2 Reis 19:23 - Kaxinawá Bíblia (BR)

²³ Mĩ hãtxa bushunika hatu yunukĩ ea Senhor Deus mĩ ekiri hatu hãtxa txakabumashinaki. Kẽkĩ hatu yuimakĩ: ‘Líbano mati matipa mamaki hanu tsua mapeketiruma anu ẽ cavalõ tarãbaĩtiki detenamenikabu mapubaini mirimabube ẽ mapekeimaki. Hanushũ hatũ kusha keyatapahaira inũ hatũ hi betsa cedro hawẽruahaira ẽ hatu meshtemaimaki. Mati keyatapa mapekeyutã ha mamaki bai bana keska ni shukua anu nukui ẽ hanu hikimaki.

2 Reis 19:23 ပူးပေါင်းရင်းမြစ်များ

2 Reis 18:17

hatũ prata mane inũ hatũ ouro mane inã bibiatã hawa daeama haki sinatai heneama Jerusalém txakabuwanũ, iwanã, Laquis anua hawẽ detenamenikabu shanẽ ibu kushipa Tartã inũ, hawẽ merabewanika haki txiti ika inũ, shanẽ ibu beshmas kushipa betsari hawẽ detenamenikabu mirimabe Ezequias anu Assíria nawa shanẽ ibu Senaqueribẽ hatu yunua bui Jerusalém dapi hikitã pashku debu mishkiwẽ buyabaĩkĩ ũpash hababaĩti wanibu dapi inũ hanu kashũ tari patsamisbu bai ka dapi hatũ tari hiwe pũtebaũshina

2 Reis 18:23

Haskawẽ taeshũ ẽ tsuma Assíria nawa shanẽ ibuhairabe yubakanamekãwẽ. 2.000 hunibu cavalo katsaumetirubu mĩ hayakẽ 2.000 cavalo ẽ mia inãshanaii.

2 Reis 19:4

Assíria shanẽ ibuhairatũ hawẽ tsuma Rabsaqué yunushina nukũ mekenika Deus hiweaki hãtxa txakabui shetxakai hawẽ detenamenika shanẽ ibu hãtxai mĩ mekenika Senhor Deusũ nĩkashumẽkaĩ”, ishũ, “Ẽ shinaiĩ. Hawẽ hãtxa nĩkashĩshũ Senhor Deus mĩ mekenikatũ hau ibubis hatu kupishanũwẽ. Nuku eskarabes nũ hiweyuabu Assíria nawabũ nuku atxiriama hau nuku merabewashanũ Senhor Deus dayuikĩ nuku yukashũwẽ, akĩ ea yuishũtãkãwẽ”, atã hatu yunua

Salmos 20:7

Nawa betsabũ hatũ detenameti tarãbaĩti itxapa tanamisbuki. Hanushũ betsabũ hatũ cavalo itxapa tanariamisbuki. Hakia nukubunã, nukũ Senhor Deuski txiti ikĩ ha besti nũ yuimiski.

Salmos 20:8

Ha yura betsabu babutã niri ikaibũ hakia nukuburã, babuama mestẽtã nũ kakũkaĩmiski.