2 Reis 22:14 - Kaxinawá Bíblia (BR)

¹⁴ Deusbe hawenabu hãtxashunika Hilquias inũ, Aicão inũ, Acbor inũ, Safã inũ, Asaíasĩ yukai bui Deusũ hãtxa yuishunika aĩbu hawẽ kena Hulda anu bunibukiaki. Hawẽ benẽ kenarã, Salum inikiaki. Hawẽ eparã, Ticva inikiaki. Hawẽ hutxirã, Harás inikiaki. Salumnẽ Senhor Deus kẽwãti hiwe anushũ Deusbe hawenabu hãtxashunikabũ hatũ tari mekekubaĩmistũ Jerusalém maewã bekesh betsa bena anu Hulda hiwea anu hikishũ haska shanẽ ibu Josiasĩ hatu yunua yuiabu

2 Reis 22:14 ပူးပေါင်းရင်းမြစ်များ

2 Reis 22:15

Deusũ hãtxa hatu yuishũkĩ Huldã hatu yuikĩ: —Israelĩ enabu mekenika Senhor Deusũ kemati hãtxa nĩkakãwẽ: “Txanima haska mã ea yukayushurã, hau mã ea yukayunũ hatũ matu yunushu ẽ hãtxa eska yuiritãkãwẽ. Haska txanima ẽ yuini hawẽ kupiti ishanai unaki kenenibu Judá enabu shanẽ ibũ yuishu keska wakĩ ẽ matu ashanaii, na mae anu yurabu hiweabu kupikĩ txakabuhaira wakinã, haska ẽ txanini yuikĩ nĩkashu keskarã.

Êxodo 15:20

hanua Miriãnẽ Deus kẽwaĩ hakiri hãtxashũmis Arãonẽ pui hawẽ mimawati bitxi turu tũ tũ atiya kai aĩbuaibu dasibi bitxi tũ tũ atiyabũri Miriã txibaĩ nawakubainaibũ

Jeremias 39:14

shanẽ ibũ hiwe mekenikabũ hemaĩtĩ kenebaunibu anua Jeremias hau tashnimanũbũ hatu yunuabu bushũ Jeremias kaĩmatã iweabu hawẽ hiwe anu iyushũ hau mekekubaĩshanũ Safãnẽ baba Aicãonẽ huni bake Gedalias yunuabu hawẽ hiwe anu Gedaliasĩ Jeremias iyuimashũ mekekubainaya yurã kaiã hawauma nuitapaibube Jeremias hiweyunikaki.

Miquéias 6:4

Egito nawabũ hatu itxakawaibu hatu dayama txakayamai nemakĩ Egito mai pakea anua hau habũ hatu iyukubainũbũ Moisés inũ hawẽ betsa Arão inũ hawẽ pui Miriã eã ẽ hatu yunua matũ shenipabu hatu iyumakĩ eã ẽ hatu tashnimabiraniki.

Lucas 2:36

Hamẽ betsarã, Israelĩ bake Aserĩ baba betsakiri mia yuinũ nĩkawe. Fanuelĩ aĩbu bake Ana txipax beneyaima sete bari besti habe hiwea hawẽ bene mawanikẽ hanua beneuma 84 bari hiwekũkaini Deusũ hawẽ hãtxa yunua hawenabu hatu yuishũmis Deuski mesei samakekĩ hau hawenabu merabewanũ ika hawẽ kẽwãti Templo hemaĩtĩ anua kaĩama hatu Deus yukashũkubaĩmis

Hechos 21:9

hawẽ aĩbu bake dabe inũ dabe beneyariabumã Deusũ hãtxa hatu yuiriakubainaibũ

1 Coríntios 11:5

Hakia aĩbu betsãri hawẽ bushka mayabukuama Deusbe hãtxai kasmai Deusũ hãtxa hatu yusĩkinã, hawẽ bene duawama itxakawariaikiki, hawẽ bu mashtekei keyua mãkua nia keskakinã.

Juízes 4:4

habiatiãri Israelĩ enabu itxakawakubainaibũ Lapidotẽ aĩ Débora, aĩbu unanepa Deusũ hãtxa yuishunikatũ hãtxa pepawẽ yusĩkĩ hatu merabewakubaini Jacó huni bake Efraimnẽ enabũ maiwã pakea mati matipa anu mae Ramá inũ mae betsa Betel namakis anu paniwã nia namã uta anu tsaua hatũ txakabu pewanũ ika beabu shanẽ ibukĩ Déborã hatu pepa yusĩpaunikiaki. Ma hanu tsaua beyani uĩmis shũ kenakĩ: “Déborã paniwãki”, apaunibukiaki.