2 Reis 18:17 - Kaxinawá Bíblia (BR)

¹⁷ hatũ prata mane inũ hatũ ouro mane inã bibiatã hawa daeama haki sinatai heneama Jerusalém txakabuwanũ, iwanã, Laquis anua hawẽ detenamenikabu shanẽ ibu kushipa Tartã inũ, hawẽ merabewanika haki txiti ika inũ, shanẽ ibu beshmas kushipa betsari hawẽ detenamenikabu mirimabe Ezequias anu Assíria nawa shanẽ ibu Senaqueribẽ hatu yunua bui Jerusalém dapi hikitã pashku debu mishkiwẽ buyabaĩkĩ ũpash hababaĩti wanibu dapi inũ hanu kashũ tari patsamisbu bai ka dapi hatũ tari hiwe pũtebaũshina

2 Reis 18:17 ပူးပေါင်းရင်းမြစ်များ

2 Reis 18:16

Senhor Deus kẽwãti hiwe hanu hikiti shui istabĩ dabenibu inũ, matsanibu inũ, hawẽ beputi dabe wanibu bemakis inũ uke merã Ezequiasĩ ouro mane tashipawẽ hatu buyamabaũtã hatu bepushmani ha mane ouro tashipa dasibi Ezequiasĩ hatu tsekamakĩ keyumashũ haki dasiwatã Assíria nawa shanẽ ibuhaira anu hau bunũbũ hatu yunua buaibũ

2 Reis 19:23

Mĩ hãtxa bushunika hatu yunukĩ ea Senhor Deus mĩ ekiri hatu hãtxa txakabumashinaki. Kẽkĩ hatu yuimakĩ: ‘Líbano mati matipa mamaki hanu tsua mapeketiruma anu ẽ cavalõ tarãbaĩtiki detenamenikabu mapubaini mirimabube ẽ mapekeimaki. Hanushũ hatũ kusha keyatapahaira inũ hatũ hi betsa cedro hawẽruahaira ẽ hatu meshtemaimaki. Mati keyatapa mapekeyutã ha mamaki bai bana keska ni shukua anu nukui ẽ hanu hikimaki.

2 Reis 19:6

nĩkatã hau hatũ shanẽ ibu yuitanũbũ Isaíasĩ hatu kemakĩ: “Senhor Deusũ eska hatukiri yuikiki: ‘Assíria nawa shanẽ ibuhairatũ hawẽ shanẽ ibu beshmasbu hatu yunua beshiã ekiri shetxakai hãtxa txakabukĩ matu yuishuwẽ taea hawa dateyamawe.

Isaías 7:3

hanushũ Senhor Deusũ Isaías yuikĩ: “Ha tari hanushũ patsamisbũ basi bai anu ha baiwẽ katãwẽ. Kai pashku debu anu shãtu wanibu anu ha deshũ anu mĩ huni bake Sear-Jasubebe hikikaĩ shanẽ ibu Acaz hari uĩ ka haki nukutã