1 Reis 22:38 - Kaxinawá Bíblia (BR)

³⁸ Hanushũ Samaria dapi iã pishta tsaua anu hanu aĩbu hininipabu nashimisbu anu Acabẽ cavalõ tarãbaĩti hanu bushũ haska Senhor Deusũ bebũkiri yuishina keska wakĩ kamanẽ hawẽ himi tashu tashu akĩ keyuaibũ hawẽ tarãbaĩti himi txukakĩ pewanibukiaki.

1 Reis 22:38 ပူးပေါင်းရင်းမြစ်များ

1 Reis 21:19

Haki nukutã ea yuishũtãwẽ: ‘Senhor Deusũ hãtxa nĩkawe. Nabote tenãshũ hawẽ uva bai mĩ mebiãwẽ taeshũ habianuri Nabotẽ himi kamanẽ tashu tashu akĩ keyushinabuki. Habianushũri mĩ himiri kamanẽ tashu tashu akĩ keyuriashãkanikiki’ ”, akĩ haska Senhor Deusũ yuia nĩkatã Acabe anu kashũ habias hãtxa Eliasĩ shabakabi yuia,

2 Reis 1:17

haska Senhor Deusũ Elias yuimashina keskai Acazias mawanikiaki. Haskaitiã Judá enabu yunui Josafã huni bake Jeorão shanẽ ibui 2 ano hatu ishuãyã hanua ha Acazias hawa huni bake hayamakẽ Acazias shãtukũ hawẽ betsa Jeorão Israelĩ enabũ shanẽ ibuhairai taenikiaki.

Mateus 24:35

Hakia habiaskariai nai anua inũ mai anua Deusũ damiwani habu keyushãkanikiki. Hakia ẽ hãtxawẽ bebũkiri ẽ matu yusĩaĩnã, binuama menepakeshanikiki.