Habacuque 2:15 - Kaxinawá Bíblia (BR)15 Matu dapi hiwebaunabu uva vinho dau betsa kapãtã hatu amakĩ mã hatu paẽwã tariuma habũ hatu uĩmakĩ hatu dakewamisbuki. Mã habũ hatu paẽwãmis mã peirashãkãwã! အခန်းကိုကြည့်ပါ။ |
Betsabu ikirã, vinhowẽ paeã ni peama keshka keshka iki hanua shia paepa aki hawẽri paẽhairai berame berame iki di imisbuki. Habu hawenabu Deusbe hãtxashunikabu inũ Deusũ hãtxa yuishunikabũ ha shia paepa akawẽ taea ni peama keshka keshka iki inũ vinho aki paeãwẽ taea shinã pe watirubumaki. Nama keskakĩ habũ Deusũ yusiã uĩkĩ nĩkabiatã pe shinãtirubumaki. Paẽtã hatu unãti wakĩ haratu pe inũ haratu txakabumẽ, ishũ hatu unãtirubumaki.
Ha inũ, mai pakea tibi anua bea hawẽ hamapai tibi kemu pae hawẽruawẽ kemui habe txutanamei keskaibu inũ, shanẽ ibu kuxipa betsa betsapa tibiri txai hiwea mirimabũ Babilôniabe atiai keskai habe yubakamisbuki. Ha inũ, ha mabu inãnanãmisbu mai hirabi anuari bea hanua mabuwãyaĩ habũ mabu inãkĩ pei mirima bimisbuki”, ikaya