikĩ hawẽ aĩ hawamabiakẽ henebainarã, hanua aĩbu haska xinãmabiakẽ ha hunĩ ma putabaina hanushũ ha hunĩ txakabuwẽ taea hanu aĩbu hawẽ benẽ txakabumaikiki, bene betsa benatikiri xinãmakinã. Hanu aĩbu hawẽ benẽ ma henebainima huni betsã ha aĩbu habe biakanãtã habe txutanamei pebiairã, huni betsã aĩbe txutanamei keskaikiki.

Romanos 7:2

Haska aĩbu beneyakiri miyuiwẽ matu shabakabi yusĩnũ nĩkakãwẽ. Deusũ nuku yunukinã: “Tsuabura beneyabu hawẽ bene hiweyukẽ hau habe besti hiweyukubainũbũwẽ”, nuku waniki. Haskakẽ ma hawẽ bene mawakẽ aĩbu ana tsuã tsumamakẽ bene betsa hayakatsis iki beneyatiruki, Deusũ ana nemamarã.

Romanos 7:4

Mã ebetã Jesus txibaĩbu, ẽ betsabu inũ ẽ puibuũ, maturã, mã haska keskaki. Matu yuinũ nĩkakãwẽ. Deusũ bake mawa ana bestẽwani haki dasi mã habe mawani keskaburiki, ana hawẽ yunuti inũ nematiwẽ matu tsumamarã. Hakia hawenabukĩ hamapai Deusũ abuai hawẽ daya ashũkĩ mã benimawa bestikatsis ikaii.

Rute 2:13

Rutẽ kemakĩ yuikĩ: —Mĩ ea haska hãtxa wakĩ mĩ ea benimawaii, haska mĩ ea hãtxa pewairã, ẽ mĩ dayarumabiakenã— aka