1 Tesalonicenses 5:15 - Kaxinawá Bíblia (BR)

¹⁵ Ha inũ, yura betsã matu txakabuwaibu ana hatube manakunama mã pepakatsis ikairã, haska txakabu huai tenetã pepakĩ ikũwaĩ betsabube merabenãkĩ mã akai keska wakĩ mai hirabi anuabu yurabu ashũriakĩ hatu merabewakubaĩkãwẽ.

Kashinawa : Diosun Jesúswen taexun yuba bena yiniki

¹⁵ Ja inun, yuda betsan matu chakabuwaibu ana jatube manakunama man pepakatsis ikaidan, jaska chakabu juai tenetan pepakin ikunwain betsabube medabenankin man akai keska wakin mai jidabi anuabu yudabu axundiakin jatu medabewakubainkanwen.

1 Tesalonicenses 5:15 ပူးပေါင်းရင်းမြစ်များ

Gênesis 45:24

hanushũ José hatu nitxĩkĩ nemakĩ: —Buirã, bai tanabaini matũmebi ha iki detenameama butãkãwẽ— hatu wa habu buaibũ

Provérbios 17:13

Tsuãra huni betsa merabewabiamis hãtsiri manakukĩ merabewaismarã, haskawẽ taea hawenabu nuitapai hiwekubaĩshãkanikiki, hawẽ shinã txakabuwẽ taearã.

Provérbios 20:22

Tsuabũra mia ma txakabuwakẽ “Eã ẽ hatu kupiaii”, iwanã, shinaĩ tsua hãtxatimahairaki. Senhor Deus ikũwãkĩ mĩ manakubainaya Senhor Deusũ mia hatu kupishũkĩ binumashanikiki, mia mekekinã.

Mateus 5:39

Hawẽ hãtxa peki. Ana habia keskari ha binua matu yusĩnũ nĩkakãwẽ. Tsuara miki sinatakĩ yusiuri mia ispais aka habebis sinatakĩ kupiyamakãwẽ. “Uke betsari ea awe”, ika dabekeshunai keskakĩ xinãkubaĩshãkãwẽ.

Lucas 6:35

Hakia pepakatsis ikirã, eskatiki. Matuki sinataibuwẽ nuikĩ hatu duawãkĩ matũ pepa hatu uĩmakubaĩkãwẽ. Haskawẽ taeshũ tsuabũra mĩ hamapai biwãxĩshũ mia ana beshũmisbu besti ana ha xinãma mia yane beshuĩsbumari hatu inãriakĩ yura dasibibu hatu duawakubaĩshãkãwẽ. Haska wakĩ mã hatu binumamiskẽ matũ pepawẽ Deus dasibi binuatũ matu manakushanikiki, hawẽ bakebu matu wakinã. Hanũkaĩ habũ Deus kẽwaĩsbuma inũ huni txakabububiakẽ betsa betsapa inãkĩ Deusũ hatu duawamiswẽ taea

Hechos 16:28

hawaira Paulõ hui kuxipawẽ yuikĩ: —Mimebi ibubis txakabuyamawe. Nuku dasibi nũ hani kamaki— ikaya

Romanos 12:9

Ẽ betsabu inũ ẽ puibuũ, yura betsabuwẽ nui abukĩ tsua parãma txanima kayabi uĩmakĩ hatu merabewakubaĩkãwẽ. Haska inũ, hawara pe besti beya wakĩ hawara txakabu akama henekĩ danãkubaĩkãwẽ.

Romanos 14:19

Haskakẽ hawa txakabu ana piama merabenamekĩ ana hatu kuxipa wakĩ unãnuma hiweti benakubainãkãwẽ.

1 Coríntios 14:1

Ha dukũ yura betsabuwẽ duapai mã nuitiru tapĩkubaĩkĩ Deusũ Yushĩ Pepatũ kuxipawẽ hawara Deus mã dayashũkatsis ikai yukakubaĩkãwẽ. Hakia Deusũ Yushĩnĩ matu dayamai hau hawẽ hãtxa shabakabi Deus yuishũkĩ hawẽ yurabu yusĩkubaĩkĩ henetima yukakubaĩkãwẽ.

1 Coríntios 16:10

Nukũ betsa Timóteo matu anu hatiara kaya nukũ Shanẽ Ibũ daya ẽ ashũmis keskari akaiwẽ taeshũ hikiai ishũ duawashãkãwẽ.

1 Coríntios 6:7

Ikũwaĩ betsã mia txakabuwaya ikũwãbuma anu mã pewanũ ika kakĩ matũmebi haskakaĩkĩ txakabuhairakĩ mã kanekubainaii. Mia txakabuwabiaya ana habebis manakunama tenekubaĩwẽ, hau ha besti inũnã. Ikũwaĩ betsã mĩ hawara yumetsubiaxĩkẽ ha xinãma ibubis beshtekekãwẽ, ana habebis yumetsuamarã. Mã haskairã, peki.

Gálatas 6:10

Haskawẽ taeshũ hawara nũ hayawẽ dasibi nukubetã ikũwaĩbu nuitapaibu hatu merabewakubainãkãwẽ, ha katxu betsaburi ikũwãriabuma hatu merabewariakinã.

Efésios 5:15

Haskakẽ matũ hiwearã, uĩrakãwẽ. Hawara mã akai txibaĩ pe bestikubaĩkãwẽ, unaĩsmapamarã, hakia unãnepairã.

