Romanos 2:29 - Kaxinawá Bíblia (BR)

²⁹ Hakia judeubu kayabitunã, uke merã hawẽ xinãwẽ Deus txibãmisbuki. Deusũ Yushĩ Pepawẽ hatu kaya wakĩ pewakubaĩmiski, hawenabu kayabi wakinã, bemakis besti hawẽ yunuti txibãkĩ hatũ hina kubitxi meshtekea bestiwẽmarã. Tsuara haskaburã, Deusũ hatu uke merã unaĩkiki, bemakis hunibũ uĩaĩ keskamarã.

Kashinawa : Diosun Jesúswen taexun yuba bena yiniki

²⁹ Jakia judiobu kayabitunan, uke medan jawen shinanwen Dios chibanmisbuki. Diosun Yushin Pepawen jatu kaya wakin pewakubainmiski, jawenabu kayabi wakinan, bemakis besti jawen yunuti chibankin jatun jina kubichi mextekea bestiwenmadan. Tsuanda jaskabudan, Diosun jatu uke medan unainkiki, bemakis junibun uiain keskamadan.

Romanos 2:29 ပူးပေါင်းရင်းမြစ်များ

Lucas 11:39

Jesusũ yuikĩ: —Fariseubũ mã xinãmiskiri mia yuinũ nĩkawe. Matũ beya txibãkĩ matũ kẽtxa tibi bemakis besti datxukĩ mã napã pewamisbuki. Hakia yumetsukĩ hamapai txakabuwatã uke meranua matũ xinã mã pewaisbumaki.

Lucas 17:21

Ha inũ, tsuãra yuikĩ: “Uĩwẽ. Deus shanẽ ibui naki”, ikasmai: “Uĩwẽ. Unuki”, ikĩ yuiama ishãkanikiki. Ikũ ẽ matu yuiaii. Deus shanẽ ibuirã, ikis matube dasia niaki, taeirã— hatu watã

João 12:43

Jesus xinãbiakĩ hawenabu kẽwãmayukatsis ikĩ Deuskiri beshmas kẽwãkĩ dateyabi xinãkinã.

João 4:23

Deusrã, yushĩki, yura kayabimarã. Haska inũ, hawẽ Yushĩ Pepatũ hatu merabewakĩ xinãmaya Deusũ yuini txanima unãkĩ ikũwã kayabishanaibũ Epa Deus duawakĩ kẽwãshãkanikiki, benimawakinã. Haskawẽ taea na habiatiã ma haska Deusũ abuai txanima mã kẽwãkĩ taewashanai ma taeikiki, Epa Deusũ hawẽ Yushĩ Pepatũ merabewayarã— aka

João 5:44

Haska inũ, matũmebi ibubis mã yurabu kẽwãma bestikatsis imiski, ha besti Deus hatu kẽwãmamarã. Haskawẽ taeshũ mã ea ikũwãtirubumaki.

Romanos 14:17

Deus shanẽ ibuai nũ ikũwaĩburã, hawara nũ pikatsis ikai inũ, hawara nushuti nũ akatsis ikai xinaĩ hawẽ nuitimaki. Hakia nukuwẽ Deus shanẽ ibuairã, hawẽ Yushĩ Pepatũ haska abuai nuku kanemakatsi ikama inũ, nuku unãnuma hiwemai inũ, nuku xinã txãkãwãkĩ benimawakĩ nuku hiwemaikiki.

Romanos 2:27

Haska inũ, hawara Deusũ yusĩni mã judeubu hayabiabũ ha nĩkabiakĩ txibãma mã kaneaibũ hanushũ judeubumã hatũ hina kubitxi meshtekeumabia Deusũ yusĩni haya keskakĩ hawara Deusũ abuai txibãkubaĩmisshũ matu binuhairatã matu habũ unãti washanikiki.

Romanos 3:1

Haskawẽ taeshũ judeu hatiritũ ea yukakĩ: “Dasibi Deusũ yusĩni judeubũ nũ unãkĩ txibaĩwẽ taeshũ Deus benimawakĩ judeubuma nũ hatu binuamẽ?” ea wamisbuki.

