Romanos 5:9 - Kaxinawá Bíblia (BR)

⁹ Cristo mawakĩ nukũ kupiti ma nuku bishũkẽ Deusũ nukukiri yuikĩ: “Mã ana txakabu hayamaki”, iniwẽ taea Cristo Shanẽ Ibuhairai hanu hawẽ henei yurabu kupinũ ika hushanaitiã Deus nukuki sinatabiamis hawẽ kupiti nũ hawa ana hayamahaira ishanaii, Cristo nukuwẽ hiwekũkaĩkĩ nuku pashawamiskenã.

Kashinawa : Diosun Jesúswen taexun yuba bena yiniki

⁹ Cristo mawakin nukun kupiti ma nuku bixunken Diosun nukukidi yuikin: “Man ana chakabu jayamaki”, iniwen taea Cristo Xanen Ibujaidai janu jawen jenei yudabu kupinun ika juxanaitian Dios nukuki sinatabiamis jawen kupiti nun jawa ana jayamajaida ixanaii, Cristo nukuwen jiwekunkainkin nuku paxawamiskenan.

Romanos 5:9 ပူးပေါင်းရင်းမြစ်များ

João 5:24

Txanima ẽ matu yuikubainaii. Tsuãra ea nĩka pewai hawẽ hiwea txakabukiri kai beshteketã hatũ ea yununiri ikũwaĩ hiwekuĩkanikiki, ikisrã. Bikawẽ unãti wama mawa kayabi tenemama hiwekuĩaĩbu txakabuwẽ nũ kupiama ishanaii.

Romanos 1:18

Yura hirabi hiwebaunabu hatũ txakabuwẽ txakabukubaĩkĩ hãtxa txanimawẽ hiwekatsi ikabumawẽ taeshũ betsabũ ikũwãtirubũ hau nĩkayamanũbũ txanima hãtxa hunekĩ nemamisbuki. Habũ hatu nemamisbu Deus nai anu hiwea hatuki sinatakĩ natiã hatu kupikĩ habu tenemaikiki.

Romanos 5:1

Hawẽ hãtxa nũ ikũwaĩwẽ taeshũ Deusũ nuku pepa wakĩ xinãkubainikiki. Nukũ Shanẽ Ibu Jesus Cristõ Deusbe nuku haibunamemaya unãnuma hiwei nũ benimakũkainaii.

Romanos 5:10

Haska inũ, Deus dasibi yurabuki sinataya nũ habe haibunameriamabiakẽ hawẽ Epa daewakĩ nukũ kupiti nuku bishuĩ Cristo nuku mawashũkĩ nukũ txakabu bua keyukĩ ana xinãtima watã pepa keskabu nuku waniki. Hawẽ bake hiwekũkaĩkĩ txanima nuku mekeshanikiki, nũ ma Deusũ haibuaibukenã.

Romanos 8:1

Haskakẽ natiã nũ habu hiweshũ Jesus Cristo ikũwaĩbu nũ ma haki dasiabũ nukũ txakabuwẽ taeshũ Deusũ nuku dasibi kupiama ishanikiki, nũ ma hawenabukenã.

Romanos 8:30

Haska inũ, tsuabura Deusũ bebũkiri hatu kabẽkĩ katuni Jesuswẽ taeshũ txakabuma wakĩ pewatã hawara Deusũ hawẽ bake Jesus Cristo yunutã ani keska wakĩ haburi duawakĩ Jesus Cristobe hatu shanẽ ibuwashanikiki.

Efésios 2:13

Uatiã Deuski mã kematiruma iniki. Hakia natiã Jesus Cristo mawakĩ hawẽ himi habawaniwẽ natiã txai mã ibiani mã ma ha dapiki.

Efésios 2:3

Haskawẽ taea uatiã nukubu nũ hiwea habiaskasri nũ iyunibuki, nukũ xinãnẽ txakabu abukĩ txibaĩ hiwea kemu pae tibi nukũ yurã yunuai xinaĩ ha ashũkĩ meneirã. Haskawẽ taea hawẽ nuiti nukukiri nũ hayamakẽ txanima Deusũ nuku kupitiru nũ inibuki, betsabũ ikũwãma ikaibu keskairã.

1 Tesalonicenses 1:10

Haska bestikiri mã xinãma hakia Deusũ bake Jesus mawa ana bestẽwani nai anua txĩtũkirã ana hushũ nuku mekeaya hakia yurabu txakabumisbu Deusũ hatu kupikĩ hau nuku meama ishanũ, iwanã, unãkĩ uĩshanũ ika mã manakanaii.

Hebreus 9:14

Haska wapaunibu pebia haska binumakĩ Cristõ hawẽ himi habanirã, kuxipa paehairaki. Haskakẽ Deusũ Yushĩ niti ismatũ merabewaya inãkuĩti hawa txakabu hayama keskakĩ Jesus Cristo ma ana bestẽkĩ Deus nuku daewashuniki. Mawai hawẽ himi habaniwẽ taea natiã nukũ xinã txakabũ nuku kanemakĩ hawẽ nuku tenãmis nuku buashũtã nukũ kupiti bitã hiwekuĩa nuku inãkĩ pewaniki, Hamebi Hiwemis Deus besti duawai ha dayashuni nũ hiweshũkubaĩshanũbunã.

Hebreus 9:22

Deusũ Moisés hawẽ hãtxa yununiwẽ taearã, mabu inũ tsuabura Deusuna wakĩ hatu meribi wakinã, himi habama hatũ txakabu buatiruma inikiaki. Hakia Deusunabu meribi hatu wakinã, hatũ txakabu buashũkĩ himi habai bestiwẽ atiwakĩ yununiki, Moisésnã.

1 João 1:7

Hakia tsuãra Deusũ hãtxa ikũwãtã txibaĩ mã pepai hiweaburã, Deusũ shabaki mã ma pesea keskabuki. Haskawẽ taea nukubũ ikũwaĩbu nũ ma dasiabuki. Hanushũ txanima hawẽ bake Jesus Cristo nukuwẽ taea mawakĩ hawẽ himi habakĩ Deus nuku daewashũkĩ ma nukũ txakabu nuku bua keyushuniki.