Efésios 5:33

Habiaskari wakĩ haska huni tibitũ hawẽ yura ibubis mekemis keska wakĩ hau hawẽ aĩ pe mekekĩ duawakubainũbũwẽ. Haska inũ, hatũ aĩnĩ hawẽ benẽ yunuai hau nĩkashũkubainũbũwẽ.

1 Tesalonicenses 5:21

Tsuabũra yuikĩ: “Deusũ hãtxa ẽ matu yusĩaiĩ”, ikĩ hatu yusĩaĩbu haska Deusũ hãtxa kayabi yusĩmẽkaĩ unãti wakĩ nĩkakubaĩkãwẽ. Deusũ hãtxa yusĩ pe waya unãtã ikũwãkĩ ha yusĩa mã txibãtirubuki.

1 Timóteo 6:11

Hakia miarã, Deusũ ma mia hawena wakĩ katuniwẽ taeshũ hawara txakabu betsa betsapa betxitã danaĩ ana hari kayamawe. Mĩ pe dayai hiwekatsi ikairã, mĩ daya bikabiakẽ Deusũ mia unaĩwẽ taea ikũwaĩ nui abunamei kuxipai huĩti kuxiama babutã hatu uĩmai hatube hiwekũkaĩwẽ.

2 Timóteo 2:24

Nukũ Shanẽ Ibu dayashunikabia nukũ beyawẽ hamakiri hãtxawaĩ detenameai keskai nũ maputirubumaki. Hamẽ nuku ikirã, dasibibube pepairã, dasibibu yusĩti xarairã, dasibibu hawara kaneaibu hawaira hĩ hĩ, iwanã, hatu txakabu wama hiwekũkaĩtiki.

Tito 3:2

Tsuakira hãtxa txakabukĩ hau yuiyamakubainũbũwẽ. Ha inũ, duapa besti inũ pepahaira bestikinã, hatuwẽ nuikĩ huĩti babutã dasibibu hatu haibuwakĩ hau hatu uĩmakubainũbũwẽ.

Hebreus 12:14

Ha inũ, tsuabura dasibibube mã unãnuma hiwekatsis ikairã, nuikipakĩ dasibi nukũ Shanẽ Ibũ yusĩa txibaĩ pepa besti hiwekubaĩkãwẽ. Hamẽ mã pepai hiweismarã, haskatã nukũ Shanẽ Ibuki dasitã mã hiwetirubumaki.

1 Pedro 1:22

Mã ma haskawẽ taea natianã, Deusũ kakape Jesuskiri nĩkatã ha hãtxa txanima txibaĩ mã ma meribi pepabuki. Haskakubaĩkinã, ikũwaĩ betsabube abuname kayabikubaĩkãwẽ. Haskakĩ matũ huĩti hawa txakabu hayama inũ matũ kuxipa hirabiwẽ betsabu merabewai hatuwẽ nui abunamei hatube duanamepakekãwẽ.

1 Pedro 2:17

Dasibibũ matu yunumisbu hatu nĩkakĩ uĩmakubaĩkãwẽ, matubetã ikũwaĩbube nuinamei inũ Deusũ kuxipaki mesekĩ hawẽ hãtxa txibaĩ inũ Romano shanẽ ibu binuatũ hawẽ hãtxa nĩkatã txibãriakinã.

1 Pedro 3:9

Ha inũ, matu txakabuwabu hatubebis ana txakabuama inũ matu itxabu hatubebis ana manakunaĩ itxakanãma ikubaĩkãwẽ. Hakia matu duawakatsi Deusũ matu katuniwẽ taeshũ matu itxakawabiaibũ ha xinãma pepakiri besti hatu yuikubaĩkãwẽ, hau Deusũ hatu merabewakĩ duawariakubainunã.

3 João 1:11

Ẽ betsaã, ẽ miwẽ nuiairã, beya txakabu txibãma beya pepa besti akubaĩwẽ. Tsuãra beya pepa akaiburã, Deusũ enabuki. Hakia tsuãra beya txakabu akaiburã, Deus unãbumaki.

Apocalipse 19:10

kẽwãnũ ika hawẽ tae namã ẽ dãti itanaya ea nemakĩ yuikĩ: “Eki haskayamawe. Mia inũ Deusunabu betsabũ Jesus Cristo txibãkĩ hawẽ hãtxa yusĩmisbu keska eãri Deusũ hãtxa bunika ẽ hawẽ tsumariki. Haskakẽ ea kẽwãma Deus besti kẽwãwẽ”, ea washuki. Haskarã, tsuabura Jesuskiri kakape Yushĩ Pepatũ shabakabi hatu xinãmaya habu yusĩnãbu hakiri txanikĩ banabimabaũmisbuki.

Apocalipse 22:9

ea nemakĩ yuikĩ: “Haskayamawe. Mia keska eari ẽ Deusũ tsumaki. Mĩ betsabu Deusũ hãtxa yuishunikabu betsa inũ dasibibũ na hãtxa kenekĩ mĩ una wai habũ txibãshanaibu keska eari ẽ hatu keskaki. Deus besti kẽwãwẽ”, ea watã

1 Samuel 24:13

Nukũ shenipabũ yuikĩ: “Txakabu kainã, huni txakabu anua tashnimiski”, ipaunibuwẽ taea haska shinãkĩ mĩ ẽ shanẽ ibuki sinatakĩ ẽ hawa miki hashi metaskama ikũkaĩshanaii.