Romanos 16:17 - Kashinawa : Diosun Jesúswen taexun yuba bena yiniki

¹⁷ En betsabu inun en puibuun, jaskaibu man uinunbun en matu yunuaii. Yusinan betsabun jabun matu padankin nun jaska matu yusinmis betsa wakin matu shinan betsamakin matu paxkatidubuki. Uindakanwen. Jaska nun matu yusian man ninkamis keskamaken jatu danankin jatun yusian ana ninkama ana jatube ichayamakubainkanwen.

Kaxinawá Bíblia (BR)

¹⁷ Ẽ betsabu inũ ẽ puibuũ, haskaibu mã uĩnũbũ ẽ matu yunuaii. Yusĩnã betsabũ habũ matu parãkĩ nũ haska matu yusĩmis betsa wakĩ matu xinã betsamakĩ matu pashkatirubuki. Uĩrakãwẽ. Haska nũ matu yusĩa mã nĩkamis keskamakẽ hatu danãkĩ hatũ yusĩa ana nĩkama ana hatube itxayamakubaĩkãwẽ.

Romanos 16:17 ပူးပေါင်းရင်းမြစ်များ

Mateus 18:17

Januxun jatun janchadi ninkamaken matun ichati jiwe anu iyuxun jatudi banabimadiawe. Januxun jabun pewakin yusianbudi binu keyukin ninkamaken jaskawen taexun ikunwanbuma inun gobierno pei bixunika chakabuwen meseisma keska wakin jatu danankubainxankanwen.

Mateus 18:7

Ja inun, jamapai betsa betsapawen kemukin yudabun chakabuwamisbuki. Jakia tsuabunda enabun Diosun yunumis inun nemamis shinanbiaibun juinti babubu padankin jatu chakabu ama akeakemisbu jabudi Diosun jatu kupia nuitapajaidaxankanikiki.

Mateus 7:15

—Ja inun, betsadan, ja padanananmisbu pepa keskakin Dioskidi yusinbiakin jawen juinti inu puben keskan chani jancha matu yusiainbu ana ninkama jatu uindakubainkanwen.

Lucas 17:1

Januxun Jesúsun jaki chiti ikabu besti yusinkin yuikin: —Tsuanda jaska shinanmabiaken yuda betsan jawada chakabu memakin mia beya wamanun, iwanan, jaska Diosun yunumis inun nemamis matu amakin chakabuwamisbuki. Jakia tsuabunda enabu juinti babubu padankin jatu chakabuwamamis jabudi Diosun jatu kupia nuitapajaidaxanaiwen taea jawen xekiwan deneti mishki ewapa nexaxun teumatan ianenwan medan pukua jasadan, jawen kupiti bexmas mekeanaii.

Hechos 15:24

Jaskaken nenuadi nukunabu nun jatu yunuamabia buimaxun jatun beyakidi matu yusinkin matu itimaska waibu nun ninkashinaki.

1 Coríntios 11:18

Ja dukun matukidia juxun ea yuiabu en ninkaidan, man ikunwainbu ichaidan, man xukui paxkakanikiaki. Jaska chanima paxkatan man pewaidan, man jaskaiwen taexun eskadabes en matukidi ikunwaiin.

1 Coríntios 3:3

Man kushipai beyadiama jabias matun jiwea keska shinain man babuwen taea ikunwain betsabube ja iki jatu dabain binunananun ika inun betsa kemutapaya ja shinain sinai ikunwanbuma keska shinain man jiweabukiaki.

Gálatas 2:4

Janua betsadan, nun ichanu nukun betsabu jatidi nukubetan ikunwain kayabibumadi june nuku unanti wanun ika jikia manixun ninkakin jawama Jesucristokidi ninkatan chibain ma mekei pepabiaibun janua jabun Moisin jatu yusini jatun beya nuku ana jusimakin chibanmanun ika ikaibun jawa jatu ninkama binumakin ja Jesúskidi jancha chanimawen taea jawa beya tibiwen jusikin matukidi nuku kanemama inibuki, man jaska betsatan maetidubumakididan.

Filipenses 3:17

En betsabu inun en puibuun, jaska ea inun ea medabewamisbu nun jiwekunkainkin nun matu uinmamis nukun aka nun jaskai jiwemis nuku shinankin chibankin nuku mawakubainkanwen.

Colosenses 2:8

Juni betsabun jatun yusian beya betsawen matu unanepa wapai matu jatu chibanmakatsis ikaibu jatun yusian pe itsa kayatapiamaki. Uindakanwen, tsuabunda Criston yusian danankin jakidi shinain janchaxunabumakidan. Jakia jabu ikidan, na mai anuxun yushin kushipabun yunuai chibankin yusian betsan ani jawen yusinanain kanenibu chibankin matu amakatsis ikubainkanikiki, jaska jabu yusinanankinan.

2 Tesalonicenses 3:6

En betsabu inun en puibuun, nukun Xanen Ibu Jesucriston nuku yunumiswen taexun nun matudi yunuai, ninkakanwen. “Nukubetan Jesús ikunwankatsi ibiai tsuada nun yusiain chibanma inun beya bena nun matu yusinma danankin akabumadan, ana jatukidi shinanyamakubainkanwen”, jatu dakewakinan.

1 Timóteo 1:3

Macedonia mai pakea anu kakin Efeso anuxun min jatu pewakin min jatu medabewayunun en mia bashibidanima keska jabias en mia ana yunuaii. Tsuabunda ja jatun yusinanbun jatun shinan medibis jau jatu yusinchakayamanunbun jatu nemakin pewawe.

2 Timóteo 3:5

Jatun kexawen bemakis xabakabi Dios kenwanbiakin jawa jawen jiweawen pepakin uinmama Diosun kushipaki dakekin kenwan kayabiama dananxankanikiki. Jaska keskabudan, jatube ketaxameama jatu dunkekubainwen.

Tito 3:10

Tsuanda Jesucristo ikunwainbu jatu itimaska wakin jatu paxkakatsi ikaibu medabewanun, iwanan, kenatan min yuia ninkamaken ana ja kachu kenatan min yuia ninkamadiken januxun jau ana matube ichayamaxanun nematan jatu nichinwen.

1 João 2:19

Jabu taxnidan, nantekea beama jabia nuku anua iki taebainkanikiki. Nukube ichabiamisbu Jesucristo danain ana nukube ichama jaki sinatakanikiki. Jamen nukubetan ikunwainbunan, nuku paxkabainama itidubuki. Jakia nuku paxkabainaibu uinkin ikunwan kayabiabuma man xabakabi unantidubuki.

Judas 1:19

chanima na jabiatian ja yusinananain padananain kaxekenainbun Dios shinanma ibubis jatun kemuti shinan chibankin ikunwainbu tadi paxkakin Diosun Yushiunma wakin jatu akanikiki.