2 Reis 2:15 - Kaxinawá Bíblia (BR)

¹⁵ kesha betsauri Deusũ hãtxa yuishunikabu Jericó anu hiweabu haska hene tuash atã pukebirani Eliseu huai uĩkĩ yuikĩ: “Uĩkãwẽ! Eliasĩ yushĩ Eliseu mamaki ma butuaki”, iake iaketã haki nukunũ ika bui Eliseu bebũ maĩ di iki beutã

2 Reis 2:15 ပူးပေါင်းရင်းမြစ်များ

1 Reis 19:16

Ana kai Ninsĩ baba Jeúki nukushũ Acabẽ shãtukũ hau Israelĩ enabu shanẽ ibuhairashanũ sheni ininipa maukakĩ katuriatãwẽ. Ana kai mae betsa Abel-Meolá anu Safatẽ huni bake Eliseuki nukushũ mĩ shãtukũ hau ẽ hãtxa hatu yuishunika ishanũ sheni ininipa maukakĩ ea katushũriatãwẽ.

2 Reis 2:19

Jericó anu hiweabũ Eliseu yuikĩ: —Haska na mae anu nũ hiwea mĩ uiainã, hiwea peki. Haskabia nukũ ũpash txatxa habai txakabuki. Ũpash txakabuwẽ taea nukũ yunu benebiai hawẽ bimi mawaira ismaki, mai txakabuwẽ taearã. Haska watã mĩ nuku merabewatirumẽ?— akabu,

2 Reis 2:7

50 Deusũ hãtxa yuishunikabũ hatu txibaĩ hatu itxũ buaibũ ha dabe habu bebũ benãta mapushũ uiaĩbũ Hene Jordão kesha anu Elias inũ Eliseu nitã

2 Reis 4:37

aĩbu benimahairakĩ Eliseu anu dãti ishũ yuitã hawẽ bake itã kaĩkainikiaki.

2 Reis 5:22

Geazĩ kemakĩ yuikĩ: —Hawamaki. Hakia Efraimnẽ enabũ mati matipa anua Deusũ hãtxa yuishunika berunã dabe dama bei hikikãshu ẽ mia yuiyunũ ẽ tsumapã ea yunushuki. 3.000 prata pei heshe inũ 2 haya besiti tari hawẽrua mĩ hatu inãkuĩtirukiaki. Haska ẽ mia yukayushuki— aka

Isaías 11:2

Deusũ Yushĩ kushipa habe ketashametã putama eska wamakubaĩshanikiki. Ha huni Deusũ Yushinĩ merabewa haratu bai pepa inũ haratu bai txakabu unãmatiru wakĩ inũ, hawẽ unanepati inãkĩ inũ, hawẽ shinã bebũkiri pewanika inãkĩ inũ, kushipa inãkĩ inũ, Senhor Deuski mesetirubu unãmanika ishanikiki.

Amós 7:14

hakia Amósĩ kemakĩ yuikĩ: —Earã, ẽ Deusũ hãtxa yuishunikamaki. Ha inũ, ibubis ẽ haska yuitirumariki. Hakia earã, ẽ Deusũ hãtxa yuishunikatũ bakemariki. Hamẽ ha dayakĩ ẽ hamapai ẽ bimisrã, txashuwã mekekubaĩkĩ inũ figo ni meranua hawẽ bimi tsekakubaini ẽ hawẽ hiwekũkainimaki.

Números 27:20

Israelĩ enabu dasibibũ hau hawẽ hãtxa nĩkakubaĩshanũbũ mĩ hawẽ kushipakĩ yunumis inãriashãwẽ.

Hechos 1:8

Haska mã hawẽ unãtirurã, hawẽ Yushĩ Pepa matu anu huaya hawẽ kuxipa bitã Jerusalém anushũ inũ Judéia mai pakea inũ Samaria mai pakea ha dabe hirabi anushũ inũ txaihaira mai kesua anu hiwebaunabu anu bukubaũkĩ ekiri mã hatuki txanikũkaĩyushanaii— hatu wai

2 Coríntios 12:9

dabe inũ bestikiri ea yuikĩ: “Miwẽ nuikĩ ẽ mia duawamisrã, hatiwẽ besti mĩ benimatiruki. Isĩ tenei mĩ babubia mĩ ea dayashũkũkaĩkĩ ẽ kuxipa mĩ unãtiruki”, ea waniki. Haskakẽ yura babu haya Cristõ kuxipa hayakatsis iki haska emebi ẽ hawawatiruma ẽ hawẽ kẽtiruki.

Josué 3:7

hanushũ Senhor Deusũ Josué ana yuikĩ: “Minabu ẽ mia hatu kayati wamakĩ na habiatiã ẽ taewaii. Unuri mĩ shanẽ ibu kushipai ẽ mia ewawamabaĩkĩ hatu uĩmakubaĩshanaii. Haska ẽ Moisés merabewakubiranima keska wakĩ minabũ berubiri shanẽ ibu kushipa wakĩ mibe nishũ ẽ mia merabewakubaĩshanaii.

Josué 4:14

Moisés hiweshũ hatu yunua nĩkai haki mesekubiranimabu keska wamakĩ na habiatiã Senhor Deusũ Josué amai uĩkãshu hawenabũri hawẽ hãtxa nĩkakĩ hau hakiri pe shinãkubainũbũ haska Senhor Deusũ amanikiaki.

1 Pedro 4:14

Ha inũ, mã Cristokiri yusĩkubainaibuwẽ taeshũ haska abuama tsuabura matuki sinatai ha ikaibuwẽ taea mã ma Deusũ pepa haya hawẽ benimakubaĩkãwẽ, Deusũ Yushĩ Pepatũ matu merãshũ matu henebainama hawẽ kuxipa matu uĩmakubainikikirã.

1 Samuel 10:5

Ana kakũkaini mae betsa Senhor Deusũ Gibeá hanu Filisteu nawa detenamenikabũ keshea hiweabu anu mĩ ma kemai hikikẽ meribi mananã anua Deusũ hãtxa yuishunikabu nishi paewẽ paeã keska benimai butubiranai bei Deuskiri hãtxai bekubiranaibũ hatu bebũ harpa inũ xaxa ati inũ teperewe inu mimawati betsa mawakubiranaibuki mĩ hatuki nukushanaii.