Deuteronômio 18:20 - Kaxinawá Bíblia (BR)

²⁰ Hakia tsuabura ẽ kenawẽ hãtxabiakĩ hawara ẽ ha yuiama hawẽ shinanẽ besti matu yuiaibu inũ yushĩ betsã kenawẽ hãtxakĩ matu yuiriaibu hatu nĩkama tenãshãkãwẽ’, akĩ Senhor Deusũ ea yuiniki.

Deuteronômio 18:20 ပူးပေါင်းရင်းမြစ်များ

1 Reis 18:19

Nukunabu Israelĩ enabu hunibu dasibi inũ ha habu 450 Baalĩ hãtxa yuishunikabu inũ 400 Aserá hãtxa yuishunikabu habu mĩ aĩ Jezabelĩ mekekĩ pimakubaĩmis Mati Carmelo anu hau hatu itxawanũbũ hatu yunuritãwẽ, ikisrã— aka

1 Reis 18:27

ma bari mananãbikẽ Eliasĩ hatu kashewakĩ hui kushipawẽ hatu yuikĩ: —Matũ mekenika yushiburã, ana hui kushipawẽ nĩkamakãwẽ, daya betsa akĩ matu nĩkamamẽkainã. Haska inũ, pui kamẽkaĩ. Haskamarã, bai kamẽkaĩ. Haskamarã, ma ushamẽkaĩ. Datekĩ bestẽwãkãwẽ!— akĩ hatu kashewakĩ heneama yuikubainaya

1 Reis 18:40

hanushũ Eliasĩ hatu yuikĩ: —Baalĩ hãtxa yuishunikabu dasibi hatu atxikãwẽ, hau betsa pashayamanũbunã— hatu wa hawaira hatu atxiabu pashku netsu Quisom anu hatu matxi butemabaĩ Eliasĩ harishũ hatu yunua dasibi hatu tesẽ keyuabũ,

Jeremias 2:8

Matunabu ebe matu hãtxashunikabũ ea benabumaki. Moisĩ hãtxa una hayabia hawẽ ea unãbiakĩ yusinãbũ ea shinãbumaki. Matũ shanẽ ibubũ ẽ hãtxa betxipaiama ea danãkubainibuki. Ẽ hãtxa yuishunikabũ yushibu Baal hãtxashũkubainibuki. Yushibu dami tibi hawa merabewatirubumahaira hamẽ kẽwãkubainibuki”, ikĩ

Jeremias 26:11

Jeremias hatu bebũ iweshũ ha shanẽ ibubu inũ yurã kaiã dasibi itxabu hatu nĩkamakĩ hawenabu Deusbe hãtxashunikabu inũ Deusũ hãtxa yuishunika txakabubũ hatu yuikĩ: “Na huninã, nukũ maewã atimapa washanaibukiri txanitxakashuwẽ taeshũ hatu yunukãwẽ, hau tenanũbunã, haskai dasibibũ ma nũ nĩkakãshuwẽ taeshunã”, akaibũ

Mateus 7:15

—Ha inũ, betsarã, ha parananãmisbu pepa keskakĩ Deuskiri yusĩbiakĩ hawẽ huĩti inu pubẽ keskã txani hãtxa matu yusĩaĩbu ana nĩkama hatu uĩrakubaĩkãwẽ.

Deuteronômio 18:21

Haska ẽ matu yuiaya matũ huĩti merã shinãkĩ: ‘Tsuãra Senhor Deusũ hãtxa yuiairã, haskatã nũ unãtirumẽ?’ mã itiruki. Matu yuinũ ea nĩkakãwẽ.

Deuteronômio 18:22

Senhor Deusũ kenawẽ hãtxakĩ matu yuibiabu haska yuiai hawa kaiãmakẽ Senhor Deusũ hatu yunuamaki. Hakia kanekĩ hatu kẽwãmanũ ika hatũ shinanẽ besti matu yuiaibu hatũ hãtxa nĩkama hatuki dateyamakubaĩshãkãwẽ”, akĩ hawenabu Moisĩ yusinikiaki.

2 Pedro 2:12

Ha hunibu parananãmisburã, hawa nĩkati kayabi hayabumaki, yuinakapã xinãyã keskaburã. Yuinakarã, txanima hawẽ nĩkatinĩs hiweabuki, tsuãra atxishũ deteshũ pimisbu inũ pisbumarã. Ha parananãmisbu haska keskabuki. Deusũ bai kayatapiakiri unã pewamabia hakiri hãtxatxakamisbuki. Hakia haskabu mawairã, yuinaka deteabu imis keskashãkanikiki.

Apocalipse 19:20

ha parã hãtxa yuishunikatũ yuinaka mesẽ besuuri atimaska betsa betsapa tsuã atiruma wakĩ habu yuinaka mese atimapahairatũ kena habu hẽ iyamama inũ hawẽ dami kẽwãmisbu hatu parãmiswẽ taeshũ parã hãtxa yuishunika Shanẽ Ibu binuatũ tsumabũ atxikĩ yuinaka mese atimapahaira habe atxitã nĩkaibu hanu iã enxofre paxinipa menui here hi hi ikai anu ha dabe hatu putabu

Juízes 2:15

Hanua hatube detenameaibutiã bestikima habu hatu kupimakĩ itxakawamakubainikiaki, haska Senhor Deus hatube bebũkiri yubakaima hatu ana merabewamarã. Senhor Deusũ Israelĩ enabu hatu nuitapawabiakĩ