2 Reis 6:17 - Kaxinawá Bíblia (BR)

¹⁷ Eliseũ Senhor Deus ea akĩ yuikĩ: “Hau hatu uinũ ẽ dayarũ beru betsa watã uĩmawe”, atã “Senhor Deusuũ, haska ẽ mia ea akaii”, aka Senhor Deusũ hawẽ beru bepeshkĩ pewashuna, txi keska katsaumeabu itxapahaira inũ txi keska cavalõ tarãbaĩtiki mapuabu itxapahairari mati anu Eliseũ hiwe keshekĩ keyubaunabu hawẽ dayarũ uĩbaunaya

2 Reis 6:17 ပူးပေါင်းရင်းမြစ်များ

Gênesis 21:19

hanua Deusũ Agar ũpash inãkĩ txatxa uĩma kashũ bikĩ bitxi bishtuki txatxa ũpash mata washũtã hawẽ bake amanikiaki.

Gênesis 32:1

Hanua hawẽ ibuã hiwe anu ana kai txĩtũkaini bai tanabainaya Deusũ nai tsumabu Jacóki nukuaibu

Gênesis 32:2

hatu uĩkĩ yuikĩ: “Narã Deus dayashunikabu kushipabuki”, atã “Haskawẽ taea na mae kena ‘Maanaimki’ ”, anikiaki.

Gênesis 32:3

Hanushũ mae Seir anu Edom mai pakea anu hawẽ betsa Esaúki ma huaikiri hau kaka bushũtanũbũ Jacó hawẽ tsumabu eskarabe yunukĩ

2 Reis 2:11

bai tanabaini habe hãtxa dabekubainaibũ hawaira hawẽ tarãbaĩti txi inũ cavalo dabeya txiya tashnibirãkĩ hatu pashkarabebaini niwe kushipa shubi shubi ibaĩkĩ Elias nai anu ainibainaya

Salmos 34:7

Tsuabũra Senhor Deuskiri pe hãtxakĩ kẽwãkubainaiburã, hawẽ nai tsumã hatu keshe pewashũ hatu piskumamiski.

Salmos 91:11

Deusũ hawẽ nai tsumabu mia anu yunushanikiki, habuã hanira mĩ kai hau mia mekekubainũbunã.

Salmos 91:15

Hatũ ea kenaya ẽ kemashanaii. Ea kayabis ẽ habes ishanaii. Hawara bika teneai binumatã betxipaihairakĩ duawakĩ yurabu ẽ kẽwãmashanaii.

Isaías 42:7

Haska wakĩ beshushbu mĩ hatu uĩmashanaii. Bitxiti hiwe merã hatu bitxiyamabu mĩ hatu tashnimashanaii, tsuabura meshu anu hiwea keska hatu tashnima keska wakinã.

Números 22:31

hanushũ Senhor Deusũ Balaão beru betsa watã uĩmaya hawẽ matxatu kenu dabeya txaipa sanã bai namaki Senhor Deusũ nai tsuma kushipa nia Balaãonẽri uĩ datehairai dãti iki maĩ beti ikẽ

Mateus 26:53

Na ea eska waibu ẽ Epã hau ea merabewanũ ẽ yukaya samama hawẽ nai tsumabu 12.000 ea merabewamai hawaira niri ibirã ea ashũtirubu mĩ unãmamẽ?

Hechos 26:18

Habu anu ẽ mia yunua kashũ hatu xinã betsa wamakĩ hau unaĩsmapakĩ Satanás ana txibãyamanũbũ ẽ Epa Deusũ hãtxa mĩ hatu yusĩkubaunũ judeubuma betsa betsapabu anu ẽ mia yunuaii. Harishũ hatu beru bepesha keska watã ana mexu merã kama keska hakia bĩwẽ kai keskaibu mĩ hatu waya hatiritũ ea ikũwaĩbũ hatũ txakabu ẽ hatu buashunaya Deusũ hatu hiwekuĩmashanikiki, hawa hatu kupiamarã, hawenabu meribi wakinã”, ea waniki.

Efésios 1:18

Deus matu yukashũkinã, Deusũ hau matũ xinã hunemawatã shabakabi nĩkamakĩ manakamanũ inũ, hau tsuabura hawenabu kayabi katutã hawẽ pepawẽ duahairawakĩ matu unãmashanũ ẽ matu yukashũmiski.

Hebreus 1:14

Ha inũ, Deusũ hawenabu kayabi habũ hiwea ikibi ika bitã nũ pashashanaibu nuku yauxikĩ hawẽ nai tsumabũ hau nuku mekekubainũbũ Epa Deusũ hatu yunukubaĩmiski. Dasibi Deusũ nai tsumaburã, yushĩki, habũ Deusũ daya ashũmisburã.

Apocalipse 19:11

Hanua nai bepemanaya shanẽ ibu hawẽ kena Txanima Hãtxa Kaneisma cavalo hushupaki katsauwa ẽ uĩshu matu yuinũ nĩkakãwẽ. Shanẽ Ibu pepatũ yurabu unãti wai hatube detenamẽnũ ika ikairã,

Apocalipse 19:14

Ha inũ, hawẽ soldadobu nai anua tima tari hushupa pehaira hawa detsisma saweari cavalo hushupabuki katsaumea hatxũ kaĩbaĩkĩ hatũ Shanẽ Ibu txibãbaĩkanikiki.

Apocalipse 3:7

Ana Jesusũ ea yuikĩ: “Hatũ Deusũ hãtxa yuinika Filadélfia anu itxamisbu mekea na hãtxa ẽ mia yuiai keneshũriwe: ‘Ea ẽ meribi inũ ẽ txanimahaira Davi kuxipa ini keska binua hawẽ bepẽti chave ẽ hayaki. Tsuãra ha mae bepeã tsuã beputiruma inũ ha mae bepua tsuã bepẽtirumaki. Haska mekeatũ ẽ matu yuiaii.