Romanos 7:6

Hakia ma nũ Cristo ikũwaĩbu nũ ma habe mawa keskakẽ ha dukũ Moisés Deusũ hawẽ yunuti inũ nemati kenemaniwẽ nuku ana yunuamaki. Hakia natiã ana kene sheni ana paema nũ txibãmakẽ Yushĩ Pepa kuxipatũ besti nuku yusĩkĩ nuku pe mekekubainikiki, bai bena nuku txibãmakinã.

1 Coríntios 4:5

Hanu unãtiwati iriamabiakẽ matũmebi nuku tibi unãti wakĩ ha akĩ nuku txiteyamakubaĩkãwẽ. Hanu nukũ Shanẽ Ibu huaitiã mananãkãwẽ. Hatũ besti dasibi hune nũ amis shabakabi tashnimashanikiki, na haska huĩti merã nũ haya nuku bepẽshũ uĩmakinã. Hanushũ Deusũ nukũ daya unãkĩ betsa kẽhairawakĩ betsa beshmas kẽwãkĩ ikũwaĩbu tibi Deusũ kẽwãkeakeshanikiki, manakukinã.

1 Coríntios 7:19

Judeubũ beya txibãkĩ nũ hina kubitxi meshtemis inũ judeubũ beya txibãmarã, nũ haskai hiwekĩ Deus benimawatirumaki. Hakia Deusũ hãtxa besti txibãkĩ nũ Deus benimawatirubuki.

2 Coríntios 10:18

Hanua ibubis hawẽ xinãnẽ besti hamẽmẽ keaĩnã, Deusũ abuama hume humepamiski. Hakia tsuara ha nukũ Shanẽ Ibukiri pe hãtxairã, hakiri pe xinãkĩ kẽwãmiski.

2 Coríntios 3:6

Jesus Cristo mawaiwẽ Deusũ hawẽ nuku yuba bena wai maewakinã, ana hakiri kenewẽ akama iniki. Hakia ha binumakĩ hawẽ Yushĩ Pepawẽ aniki. Haskawẽ taeshũ tsuabura Deusũ hawẽ taeshũ nuku tapĩma nũ hawẽ dayarubu besti nuku wamiski. Hamẽ Moisés Deusũ yusĩkĩ hawẽ yunuti inũ hawẽ nemati inãkinã, tsuãra ha yuba meneamakẽ hawẽ hatu kupikatsi amaniki. Hakia Deusũ Yushĩ Pepatunã, nuku haska wama ha binumakĩ hawẽ yuba benawẽ nuku hiwea inãkubainikiki, nũ habe hiwepakeshanũbunã.

Filipenses 3:3

Haska nũ yunu kayabiaiburã, nũ nukuki, nũ habũ Deus kẽ kayabi waiburã. Jesus Cristõ ma nuku pewashuniwẽ taeshũ Deusũ Yushĩ Pepatũ nuku kuxipa wakĩ merabewaya hawara nukũmebi nukũ yura anua hina kubitxi bemakisa nũ meshtemis keskawẽ nũ kẽtirubumaki.

1 Tesalonicenses 2:4

Hakia Deusũ nuku unãti watã yuikĩ: “Huni pepabuki”, itã xinãkĩ hau hawẽ kakape nũ yuikubaĩshanũ nuku yununi nũ matu yui hãtxakũkainaii. Deusũ besti nukũ huĩti unãmiswẽ taeshũ Deus besti nũ benimawakatsis ikaii, yurabu benimawatiwẽ nuiamarã.

1 Pedro 3:4

Hakia haskai bemakis bestima matũ huĩti uke merã matũ xinã duapa betsaisma haska matũ yushĩ ha pepa hawẽrua duapai huĩti pepaya mã kũyã ismakenã, haskawẽ hawẽruati Deusũ abumisrã, keyuismaki.

1 Samuel 16:7

hakia Senhor Deusũ Samuelĩ shinã uĩkĩ yuikĩ: “Haskamaki. Hawẽ yura hawẽrua keyatapa shua uĩyamawe, ẽ ma haska danainã. Hunibũ bemakis hatu uĩmisbu keska wakĩ miãri bemakis uĩyamawe. Hakia eã uĩkinã, hatũ huĩti merã pe besti shinaĩbu ẽ unãti wamiski”, aka