2 Tesalonicenses 3:17 - Kashinawa : Diosun Jesúswen taexun yuba bena yiniki

¹⁷ Ea Pablon, en jancha matu bumakin jaska ibubis en mekenen kenekin en keyumis keska wakin en matu axuaiin, en tsumapan ana ea axuanmakenan.

Kaxinawá Bíblia (BR)

¹⁷ Ea Paulõ, ẽ hãtxa matu bumakĩ haska ibubis ẽ mekenẽ kenekĩ ẽ keyumis keska wakĩ ẽ matu ashuaiĩ, ẽ tsumapã ana ea ashũamakenã.

2 Tesalonicenses 3:17 ပူးပေါင်းရင်းမြစ်များ

Romanos 16:22

Ea Tercion Pablon jancha en matu kenexunaitun nukun Xanen Ibu Jesús en ikunwandiaiwen taexun en janchadi en matu yunudiaii.

1 Coríntios 16:21

Kenekin keyukin en tsumapan ana ea axuanma en Pablon emebi en matu kene keyuxunaii.

Colosenses 4:18

Na kene keyukinan, en Pablon emebi en mekenen en jancha matu bumakin ma en keyuaii, jatun ea kenexunmistun akai mebintanan. Ea bichikin akawaxun ea nexayamabu ekidi shinankin jeneama Dios ea yukaxunkubainkanwen. Nukun Epa Diosun jau matu unanuma jiwemakin pewakin duawapakekubainunwen. Jatiski, en janchadan. Pablo

2 Tesalonicenses 1:5

Bika tenei man jaskaya Dios kaneismatun yuda dasibibu unankin matun pepawen matu unanti watan matukidi pe shinanyan janu Dios xanen ibumis anu jabe man jiwenun matu jikimaxanai nun unaiin.

2 Tesalonicenses 2:2

eska taxnixanaikidi bebunkidi nun matu ana xabakabi yusiainan. Tsuanda Yushin Pepatun yuia keska shinankin: “Nukun Xanen Ibu Jesús ma juaki”, ikin matu padainbu inun, yusian betsa tapintan: “Jesús june ma juimakiaki”, ikaibu inun, nukuki padana en kene keska buxun matu yuikin: “Pablo eska chanikiki, Jesús ma juimakiaki”, ikin man jaska tapianma ibiaimaken matu padankin yuia akeakeaibu ninkatan e iki juinti metexeketan matun shinan jawaida maewai jatuwen dateyamaxankanwen.