Romanos 5:14 - Kaxinawá Bíblia (BR)

¹⁴ Haskakẽ Deusũ Adão damiwashũ hari hiwemani anua inũ hanu Moisés hiwenitiã Moisés Deusũ hãtxa yurabu yusĩkĩ taewariama hawẽ yunua keskawẽ txakabui yurabu ibubis mawakubainibukiaki, Adão keskakĩ Deus nĩkama inũ txakabu betsa betsapa wakubainirã. Ha dukũ huni Adão Deusũ damiwaniki. Hatũ txakabuwanikẽ hanua huni betsa pepa Adão binua ha katxu hau hushanũ Deusũ yubani hushũ hatũ hiweti bai bena nuku washuniki.

Kashinawa : Diosun Jesúswen taexun yuba bena yiniki

¹⁴ Jaskaken Diosun Adán damiwaxun jadi jiwemani anua inun janu Moisés jiwenitian Moisin Diosun jancha yudabu yusinkin taewadiama jawen yunua keskawen chakabui yudabu ibubis mawakubainibukiaki, Adán keskakin Dios ninkama inun chakabu betsa betsapa wakubainidan. Ja dukun juni Adán Diosun damiwaniki. Jatun chakabuwaniken janua juni betsa pepa Adán binua ja kachu jau juxanun Diosun yubani juxun jatun jiweti bai bena nuku waxuniki.

Romanos 5:14 ပူးပေါင်းရင်းမြစ်များ

Gênesis 19:25

mae inũ napãpa inũ yurabu inũ inabu inũ mibã dasibi yamawanikiaki, hatu menukĩ keyukinã.

Gênesis 4:8

ha nĩkabiashina txipu shaba betsatiã Caimnẽ hawẽ betsa Abel yuikĩ: —Unu kayunuwe— abaina habe ka bai anu hikishũ Caimnẽ hawẽ betsa kushakĩ tenãkẽ

Gênesis 7:22

dasibi hamapai sharabu habu huĩsinamisbu mai anu hiweabu mawai keyunibukiaki.

Êxodo 1:22

Ana hawawẽ hatu nematima Egito shanẽ ibu Faraónẽ hawenabu dasibi yunukĩ: —Hebreu huni bakebu tibi kaĩyaĩ hatu mebĩtã nukũ hene anu pukukubaĩkãwẽ, hakia hatũ aĩbu bakebu besti kaĩyaĩ ha hatu heneshũkubaĩkãwẽ, hau hiwenũbunã— hatu wa haska hatũ shanẽ ibũ ma hatu yunua akĩ taewabainaibũ

Êxodo 1:6

Ha dukũ Jacó mawaimakẽ txipu José inũ hawẽ betsabu inũ hati Jacóbe Egito anu hikiniburi mawakubainaibũ

Jonas 4:11

Hamẽ earã, eskawẽ ẽ nuiaii. 120.000 yura hiweabu hawẽ mekẽ yusiuri inũ hawẽ mekẽ yusmauri haratura hawa unãriabuma inũ inabu mirimahaira hayawẽ taeshũ mia binui ha maewã ewapahaira Nínive anu hiweabuwẽ eari ẽ nuihairakunikainaii— anikiaki, Deusunã.

Romanos 5:12

Mai anua ha huni bestitxai ha dukũ Deusũ damiwashũ nemabiabaina nĩkama txakabu hikimakĩ tateskĩ taewakẽ hawẽ taea hau mawashanũ Adão anibuai Deusũ kupikĩ nemama inikiaki. Haska wanikẽ yurabu dasibi Adão keskariai Deus nĩkama kanemisbuwẽ taea anibui inũ yushabui mawariakubaĩmisbuki, Adão ini txibaĩnã.

Romanos 5:17

Hanua Adão huni bestitxaitũ kanekĩ txakabuwaniwẽ taea habiaskariai yura dasibi mawariakubaĩmisburã, txanimaki. Hakia Deus nuikipatũ Jesus Cristo huni bestitxai nuku hamẽ inãkuĩni habũ nũ ikũwaĩbu duawakĩ Deusũ nuku pepabu waya hawara Jesus Cristõ nuku ashũkĩ binumaniwẽ taeshũ hiwea bena bitã ha huni betsa Cristõnã, dasibiburi merabewakĩ hatu binumashuniki.

Romanos 5:21

Txakabu hikinishũ ha shanẽ ibukĩ yurabu tenãkubaĩmiski. Haska keskariai Deus shanẽ ibukinã, hawẽ nuikipawẽ hawẽ bake Jesus Cristowẽ taeshũ hawenabu nuku wakĩ: “Ha enaburã, pepabuki”, ikĩ nuku hiwekuĩmaikiki.

Romanos 8:20

Hatiãra haskashanai unãma mai hirabi anu Deusũ damiwani bika tenei itimaskakanikiki. Haskairã, hatũ txakabuwẽ ikabumaki. Hakia haska Deusũ xinãni habu damiwanibu unãmakẽ haska Deus yubakani keska hatu ashũshanikiki. Dasibi mai hirabi Deusũ hatu damiwani

Romanos 8:22

Haska inũ, dasibi Deusũ hatu damiwani txakabuwẽ taea hamapai betsa betsapa tenekubaĩkanikiki, hawara isĩ teneai hau Deusũ merabewakĩ hatu nemashũshanũ manakayuirã, haska aĩbu bake kaĩkatsi isĩ betsabu tenei tsekerẽ imis keskairã.

1 Coríntios 15:22

Adão ini keskariai yurabu dasibi mawashãkanikiki. Hakia Cristo bestẽtã ana hiwenikẽ haska keskariai yurabu ikũwaĩ ana bestẽtã hiweriashãkanikiki.

1 Coríntios 15:45

Deusũ yunua Moisés kenekĩ: “Huni wakĩ taewakĩ Adão damiwatã Deusũ hiwemaniki”, aniki, Moisésnã. Hamẽ Cristõ yura Adão keskari bia nuku mawashũkĩ hiwekuĩa Deusbe niti ikama hawẽ Yushĩwẽ hiweti nuku washuniki.

Hebreus 9:27

Yurabu dasibi besti wai mawamiskẽ hanushũ txipu Deusũ hatu unãti washanikiki.