Romanos 10:19 - Kashinawa : Diosun Jesúswen taexun yuba bena yiniki

¹⁹ Jaska inun, emebi ana yuka iki Israelbuman Mesías chibankin Israelbu binuxanaikidi kenekin Moisin Diosun jancha ja dukun yuikin: “Israelbuma jabu enabuma ibianibun matun Mesías ikunwankin chibain ma enabuwen taea man jatuwen kemuxanaii. Jakia matu Israelbu man enabu ibiani matu jabuwen kemumakin jabu unainsmapakidi man shinanbiamisken en matu jaki sinatamaxanaii”, iniki.

Kaxinawá Bíblia (BR)

¹⁹ Haska inũ, emebi ana yuka iki Israelbumã Messias txibãkĩ Israelbu binushanaikiri kenekĩ Moisés Deusũ hãtxa ha dukũ yuikĩ: “Israelbuma habu enabuma ibianibũ matũ Messias ikũwãkĩ txibaĩ ma enabuwẽ taea mã hatuwẽ kemushanaii. Hakia matu Israelbu mã enabu ibiani matu habuwẽ kemumakĩ habu unaĩsmapakiri mã xinãbiamiskẽ ẽ matu haki sinatamashanaii”, iniki.

Romanos 10:19 ပူးပေါင်းရင်းမြစ်များ

Romanos 10:18

Jawada Diosun jancha yuixunika Davidin kenekin yusini matu ana yusinun ninkakanwen. “Yudabu mai jidabi anu manibaunabu Diosun jancha yusinmisbun jabun jatu yusian ma jabun ninka keyuabuki”, iniwen taexun Israelbun dasibi ma ninkakin keyunibu nun unaiin.

Romanos 11:11

Janua man shinanan, Israelbun Jesús danainbun ¿Diosun jatu jene keyunimen? ana ikunwantidubumadan. Jaskamajaidaki. Jakia Israelbu jawenabubia jabun Jesús danainbun januxun Diosun jabu Israelbuma jawen kakape Jesucristowen jatu mekekin taewaniki, jatu jaska wa Jesucristo Israelbuman ikunwainbu uin jau jatuwen kemukin Israelbundi ana shinan betsa watan jabun mekenan Jesucristo jau ikunwandiaxanunbunan.

Romanos 3:26

Nukuwen nuikin jin jin ikama nuku manamiswen taexun na jabiatian jaska Dios pepa bestitun matudi pepa wakin nuku unanmakin tsuabunda Jesús ikunwainbu bedu mestenwanmakin natian Diosun nuku unanmadiakubainikiki.

1 Coríntios 1:12

Matu tibikidi ea yuikin: “Nukun betsabu ja idabekin yuikin: ‘Eanan, Pablon nuku yusinmis besti ikunwankin en chibankubainaii’, ikaya betsadi: ‘Eanan, Apolosin nuku yusinmis besti ikunwankin en chibankubainaii’, ikaya betsadi: ‘Eanan, Pedron nuku yusinmis besti ikunwankin en chibankubainaii’, ikaya betsadi: ‘Eanan, Criston nuku yusini besti ikunwankin en chibankubainaii’, ikin jaska yuikubainkanikiki”, ea washinabuki.

1 Coríntios 10:19

Jakia yushin dami betsa kenwainan, dami jawauma inun jawen kenwanti piti jawauma nun unaiin, nukubunan. Jakia jabun shinanen ja yushin dami kenwainbudan, unanma jaska shinainbudan, jayaki.

1 Coríntios 11:22

Matun jiwe anu piti jayamaken ikaskin bebunkidi yaniwakatsi ikama ja piti bawabidan bexun dabukun jatu paxkaxunkin inankatsis ikama yaushikin jawaida keyukin ikunwainbu betsan piti eskadabes beabu jatu dakewakin Jesús ikunwainbu dabinwankin Jesús nuku mawaxuni shinanmati piti pinun ikaibu man jatu dakewaibu matukidi yui benimakin en matu kenwantidumaki.

1 Coríntios 12:2

Jesús man ikunwandiama yushin chakabun ja dami betsa chakabu jiwea jayama inun jancha jayamatun jawa shinanma jaskati dabanen matu iyua man kenwankubainidan, jaskadan, man unaiin.

1 Coríntios 15:50

En betsabu inun en puibuun, ana matu yusinkubainun ninkaidakanwen. Nukun yuda kayabi chapumiswen taea jiwekuin niti ikama nun jawen itidumawen taea jabias yuda kuin nai anu Diosbe jiwetidumaki.

1 Coríntios 7:29

En betsabu inun en puibuun, ma badi keyui kemaya ainyankin matun ainkidi besti shinanma nukun Xanen Ibudi shinankubainkanwen.

Tito 3:3

Nukudan, jabiaskadi jatu itsadi nukun shinan betsa wadiama jiwexun Dios chiban pewama benua keska nixun jamapai betsa betsapa mei kemui chakabun dayadui nun mapupaunibuki. Jaskai jiwea chakabui betsa jawada jaya uin jaska jayatima jawen kemui jatuki sinatai inun bechipainameama jatu danain inun betsabube danananainan.

1 Pedro 2:10

Ja inun, ja dukun Diosunama man inibuki. Jakia natian man ma Diosun enabuki. Ja dukun Dios matuwen nuiama ibiani na jabiatian matuwen Dios nuikiki.