Romanos 1:29 - Kaxinawá Bíblia (BR)

²⁹ Eska tibi matawaibuwẽ taeshunã, hawẽ atimapaiburã, txutanametxakaiburã, yauxiaiburã, ha pewẽ hiweama txakabuwẽ hiweairã, betsabu hatũ hawara hayawẽ hatuki sinataiburã, yura betsa tenaĩburã, detenameaiburã, txani txakabaunaiburã, beparameaiburã, yuãnanaĩburã, haskai hiweabuki.

Kashinawa : Diosun Jesúswen taexun yuba bena yiniki

²⁹ Eska tibi matawaibuwen taexunan, jawen atimapaibudan, chutanamechakaibudan, yaushiaibudan, ja pewen jiweama chakabuwen jiweaidan, betsabu jatun jawada jayawen jatuki sinataibudan, yuda betsa tenainbudan, detenameaibudan, chani chakabaunaibudan, bepadameaibudan, yuananainbudan, jaskai jiweabuki.

Romanos 1:29 ပူးပေါင်းရင်းမြစ်များ

Provérbios 16:28

Huni atimapa hawẽ hãtxa txakabuwẽ ha imisbuki. Txani yui yuananãkĩ hatu sinatamamisbuki, hawẽ haibube hatu sinatanamemakinã.

Mateus 5:32

Hanua huni betsã hawẽ aĩ huni betsabe txutanameamabiakẽ henekatsis ikĩ hawẽ aĩ hawamabiakẽ henebainarã, hanua aĩbu haska xinãmabiakẽ ha hunĩ ma putabaina hanushũ ha hunĩ txakabuwẽ taea hanu aĩbu hawẽ benẽ txakabumaikiki, bene betsa benatikiri xinãmakinã. Hanu aĩbu hawẽ benẽ ma henebainima huni betsã ha aĩbu habe biakanãtã habe txutanamei pebiairã, huni betsã aĩbe txutanamei keskaikiki.

Romanos 3:10

Ha haskakiri hatunabukiri Deusũ hãtxa yuishunikatũ habukiri yuikĩ: “Mai hirabi anu yura bestitxaitũ Deus haibu wanũ ishũ benamis hayamaki, tsua nũ bestitxai kaneisma pepa hayamarã. Tsua unãnepamaki. Tsuã Deuskiri tapĩkatsi ikamaki. Dasibibu bai txakabuwẽ buirã, txakabui atimapai hiweabuki. Tsuã pepahaira aki hiweamaki. Tsua yura bestitxai pepa nũ betxitirumaki.

2 Coríntios 12:20

Ha inũ, tsuabũra ẽ hãtxa mã habũ danaĩ mã haskarara ẽ matu uĩ kashanai inũ, matũri haskarara mã ea uĩshanai matuwẽ ẽ dateaii, eska mã hiweamẽkaĩ ikarã, mã danãnanãbukuaĩwẽ inũ, huni betsa ikaiwẽ uĩ mã hatuki sinatamiswẽ inũ, mã pubeaĩwẽ inũ, mã ibubis keĩ binũnãnaĩwẽ inũ, hune mã yuãnanaĩwẽ inũ, mã shabakabi txitenamemiswẽ inũ, “Eã besti ẽ hatu binuaki”, mã ikaiwẽ inũ, mã merabenameismawenã.

1 Timóteo 3:11

Habiaskari wakĩ aĩbuaiburi merabewanika katukatsis ikinã, hakiri pe xinaĩ haki kasheisbuma inũ, hatũ txani tuekĩ hatu nĩkamaisma inũ, patapai kasheisbuma inũ, dasibi hawẽ pepa hatu uĩmakubaĩmisrã, haska keskabu besti akubaĩkãwẽ, katukinã.

Tito 3:3

Nukurã, habiaskari hatu itsari nukũ xinã betsa wariama hiweshũ Deus txibã pewama benua keska nishũ hamapai betsa betsapa mei kemui txakabũ dayarui nũ mapupaunibuki. Haskai hiwea txakabui betsa hawara haya uĩ haska hayatima hawẽ kemui hatuki sinatai inũ abunameama hatu danaĩ inũ betsabube danãnanaĩnã.