2 Reis 25:5 - Kaxinawá Bíblia (BR)

⁵ hakia Caldéiau nawabu detenamenikabũ shanẽ ibuhaira Zedequias hunei kai betxitã txibaĩ kushiriabaĩ Zedequiasĩ detenamenikabu dasibibũ hatũ shanẽ ibu hene keyubaini pashaibũ Jericó napãpa anu haki nukutã

2 Reis 25:5 ပူးပေါင်းရင်းမြစ်များ

2 Reis 25:4

Caldéiau nawa detenamenikabũ hatu detekatsi ikĩ hatiritũ hatu keshebaunabũ hatiritũ mae mishki kenebaunibu anu hikinũ ishũ kini wakĩ shui watã hikiaibũ habiatiãri Zedequias inũ hawẽ detenamenikabu dasibi pashai kene dabe namakis anu shui betsa beputiya bepẽtã meshu merã shanẽ ibũ bai hanu hua pepa hawẽrua banamisbu baiwẽ Caldéiau nawabũ uĩbiaibũ hune hatu dũkebaini Hene Jordão napãpakiri bai kãwẽ kushibaini pashaibũ

2 Reis 25:6

Caldéiau nawabũ Zedequias atxitã mai pakea Hamate anu mae betsa Ribla anu Babilônia shanẽ ibuhaira anu iyuabu hanushũ hawẽ kupiti Nabucodonosorĩ Zedequias yuitã

Isaías 30:16

Haska shinãma hãtxakĩ yuikĩ: “Nenua ẽ haskakatsi ikamaki. Cavaloki katsaumetã ẽ pashai kaii”, mã ikaya Peki. Txanima haskai mã pashatirubuki. Ana matũ yuikĩ: “Cavalõ tarãbaĩtiki tsautã nũ kushimabaĩshanaii”, mã ikaya Peki. Txanima mã kushikaini pashayarã, haburi kushibaĩkĩ matu txibãshãkanikiki.

Jeremias 39:5

hakia Zedequias hune kainai Caldéia nawabũ betxitã txibaĩ kushiriabaini Jericó napãpa anu haki nukutã Zedequias atxitã mai pakea Hamate anu mae betsa Ribla anu Babilônia shanẽ ibuhaira anu iyuabu hanushũ hawẽ kupiti Nabucodonosorĩ Zedequias yuitã habianushũri Zedequiasĩ berubi hawẽ huni bakebu inũ Judá enabu shanẽ ibubũ enabu dasibi hau tesẽ keyunũbũ Nabucodonosorĩ hatu yunua hatu tesẽ keyutã