1 Tesalonicenses 5:27 - Kashinawa : Diosun Jesúswen taexun yuba bena yiniki

²⁷ Jaskaken nukun Xanen Ibun ea kushipa waniwen taexun matu yununun ikunwainbu dasibibu ichati tibi anuxun na kene en matu bumakin yunuai xabakabi jatu yuixunkubainkanwen.

Kaxinawá Bíblia (BR)

²⁷ Haskakẽ nukũ Shanẽ Ibũ ea kuxipa waniwẽ taeshũ matu yununũ ikũwaĩbu dasibibu itxati tibi anushũ na kene ẽ matu bumakĩ yunuai shabakabi hatu yuishũkubaĩkãwẽ.

1 Tesalonicenses 5:27 ပူးပေါင်းရင်းမြစ်များ

Mateus 26:63

Jesús pes jawa yuiama niken Diosbe nukunabu janchaxunika xanen ibujaidatun ana yuikin: —Dios jiweatun mia ninkaya jau min chani chakayamanun en mia yunuai, chanima nuku yuiwe. ¿Jabia min miamen ikaidan, min Diosun bake nukun mekenan Mesías Cristodan?— aka

Marcos 5:7

Jesúsun yuikin: —Yushin chakabuun, ja juni anua kainwen— atan yukakin: —¿Jadakidi min kena ikai?— aka yuikin: —En kenadan, “Ichapajaida En Jayaki”, en yushin midimayadan— iwanan, sai ikin jancha kushipawen yuikin: —Jesúsuun, min Dios kushipajaidatun bakedan, en unaiin. Diosun nuku uianyan nukudan, kupikin nuku nuitapawayamawe!— itan sai ikin

Hechos 1:15

Ja xaba tibi jaskakubainkin xaba betsatian 120 ikunwainbu jatube icha maniabu Pedron jatu yuinun ika benitan jatu yuikin:

Hechos 19:13

januxun judiobu betsabun pei binun ixun bai namakixun Diosun jancha kenenibuwen yushin chakabu kainmakubainmisbu Pablon akai keskadi wanun, iwanan, Xanen Ibu Jesúsun kena kushipawen yushin chakabu yunukin: “Jesúsun kena kushipawen Pablon amis keskadi wakin en matu yunuai kaindikanwen!” jatu wakubainaibun

Colosenses 4:16

Na kene en matu bumai uinkin yuikin keyutan januxun Laodicea anu ichamisbudi jatu yunuxankanwen. Janua kene betsa Laodicea anu en jatudi bumai uintan matudi bemaibu matuna uiainbun jatunadi uinxankanwen.

1 Tesalonicenses 2:11

Nun matu eska wani man unandiaii. Bestibu tibi matu benimawakin nun matu pewakubainidan, jaska epabun jatun bakebun chakabuwai nemamis keska wakin man Dios jiwexunkin jaska bechipaiai keska matudi man inunbun nun matu yunua matun chakabu unantan man jenekubainimaki. Jaska Diosun jawen mae kayabi pepa anu matu jiwemakatsi ikai ma bebunkidi matu kenani jaskakidi nun matu medabewakubainimaki.

2 Tesalonicenses 3:14

Ja inun, nukun jancha nun matu bumai jatidibun ninkakin tapinkatsi ikama jatun chakabu unain jau dakenunbun ana jatube mapuyamakubainkanwen.

1 Timóteo 1:18

Timoteoon, ebetan Jesucristo dayaxuni min en bake keskaki. Ea ninkawe. Jesucristo ikunwain jaki dakeama chakabu nemakin chanima jancha min jatu yusinpakenun Diosun jatu yunua Jesucristo ikunwainbu yusinan mekenikabun mia katunibuki. Jabiaskadi shinankin eandi en mia yunuaii, min kaneama ixanai unainan. Jakia yuda betsabu jatiditun Jesucristo ikunwankin taewabianixun chakabu metan ma chintuanbuki, januxun kupixanai anu buidan.

1 Timóteo 1:3

Macedonia mai pakea anu kakin Efeso anuxun min jatu pewakin min jatu medabewayunun en mia bashibidanima keska jabias en mia ana yunuaii. Tsuabunda ja jatun yusinanbun jatun shinan medibis jau jatu yusinchakayamanunbun jatu nemakin pewawe.

1 Timóteo 5:21

Natianan, Dios inun nukun Xanen Ibu Jesucristo inun jawen nai tsuma katuabun jabun ea ninkaibun en mia yunu kayabiai ea ninkawe. Min jaibuaibu kasmai yuda betsabu tsuanda jamapai mekin chakabu washinamenkain, chakabu wamamenkain, bebunkidi chakabu shinanma dasibibu jabias ma miki chaniaibun besti unanti watan jatu pe wakubainwen.

1 Timóteo 5:7

Jaskaken jau ikunwanbuman jatukidi chakabu yuiyamanunbun ikunwainbu yusinkin jau jatunabu medabewakubainunbun jatu yunukubainwen, jatu shinanmakinan.

1 Timóteo 6:13

Diosun dasibi damiwakin jiwea jatu inankin keyumis inun nukun Xanen Ibu Jesucriston jaska xabakabi juni dateama romano xanen ibu Poncio Pilatoki chanikin ma yuinitun natian nuku uiainbun mia medabewakin en mia yunuaii.

1 Timóteo 6:17

Tsuanda ikunwain jawen pei inun jawen mabu ichapa jayabun shinain: “Natian en mabu en jayawen en jawen jiwei peaki”, ikin jau ana jaskakidi shinain jawen kenyamanunbun jatu yuiwe. Ja jaskakidi shinanmisbudan, jatun mabu chapumiswen jatu mestenwantan jiwematidumaki. Jaskaken uatian imisbu jaska shinanma jakia natianan, Diosun nuku benimawakin jatun jamapai betsa betsapa yaushiama nuku inankubainmis jaska besti bi jau jiwekubainunbunwen.

2 Timóteo 4:1

Epa Dios inun Jesucristo ja xanen ibujaidai jawen kushipawen juxun mawabu inun jiweabu unanti waxanaitun nuku xabakabi uiainbun en mia yunuchakayamai ea ninkaidawe.

Hebreus 3:1

Nuku jaska wakubainaiwen taea en betsabu inun en puibuun, nun ikunwanxanunbun Diosun nuku kenakin katuniwen taea nun jawenabuki. Jaskaken Diosun jawen bake jawen kushipaya yununika wakin ja Diosbe nuku janchaxunika Xanen Ibu Jesucristo dasibi betsabu jatu binunidan, ja besti shinankubainkanwen.