Romanos 9:33 - Kashinawa : Diosun Jesúswen taexun yuba bena yiniki

³³ Na jabias yusian Mesíaskidi Diosun jawen jancha yuixunika Isaías yuimakin: “Uian. En jaska yubakani en kushipa mishki keska Jerusalén anu en nichinxanaii, jaki juti iki ichapabu tsakabainbaini tin ikubainxankanikiki, ikunwanmadan. Jakia tsuabunda jawen jancha ikunwankin chibainbu en jatu jawa dake wama ixanaii”, aka ninkatan jadi kenedianiki.

Kaxinawá Bíblia (BR)

³³ Na habias yusĩa Messiaskiri Deusũ hawẽ hãtxa yuishunika Isaías yuimakĩ: “Uĩa. Ẽ haska yubakani ẽ kuxipa mixki keska Jerusalém anu ẽ nitxĩshanaii, haki huti iki itxapabu tsakabaĩbaini tĩ ikubaĩshãkanikiki, ikũwãmarã. Hakia tsuabũra hawẽ hãtxa ikũwãkĩ txibaĩbu ẽ hatu hawa dake wama ishanaii”, aka nĩkatã hari kenerianiki.

Romanos 9:33 ပူးပေါင်းရင်းမြစ်များ

Mateus 21:42

Jesúsun ana jatu yuikin: —Diosun jancha kenenibu ¿yuikin man uinsmamen? Matu ana yusinun ninkakanwen: ‘Jiwe wanikabun mishki dananbiaibun jabias mishki Diosun bixun dexun makedex wakin jawen kene mestenwan keska wakin nuku uinmakin jabaa! imakin nuku jadakidi shinantima waxanikiki’, axun keneniki.

Mateus 21:44

Ja inun, betsadan, tsuada ja mishkiki sinatakin ea maemanun ika mishki mamaki kauana teke teke ika keska itiduki. Jakia ja mishki jadatukida kauani jaki tin ikin chushakin mishpu waxanikiki— jatu waya

Romanos 10:1

Jaska inun, en betsabu inun en puibuun, enabu Israelbu jatukidi ean shinain jabuwen nuikin Dios en jatu yukaxunkubainmiski, jau Diosun kupiti mese binukin Jesucristo chibankin ikunwainbu jau Diosun jatu mekexanunan.

Romanos 10:11

Jaska inun, Diosun jancha yuixunika Isaísin kenekin: “Tsuabunda Mesíasin jancha ikunwankin chibainbu en jatu jawa dake wama ixanaii”, aniwen taexun

Romanos 5:5

Jaska nun manakatidu Dios nukuwen nuimis nuku unanmakin jawen Yushin Pepa nuku inan jawen taexun Dios ikunwankin chibankubainkin jaska nuku yubani manai jamen nun manakamaki. Jaska shadabuwen taexun jamapai bika nun teneaidan, jawen taexun Dios nun kenwankubainaii.

Gálatas 5:11

Man en betsabu inun en puibuun, junibu dasibibun jau jatun jina kubichi mextenunbun en jatu yusinmiswen taexun ea ichakawama ikeankanaii. Jakia ean yusinkinan, Jesús juni chakabu keska cruzkia mawani en jatu yusianmaken ea dananbumadi ikeankanaii.

Filipenses 1:20

Jaska inun, Dios dayaxuni tsuki en dakeamaki, jatun ea mekeawen taeadan. Jaskaken tsuabunda bedubi jawa jakidi dakeama natian en jiweawen inun en mawaxunxanaiwen Cristo kushipajaida ewen dasibibu en jatu uinmayukatsis ikaii.

2 Timóteo 1:12

Ea jaska waniken Diosun jancha en yusinkubaunmiswen taexun ichakawakin ea bichibiabun en Jesús ikunwankin taewaya ea mekenitun badi jawen jeneaitian ea mekekubainxanai unain en dakeamaki.

1 João 2:28

En bake keskabuun, natian Jesucristoki dasitan jeneyamakanwen, jaki chiti ikidan, janu ana nukuki nukui juaitian damapai nun jaki datei daketidubumakidan, ja bebunuadan.