2 Reis 6:23 - Kaxinawá Bíblia (BR)

²³ piti pepa inũ mabesh pepa itxapa aĩbuaibũ bawabu hatu inãkubaunabu, pikĩ mabesh akĩ keyuabu, Israelĩ enabu shanẽ ibuhairatũ unanuma hatu nitxiã, hatũ mae Síria nawa shanẽ ibuhaira anu txĩtũbainaibũ haska wakĩ Israelĩ enabu Síria nawabũ hatu date date atã hatũ mai pakea ibuwakubaĩmisbu hatu heneyubainibukiaki.

2 Reis 6:23 ပူးပေါင်းရင်းမြစ်များ

2 Reis 24:2

haskashanaibukiri Deusũ tsumabu hawẽ hãtxa yuishunikabu hatu hãtxamakĩ haska washanai Senhor Deusũ bebũkiri hatu banabimaniwẽ taeshũ Judá enabũ mai pakea itxakawakĩ txakabuwakubainũbũ Caldéiau nawa yumetsubu inũ, Síria nawa yumetsubu inũ, Moabe nawa yumetsubu inũ, Amom nawa yumetsubu shanẽ ibuhaira Jeoaquim anu Senhor Deusũ hatu yunukubainaya

2 Reis 5:2

Ano betsatiã Síria nawabu yumetsui bushũ Israelĩ enabu mai pakea anushũ hatu mese mese watã hatũ mabu inũ aĩbu txipash yumetsubaĩkĩ iyuyamabu ha txipash Naamãnẽ ainẽ dayaru escravo wayama

Salmos 46:10

“Ea kẽwãkĩ ea unãti wakãwẽ!” Earã, ẽ Senhor Deuski! Hiwebaunabu mamaki ẽ ea hiweaki! Mai hirabi mamaki ẽ niaki!

Mateus 5:47

Ha inũ, ikũwaĩ betsabu betxitã habube besti hãtxakĩ yura betsabu danaĩ ikũwãbuma habiaskariamisbuwẽ taeshũ pepakĩ mã hatu binuamaki.

Lucas 6:35

Hakia pepakatsis ikirã, eskatiki. Matuki sinataibuwẽ nuikĩ hatu duawãkĩ matũ pepa hatu uĩmakubaĩkãwẽ. Haskawẽ taeshũ tsuabũra mĩ hamapai biwãxĩshũ mia ana beshũmisbu besti ana ha xinãma mia yane beshuĩsbumari hatu inãriakĩ yura dasibibu hatu duawakubaĩshãkãwẽ. Haska wakĩ mã hatu binumamiskẽ matũ pepawẽ Deus dasibi binuatũ matu manakushanikiki, hawẽ bakebu matu wakinã. Hanũkaĩ habũ Deus kẽwaĩsbuma inũ huni txakabububiakẽ betsa betsapa inãkĩ Deusũ hatu duawamiswẽ taea