1 Reis 11:38 - Kaxinawá Bíblia (BR)

³⁸ Haska ẽ mia yunuai mĩ akubainai inũ haska miãri betxipaikĩ txanima ẽ yunuti hãtxa inũ ẽ nemati hãtxa ẽ hatu yusini Davĩ txibãkĩ akubaini keska wariakĩ mĩ akubainai mia merabewai mibe ikũkaĩkĩ minabu ẽ mia shanẽ ibu wamakubaĩshanaii, hanua Davĩ enaburi hatu shanẽ ibu wariakubaĩkinã. Mĩ haska waya Israelĩ enabu ẽ mia hatu ibu wamashanaii.

1 Reis 11:38 ပူးပေါင်းရင်းမြစ်များ

2 Samuel 7:16

Ẽ hatu mekekubainaiwẽ taea minabu Israelĩ enabu shanẽ ibupakeshãkanikiki, niti ikamarã. Ha dikabi haska mĩ hatu yunumis keska heneama ikubaĩshãkanikiki’, iwanã, Davi ea yuishũtãwẽ”— abainaya

1 Reis 11:37

Hati yurabu mĩ yunui shanẽ ibukĩ Israelĩ enabu shanẽ ibu mĩ ikũkaĩshanũ ẽ mia katushanaii.

1 Reis 11:39

Hatũ txakabuwẽ taeshũ Davĩ enabu pakubainaibu bari itxapa hatu kupikubaĩkĩ atimas henekĩ ẽ ana hatu kupiama ishanaii’ ”, anikiaki. Haska wakĩ Deusũ hãtxa yuishunika Aias Jeroboão yuimanikiaki.

1 Reis 3:14

Haska shinãkĩ ẽ betxipaiai akubaĩkĩ ẽ yunuti inũ ẽ nemati mĩ txibãkubainaya haska mĩ epa Davĩ txibani keska mĩ ikaya bari itxapa ẽ mia hiwemayukubaĩshanaii”, aka

1 Reis 6:12

“Na hanushũ ea kẽwãti hiwe mĩ ma menekubainaiwẽ taeshũ ẽ mia yuiai ea nĩkawe. Haska mĩ shenipabu ẽ yununi hãtxa nĩkakubaini pe hiwekaĩkĩ ẽ yunuti hãtxa inũ ẽ nemati hãtxa mĩ txibãkubainaya haska mikiri mĩ epa Davi ẽ yubani ẽ mia ashũkubaĩshanaii.

Êxodo 1:21

bake kaĩmanika aĩbuaibu Deusũ kushipaki meseaibuwẽ taeshũ hawenabus pawakĩ Deusũ hatu merabewakĩ pewakubainikiaki.

Êxodo 19:5

Hanũkaĩ ẽ hãtxa nĩkakĩ ẽ yubati hãtxa mã txibãkubainaya mai hirabi enaswẽ taeshũ nawa shukuabu tibi anua ẽ matu katuni enabu pepabus mã ikũkaĩshanaii.

Josué 1:5

Mĩ hiweyua hatube detenameaya tsuãra mia binutirubumahairaki. Ẽ Moisés merabewakubirani keska wakĩ habiaskari ẽ mia merabewakubaĩshanaii, putakĩ hawa henebainamarã.

1 Samuel 2:35

Hanushũ hawenabu ebe hãtxashunika shanẽ ibu betsa katukĩ ẽ kushipa washanaii. Hatũ pe shinãkĩ ẽ hãtxa inũ haska ẽ betxipaiai unãkĩ ea ashũkubaĩshanikiki. Haskawẽ taeshũ hawenabu shanẽ ibu kushipa ẽ katushanaii. Hau habũ ea dayashũkubaĩshanũbũ ha ebe hãtxashunika shanẽ ibu benã enabu pakubainaibu ẽ hatu hiwemakubaĩshanaii, niti akamarã.