2 Reis 18:37 - Kaxinawá Bíblia (BR)

³⁷ hanushũ Eliaquim hatũ shanẽ ibũ hiwe mekemis inũ, Sebnã shaba tibi ikaibukiri keneshũkubaĩmis inũ, Asafẽ bake Joá shanẽ ibu keneshunikatũ hatũ hãtxa nĩkatã huĩti nishmahairatã hatũ tari ushnibaini haska Assíria detenamenika shanẽ ibu Rabsaquẽ ma hatu yuishu Ezequiaski txanikĩ yuitanũ ika Jerusalém anu hikibaĩ yuinibukiaki.

2 Reis 18:37 ပူးပေါင်းရင်းမြစ်များ

Gênesis 37:29

Rúben hatu dapashkabaĩtani ana kini anu kemashũ uiã José hayamakẽ nuihairai huĩti nishmahairatã hawẽ beyawẽ taeshũ hawẽ tari ushnitã

Gênesis 37:34

huĩti nishmahairatã hawẽ tari ushnitã pekashũ nishi tari tima besha sawea usha itxapa hawẽ bakewẽ nuitxakayamai kashahairaya

2 Reis 18:18

shanẽ ibu Ezequiasbe hãtxanũ, iwanã, kenabu ha kama hawẽ merabewanikabu Hilquiasĩ huni bake Eliaquim hatũ shanẽ ibũ hiwe mekeshũmis inũ, Sebnã shaba tibi ikaibu hatũ kenekubaĩmis inũ, Asafẽ huni bake Joá shanẽ ibu keneshunika Assíria nawa shanẽ ibu beshmasbube hãtxanũ ika, Jerusalém anua tashnibaĩ hatuki nukuabu

2 Reis 18:26

Hilquiasĩ bake Eliaquim inũ, Sebna inũ, Joá kemakĩ yuikĩ: —Nũ mia ea akaii. Arameu hãtxawẽ nukube hãtxawe, nũ nĩkairã. Mishki kenebaunibu mamaki manishũ nukunabũ nĩkakanikiki. Haskawẽ taea Hebreu hãtxawẽ nukube hãtxayamawe— akabu

2 Reis 18:36

hau hatu hãtxa kemayamanũbũ shanẽ ibuhaira Ezequiasĩ bebũkiri yurabu yunushinawẽ taea mishki kenebaunibu anu mapushũ detenamenikabũ nĩkai pes hawa hãtxa taskama mapuabũ

2 Reis 19:1

Hatũ hãtxa nĩkatã shanẽ ibu Ezequiasĩ hawẽ tari hawẽrua sawea ushnitã pekatã huĩti nishmahaira haska nuihairai hatũ beyawẽ taea hatu uĩmai besha tari sawetã Senhor Deus kẽwãti hiwe anu kai hikitã

2 Reis 22:11

hawẽ yunuti inũ hawẽ nemati Moisĩ keneni hãtxa nĩkatã datekĩ shanẽ ibuhaira Josiasĩ hawẽ tari ushnitã

2 Reis 5:7

keneshina Israelĩ enabu shanẽ ibuhairatũ ha kene uĩ keyutã hawẽ datekĩ hawẽ tari ushnitã hawẽ anibu unanepabu hatu yuikĩ: —Earã, ẽ Deus keskamẽ? Hatũ besti hiwea hatu inãtã hatu mebĩmiskẽ ẽ haska keskari watiru shinãkĩ ha shanẽ ibũ hawẽ huni betsa bitxiki txamima ẽ shushawashũtiru ea yunushinaki. Shinãkĩ uĩrakãwẽ. Nuku haska wakĩ nuku unãti waikiki, nukuki ana sinatakatsirã— hatu wa

Jó 1:20

nĩkatã haskawẽ taea punu nukahairatã Jó benitã hawẽ tari ushnitã mashtekei mãkutã Deus kẽwaĩ beui beti itã

Isaías 33:7

Nĩkakãwẽ. Huni detenamenikabu kushipabu bai tanabirani sai sai ikaibu habu haki sinataibube unanuma hiwenũ ika hatube yubakabiatãshina ha shanẽ ibu hãtxashunikabu ma kashakanikiki.

Jeremias 36:24

shanẽ ibuhaira inũ shanẽ ibu yununika beshmasbũ Jeremiasĩ hãtxa dasibi nĩka keyubiatã haska hawẽ hãtxawẽ dateabuma inũ hawa bika teneamawẽ taeshũ hatũ tari hawa ushniama inibukiaki.

Mateus 26:65

Deusbe nukunabu hãtxashunika shanẽ ibuhaira haki sinatahairakĩ hawẽ tima tari uxnitã yuikĩ: —Deus itxaikiki. Ana hatira hãtxai ẽ nĩkakatsi ikamaki.