2 Reis 21:24 - Kaxinawá Bíblia (BR)

²⁴ yurã kaianẽ hatũ shanẽ ibu tenãbu nĩkatã habũ akãshu atxitã haburi kupikĩ tenãtã hanushũ hau hatũ shanẽ ibuhaira ikũkainũ Amomnẽ huni bake Josias katunibukiaki.

2 Reis 21:24 ပူးပေါင်းရင်းမြစ်များ

2 Samuel 5:3

haska wakĩ Israelĩ enabu anibu unanepabu dasibi bushũ Hebrom anu shanẽ ibuhaira Davibe hãtxakĩ Senhor Deusũ hau hatu unãti wakubaĩshanũ Davi hatube yubakai taekĩ Israelĩ enabu dasibi Davi habũri shanẽ ibu iriakũkaĩshanũ anibu unanepabu dasibibũ hatũ shanẽ ibu wakĩ Davi katunibukiaki.

1 Reis 12:1

Shanẽ ibuhairanũ ika Siquém anu Roboão kakẽ Israelĩ enabu dasibi hari bushũ hatũ shanẽ ibu wakĩ katunibukiaki.

1 Reis 12:20

Egito anua Jeroboão ma txĩtuĩmakẽ Israel enabu dasibibũ unãtã ha shanẽ ibuhaira wakatsi ikĩ Jeroboão kenabu hua Israelĩ enabu dasibi itxabu anushũ shanẽ ibuhaira wakatsi katukĩ hatũ shanẽ ibuhaira wabu Davĩ enabu shanẽ ibuhaira Roboão tsuã ana nĩkakĩ txibãbumahairakẽ hakia Judá enabũ Davĩ baba Roboão nĩkakĩ habũ besti txibãkubainaibũ

2 Reis 21:25

Judá enabu shanẽ ibuhairabu ikubainaibukiri una betsa merã hatuki kenemisbu hawẽ daya betsa betsapa Amom hiweshũ akubainikiri hakiri kenenibu hayaki.

2 Reis 22:1

Josias 8 anobia shanẽ ibui taeni 31 ano Jerusalém anushũ hatu yunui shanẽ ibuhairakũkainikiaki. Hawẽ ewa Bozcate anua kaini hawẽ kenarã, Jedida inikiaki, Adaíasĩ bakerã.

Jeremias 1:2

Judá enabũ mai pakea anu Jerusalém anu Amomnẽ huni bake Josias shanẽ ibukũkaini ma 13 ano kainaitiã Senhor Deus Jeremiasbe hãtxai taeniki.

1 Samuel 11:15

nĩkatã dasibi Gilgal anu bui mapekei hikishũ Senhor Deuski nukuti tari hiwe bebũshũ dasibibũ yuikĩ: “Saul nukũ shanẽ ibu kushipahairaki”, atã hanushũ inabu tesẽshũ hawẽ nami bawashũ pi besi Saul inũ Israelĩ enabu dasibi Senhor Deus daewai habe haibunamei benimahairanibukiaki.