Romanos 15:3 - Kashinawa : Diosun Jesúswen taexun yuba bena yiniki

³ Eska shinanankanwen. Cristo jamebi jaska ikatsis ikaikidi shinankin katuama iniki. Jakia jaska bebunkidi Diosun jancha jakidi kenenibu menei ikunkainiki. Jaska Diosun jancha yuixunika Davidin kenekin: “Epaan, mia danankin ea ichakawabu en mia tenejaidaxunaii”, ini keskakin Criston menekin teneniki.

Kaxinawá Bíblia (BR)

³ Eska xinãnãkãwẽ. Cristo hamebi haska ikatsis ikaikiri xinãkĩ katuama iniki. Hakia haska bebũkiri Deusũ hãtxa hakiri kenenibu menei ikũkainiki. Haska Deusũ hãtxa yuishunika Davĩ kenekĩ: “Epaã, mia danãkĩ ea itxakawabu ẽ mia tenehairashunaii”, ini keskakĩ Cristõ menekĩ teneniki.

Romanos 15:3 ပူးပေါင်းရင်းမြစ်များ

Mateus 10:25

Jaskawen taea jawen tsumabudan, jatun yusinan jancha chibain jau jabiaskadi keska ikubainunbunwen. Jabiaskadiai dayadubu jatun xanen ibun yunua ninkai jau jatun xanen ibu keska idiakubainunbunwen. Jaskaken en matun yusinan ea kenakin: “Yushin chakabu xanen ibu Beelzebúki”, ea wamisbuwen taexun en yusian man chibankubainmisbuwen taexun matudi kenakin: “Beelzebún enabuki”, akin matukidi yuikin chitediaxankanikiki— iwanan,

Mateus 26:39

janua kai chaima ka beua maiki beti ixun Dios yukakin: —En Epa Diosuun, jamapai dasibi min atidu en unaiin. Jau ea tenanyamanunbun min jatu nematidubia jaska en shinainwen akama min shinan bestiwen ea axanwen— atan

Mateus 26:42

ana Diosbe janchai kaxun yuikin: —En Epa Diosuun, en yumanyamanun ea unanti wakin min jenekatsi ikamadan, peki. Min shinanen besti ea axanwen— atan

Mateus 27:44

juni yumetsu dabe jabe mastabundi Jesús ichadianibukiaki.

João 15:10

Jawen jancha en chibanyan ea bechipaikin en Epan ea putaismaki. Jaska keskadi wakin en yunua jancha man chibanyan matu bechipaikin en matu putamadi ixanaii.

João 15:24

Ja inun, jatu anuxun en jawa jatu jaska waxuanma chakabu shinanma ikeankanaii. Jakia tsuan jaska jatu anuxun jaska waxuinsmabiaken Diosun kushipa jatun bedubi en ma jatu uinmabia uinbiakin ea inun en Epa danankanikiki.

João 4:34

Jesúsun nuku ana yuikin: —Jatun ea yununitun shinan en jayawen taea jawen daya keyui en kushipamiski, yani wa keskaidan

João 5:30

Jesúsun xanen ibubu jatu ninkamakubainkin yuikin: —Eadan, ibubis e iskaun en shinanen en ikamaki. Jakia jaska en Epa Diosun ea yunuai besti ninkatan en akubainaii. Jaska jawen pepa ea katumaidan, en jaska shinainwen en akama jakia jaska en Epan ea yununitun bechipaiai jaska yunuaya unanti wakin en axunkubainaii, kaneamadan.

João 8:29

Ja inun, ea yununi eskatian ebeken jamapai betsa betsapa wakin bechipaimakin en benimawamiswen taexun en Epan ea besti jenebainamaki—

2 Coríntios 8:9

Ja inun, nukun Xanen Ibu Jesucristo nai anua jawen Epa Diosbe jiwea jabe xanen ibujaidabia dasibi jawenabia jenebidan jawen pepawen matu pepawanun ika matuwen taea nuitapai matuwen nui mawaniki, jawen taea man nuitapama dasibi jaska yubakani man ibu waxanunan. Jaska matu waxuniwen taexun man jatu medabewatiduki.

Filipenses 2:5

Tsuabunda Jesucristokidi jaska man shinainan, jaska Criston shinankubaini keska betsabukidi shinaindakubainkanwen.

Filipenses 2:8

Jamebi babutan jawen Epan yunua chibankubaini mawanun ika ikunkaini cruzki dunua mawaniki.